KAITOSYEK 15:24 - BUKUIT NE TILIIL Sireet ne Dutero Kanon

²⁴ Ko ngo lel chii ama nai tuiyet, kogoitoi anyun tuiyet komugul kirgit ne neran kobunji kagoochinet ne kibeelei ak koek nyamdutyet ne anyiny eng' Kamuktaindet ne Toroor, kobooto kagoochinennyi ne po peek ak kagoochinennyi ne kieei ko uu ng'atuutyet. Igoitoi kora tuiyet kwesta agenge ne po kagoochinet agobo tengekto.

Bukuit Ne Tilil

²⁴ Ko ngo lel chii ama nai tuiyet, kogoitoi anyun tuiyet komugul kirgit ne neran kobunji kagoochinet ne kibeelei ak koek nyamdutyet ne anyiny eng' Kamuktaindet ne Toroor, kobooto kagoochinennyi ne po peek ak kagoochinennyi ne kieei ko uu ng'atuutyet. Igoitoi kora tuiyet kwesta agenge ne po kagoochinet agobo tengekto.

BUKUIT NE TILIL

²⁴ koek anyun, ngo lel chi, ama konai tuiyet, kogoito anyun tuiyet komugul kirgit ne neran, kobunji kagochinet ne kibeelei, koek nyamdutiet ne anyiny eng’ Jehovah, koboto kagochinennyi ne bo busiek, ak kagochinennyi ne kieei, ko u ng’atutiet, ak kwesta agenge ne bo kagochinet agobo tengekto.

KAITOSYEK 15:24 Referencias Cruzadas

EZRAH 6:17

Ki igoito kiruugik pogol agenge, mengichik pogol aeng', aaregap keechiir pogol ang'wan eng' peetuutap katabaanetap koyooto po Kamuktaindet. Ak ki igoito kwesik taman ak aeng' koek kagoochinetap tengekto agobo Israel tugul kobee koitetap ortinwegap Israel.

EZRAH 8:35

Ki igoito lagogap luulenik, che ki weeksei eng' ole ki kiluulji, kagoochinoik che kibeelei kogoochi Kiptaiyat Kamuktaindetap Israel; kiruugik taman ak aeng' agobo Israel tugul, mengichik tamanwogik sogool ak lo, aaregap kechir tamanwogik tisap ak tisap, kwesik taman ak aeng', koek kagoochinetap tengekto. Ki ek chuuto tugul kagoochinet ne kibeeljin Kamuktaindet ne Toroor.

ATEPTAP LAWIK 23:19

Ogoitoi kwesta agenge koek kagoochinetap tengekto, ak koek aarek aeng' che mengichik che ma siirei kenyiit agenge, kobunji tiseiywotap kagoochinoik che po kaalyeet.

ATEPTAP LAWIK 4:2

“Mwachi piigap Israel leenjin, Chu ng'atuutik agobo ye kayai chii age tugul tengek ama eng' kwetyinet, eng' kiy age tugul ne ki ng'at Kamuktaindet ne Toroor kole amat oyai:

ATEPTAP LAWIK 4:22

“Ye kalel pounindet, koyai ama nai kiy age tugul ne ki ng'at Kamuktaindet ne Toroor Kamuktaindennyi kole matkeyai, ak konam ineendet tengekto,

ATEPTAP LAWIK 4:23

ak ngiboorchi ineendet tengektanyi ne ki yai, koget kwesta ne libwoop kobunji kagoochinennyi.

ATEPTAP LAWIK 5:15

“Ngo yai chii age tugul chalwokto, lelutyet ne koma kokwetyin, eng' tuguuk che itabaanatiin che po Kamuktaindet ne Toroor, kokwerichi anyun Kamuktaindet ne Toroor kagoochinetap chalwoktanyi, mengit ne libwoop eng' akweetap keechiirek, ne po kamanuutyet ne irogendochini eng' shekelisyek che po fedha, ko uu shekel ne po ole-tiliil. Nooto ko kagoochinetap chalwokto.

ATEPTAP LAWIK 5:18

Ketu anyun mengit ne libwoop ne punu akweetap keechiirek kogetyi tisiindet, ko uu kamanuutyet ne irogendochini, si koek kagoochinetap chalwokto. Yae tisiindet kagaigaet agobo ineendet amu lelutyet nooto ki yai ama eng' kwetyinet, ak kenyochigaat.

KAITOSYEK 15:23

tugul che king'ataak Kamuktaindet ne Toroor eng' Musa kobooch ye kigon ng'atuutik agoi ibinwekwok tugul.

KAITOSYEK 15:26

Ak kenyochigaat tuiyet komugul ne po piigap Israel kobooto toondet ne meng'iisyei eng' kwenunnywa, amu ki yai lelutyonooto piik tugul amengen.

KAITOSYEK 28:15

Kigoitoi nooto ketesyin kagoochinet ne kibeelei kotugul kobooto kagoochinet ne kieei, kwesta agenge kobunji kagoochinetap tengekto eng' Kamuktaindet ne Toroor.