KAITOSYEK 15:9 - BUKUIT NE TILIIL Sireet ne Dutero Kanon

⁹ ingogoito anyun kobooto kirgooto kagoochinetap peek che ng'ootiin che po keruutik somok che ki kiburukto mwaita ne po litaisyek aeng'.

Bukuit Ne Tilil

⁹ ingogoito anyun kobooto kirgooto kagoochinetap peek che ng'ootiin che po keruutik somok che ki kiburukto mwaita ne po litaisyek aeng'.

BUKUIT NE TILIL

⁹ ingogoito anyun koboto kirgoto kagochinetab busiek ne yamei kebeberwek somok che bo taman che bo epah che bo busiek che ng’ootin che kigiburukto mwaita ne yamei kebebertab hin.

KAITOSYEK 15:9 Referencias Cruzadas

1 ATEPTAP PEETUUSYEK 21:23

Ki leenji `Ornan Daudi, “Ip, kobunjiin! Ingoyai kiptaiyandennyu laitoryat kiit ne keerei kole myee. Keero, agoonin eik koek kagoochinoik che kibeelei, ak agoonin tuguuk che kiboorsee koek kweenik, ak agoonin nganuuk koek kagoochinetap peek; kagoonin tugul.”

NEEMIA 10:33

che po magatinigap kabartaet, che po kagoochinet ne po kotugul ne po peek, kagoochinet ne po kotugul ne kibeelei, che po sabatoisyek ak che po ye kaleel arawet, che po igoorwek che ki king'at, che po tuguuk che itabaanatiin ak che po kagoochinoigap tengekto, si keyachine Israel kagaigaet ak che po poisyet tugul ne po kootap Kamuktaindennyo.

EZEKIEL 42:13

Ki leenjo anyun, Kooriik che mengeechen che mi murot kaataam ak che mi murot tai, che tokyindos ak komosato mi taban, chooto ko kooriik che tiliileen, ole ame tisiik che neegitee Kamuktaindet ne Toroor tuguuk che tiliileen miising': konoree olooto tuguuk che tiliileen miising', kobooto kagoochinoigap peek che ng'ootiin, ak kagoochinoigap tengekto, ak kagoochinoigap chalwokto; amu tiliil komosato.

EZEKIEL 46:11

Ak eng' peetuusyegap igoorwek ak igoorwek che ki king'at, ko agobo kagoochinetap peek che ng'ootiin kogoito litainik taman ak tisap ak kebeberyat kobooto kirgit age tugul anan ko mengit. Ak agobo che po aaregap keechiir ko ingochop ko uu ye imuuchi, ak kobooto tugul kogoitoi kora mwaita litainik somok.

EZEKIEL 46:15

Kichobei anyun ko uu nooto aarwetap keechiir, kobooto kagoochinetap peek che ng'ootiin, ak mwaita, karonet age tugul, koek kagoochinet ne kibeelei ne po kotugul.

EZEKIEL 46:5

ak kobooto mengit age tugul ko ibu kagoochinetap peek che ng'ootiin litainik taman ak tisap ak kebeberyat, ak kobooto aaregap keechiirek age tugul ko koon ko uu ye imuuchi. Ak agobo kagoochinet age tugul ne po peek ko koon litainik somok che po mwanik.

EZEKIEL 46:7

Ak agobo kirgit age tugul ak agobo mengit age tugul ko nyolu kochop ineendet litainik taman ak tisap ak kebeberyat che po kagoochinetap peek che ng'ootiin. Ak agobo che po aarek ko ingochop ko uu ye imuuchi, ak kobooto tugul kogoitoi kora mwaita litainik somok.

JOEL 1:9

Kageisto kagoochinetap peek che ng'ootiin ak kagoochinet ne kieei eng' kootap Kamuktaindet ne Toroor. Riirtos tisiik, kiboitinigap Kamuktaindet ne Toroor.

JOEL 2:14

Ng'oo ne ingen ngo tos ma week ak kowal kabwaatutikyik, ak kobagaakta kaberuret eng' ole kabunei, amu kagoochinetap peek che ng'ootiin ak kagoochinet ne kieei ne kigoochin Kamuktaindet ne Toroor Kamuktaindeng'wong'?

ATEPTAP LAWIK 14:10

“Ak konam eng' peetuut ne po sisiit aarek aeng' che mengichik che libwoben, ak aarwetap keechiir, subeendo ne libwoop, ne ma siirei kenyiit agenge, ak kebebertap somok ne po litaiyat che po peek che ng'ootiin che tambulul, koek kagoochinetap peek, che ki kiburukto mwaita, ak taabeet ne ming'in ne po mwaita.

ATEPTAP LAWIK 6:14

“Ni ko ng'atuutyetap kagoochinetap peek; igoitoi weeriigap Aron eng' taitap Kamuktaindet ne Toroor, eng' tai ne po kaptisisyonooto.

ATEPTAP LAWIK 7:37

Chuuto ng'atuutigap kagoochinet ne kibeelei, kagoochinetap peek, kagoochinetap tengek, kagoochinetap chalwok, ne po katabaanet ak ne po tiseiywotap kagoochinoik che po kaalyeet,

KAITOSYEK 15:10

Ak igoite divaik che po litaisyek aeng' koek kagoochinet ne kieei, ne punei maat koek nyamdutyet ne anyiny eng' Kamuktaindet ne Toroor.

KAITOSYEK 15:8

Ye ichop kirgit ne ming'in koek kagoochinet ne kibeelei anan ko ne po tiseiywot, si kobiit igeesu kayasyoet anan ko che po kagoochinoigap kaalyeet eng' Kamuktaindet ne Toroor,

KAITOSYEK 28:12

Kobooto keruutik somok che po peek che ng'ootiin, che kiburuktoi mwaita, kobunji kagoochinetap peek eng' kiruk age tugul; ogoitoi keruutik aeng' che po peek che ng'ootiin kobunji kagoochinetap peek, che kiburuktoi mwaita eng' mengit agenge,

KAITOSYEK 28:14

Ingoek kagoochinoikwak che keei litaisyek aeng' che po divaik eng' kiruk age tugul, litait agenge ak kebeberyat eng' mengit age tugul, ak litait agenge eng' aarwet ne mengit age tugul. Niito kagoochinet ne kebeelei ne po arawetap age tugul eng' kenyiit.

KAITOSYEK 29:6

Ogoitoi che kitesyin kagoochinet ne kibeelei ne po arawet ne kaleel ak kagoochinet ne kibeelei kotugul, kagoochinennyi ne po peek ak kagoochinoikwak che kieei, ko uu ng'atuutyennywa. Ingoek kagoochinoik che kigoochin Kamuktaindet ne Toroor ne punei maat, nyamdutyet ne anyiny.

1 SAMUEL 1:24

Ye kingo kagoluge ak ye kita ko ming'in lakwanooto, komut ineendet kwo kootap Kamuktaindet ne Toroor eng' Shiloh. Ki kweri kiruugik somok ak koip kiloinik taman che po peek che ng'ootiin kobooto soteet agenge ne po divaik.