KAITOSYEK 15:3 - BUKUIT NE TILIIL Sireet ne Dutero Kanon

³ ak omach ochopchi Kamuktaindet ne Toroor kagoochinet ne punei maat, ngo kagoochinet ne kibeelei anan tiseiywot, si kobiit ogesu kayasyoet anan kagoochinet ne po chamyet anan eng' igoorwek che ki king'at, si oyachi Kamuktaindet ne Toroor nyamdutyet ne anyiny ne po tuuga anan ko ne po neego,

Bukuit Ne Tilil

³ ak omach ochopchi Kamuktaindet ne Toroor kagoochinet ne punei maat, ngo kagoochinet ne kibeelei anan tiseiywot, si kobiit ogesu kayasyoet anan kagoochinet ne po chamyet anan eng' igoorwek che ki king'at, si oyachi Kamuktaindet ne Toroor nyamdutyet ne anyiny ne po tuuga anan ko ne po neego,

BUKUIT NE TILIL

³ ak omach ochopchi Jehovah kagochinet ne bunei mat, ngo kagochinet ne kibeelei, anan tiseiywot, si kobiit ogesu kayosiet, anan kagochinet ne bo chamnyet, anan eng’ igorwek che kiging’at, si oyachi Jehovah nyamdutiet ne anyiny, ne bo tuga, anan ko ne bo nego:

KAITOSYEK 15:3 Referencias Cruzadas

TAUNET 8:21

Kingo ng'uuchi `Kamuktaindet ne Toroor anyinyindo kobun kaptisiisyo, kotil ineendet eng' muguleldanyi kole, “Ma achube ng'wony kogeny agobo chii amu yaacheen kabwaatutigap muguleldap chii kobooch koming'in. Ma abare tuguuk tugul che saptos kogeny agoi ko uu ye ki ayai.

EZRAH 7:17

Myee anyun iale fedhaisyechu, kiruugik, mengichik, aaregap keechiir, kobooto kagoochinoikwak che po peek ak kagoochinoikwak che kieei ak igoite chooto eng' kaptisisyetap kootap Kamuktaindeng'wong' ne mi Jerusalem.

TIENWOGIKAL 54:6

Agoonin korosyot ne po chamyet; aweechi kongoi, ee Kamuktaindet ne Toroor, amu myee niito.

KOMONG'U 29:18

Beel mengoto komugul eng' kaptisisyet: niito ko kagoochinet ne kibeelei ne po Kamuktaindet ne Toroor; nyamdutyet ne anyiny, kagoochinet ne kigoochin Kamuktaindet ne Toroor kobunei maat.

KOMONG'U 29:25

Icheru tuguuchooto eng' eunekwak ak ibeel eng' kaptisisyet eng' paragutap kagoochinet ne kibeelei, koek nyamdutyet ne anyiny eng' taitap Kamuktaindet ne Toroor. Niito ko kagoochinet ne kigoochin Kamuktaindet ne Toroor kobunei maat.

KOMONG'U 29:41

Igoite aarwet age koskoleny ak iyachi ko uu kagoochinetap peek ni kabo karon ak ko uu kagoochinennyi ne kirong'u, koek nyamdutyet ne anyiny, kagoochinet ne kigoochin Kamuktaindet ne Toroor ne punei maat.

ATEPTAP LAWIK 10:13

Oame eng' ole-tiliil, amu kebebertang'ung' niito ak weeriiguk, eng' kagoochinoik che punei maat che kigoochin Kamuktaindet ne Toroor, amu ki king'ata ko uu nooto.

ATEPTAP LAWIK 27:2

“Mwachi piigap Israel leenjin icheek, Ye yaei chii kaarorunet, kogoito chii kobunji Kamuktaindet ne Toroor, ak komach kogoito alyetap kamanuutyetap chiichooto,

ATEPTAP LAWIK 7:16

Ago, ngo kagoochinetap kongoi, anan kagoochinet eng' chameet, keamei eng' peetuunooto ka kigoitoi, ak keamei eng' peetuutap aeng' che kong'et eng' chooto.

KAITOSYEK 28:27

Ogoite kagoochinet ne kibeelei ne po nyamdutyet ne anyiny eng' Kamuktaindet ne Toroor: kiruugik aeng' che neran, mengit ak aarek tisap che mengichik che ma siirei kenyiit agenge.

KAITOSYEK 29:8

Ago ogoochini Kamuktaindet ne Toroor kagoochinet ne kibeelei ne po nyamdutyet ne anyiny: kirgit agenge ne neran, mengit agenge ak aarek tisap che mengichik che ma siirei kenyiit agenge, egu che libwoben eng' okweek.

KAITOSYEK 6:15

Igoitoi kogeny kerebet ne oo ne mi magatiinik che ma kinde mermereek, magatiinik che mengeechen che po peek che ng'ootiin che tambulul che ki kiburukto mwaita, magatiinik che tertereen che ma kinde mermereek che ki kiilee mwaita, kagoochinennywa ne po peek ak kagoochinoikwak che kieei.

MATAYO 3:17

Ak ki mang'une tuugeet kipsengwet, kole, “Ni ko Weeriinnyu, chamanennyu, agasegei ineendet.”

2 KORINTOEK 2:15

Amu kinyamdutyet ne anyiny ne po Kristo eng' Kamuktaindet, eng' icheek che kisaru, ak eng' icheek che lustos;

2 KORINTOEK 2:16

eng' alak ko ki nyamdutyet ne po meet agoi meet; eng' alak ko ki nyamdutyet ne po saboondo agoi saboondo. Ak tos ng'oo ne yamegei ak tuguuchu?

EPESOEK 5:2

ak obendate chamyet, ko uu ye ki chamaak Kristo agine, ak kogoitogei agobo acheek, koek kagoochinet ak tiseiywot eng' Kamuktaindet ne ng'uu ne nyamdut.

NG'ATUTIK 12:11

Egu anyun ole leweni Kamuktaindet ne Toroor Kamuktaindeng'wong' konde kainennyi kotebee, ole oibe koba tugul che ang'atook; kagoochinoikwok che kibeelei, tiseiywekwok, kebeberwekwok, kagoochinetap eunekwok ne kinamjin parak ak kaarortaosyekwok tugul che oarorchini Kamuktaindet ne Toroor.

NG'ATUTIK 12:17

Amat oam eng' kurgotikwok kebebertap peeguk, anan ne po divaiguk anan ne po mwaniguk anan che twatei tuguuk anan che po keechiireguk anan kaarortaosyeguk alak tugul che iarortoi anan kagoochinoiguk che po chamyet anan kagoochinetap eunekwok ne kinamjin parak.

NG'ATUTIK 12:6

oibe kagoochinoikwok che kibeelei, tiseiywekwok, kebeberwekwok, kagoochinetap eunekwok ne kinamjin parak, kaarortaosyekwok, kagoochinoigap chamyet ak che twatei tuukwok ak keechiirekwok.

PILIPIK 4:18

Ago atinye tuguuk tugul, ak che siirtoot: aa piyong'ot, amu ki ataach eng' Epaphroditus tuguuk che kibunwok, che po ng'uunet ne nyamdut, korosyot ne taagaksei, ne iboiboi Kamuktaindet.