KAITOSYEK 15:15 - BUKUIT NE TILIIL Sireet ne Dutero Kanon

¹⁵ Agenge ng'atuutyet ne po chii age tugul eng' okweek agot eng' kiprutoiyot ne meng'iisyei kobootok, ng'atuutyet ne tebyei agoi eng' ibinwekwok tugul. Ko uu ole oteptoi eng' taitap Kamuktaindet ne Toroor, kotebyei ko uu nooto agine kiprutoiyot.

Bukuit Ne Tilil

¹⁵ Agenge ng'atuutyet ne po chii age tugul eng' okweek agot eng' kiprutoiyot ne meng'iisyei kobootok, ng'atuutyet ne tebyei agoi eng' ibinwekwok tugul. Ko uu ole oteptoi eng' taitap Kamuktaindet ne Toroor, kotebyei ko uu nooto agine kiprutoiyot.

BUKUIT NE TILIL

¹⁵ Agenge ng’atutiet ne bo tuiyet eng’ okwek, ak eng’ kipsagarindet ne meng’isiei kobotok, ng’atutiet ne tebyei agoi eng’ ibinwekwok tugul: ko u ole oteptoi eng’ taitab Jehovah, kotebyei ko u noto agine kipsagarindet.

KAITOSYEK 15:15 Referencias Cruzadas

KOMONG'U 12:14

Egu peetuuniito peetuutap kabwaatet eng' okweek. Oriip kobunji igoorto ne po Kamuktaindet ne Toroor ak oyai igoorito koek ng'atuutyet eng' ibinwekwok tugul agoi koigeny.

KOMONG'U 12:24

Oriibe anyun ng'olyoondoni koek ng'atuutyet ne po koigeny eng' inyee ak weeriiguk.

KOMONG'U 12:43

Ki leenji `Kamuktaindet ne Toroor Musa ak Aron, “Che isubu ko ng'atuutik che po paska: Ma amei too ne ma agenge eng' piigap Israel,

KOMONG'U 12:49

Ng'atuutyet niito ko agenge ak kogergei eng' ne ki kisikyin emeng'wong' ak eng' ne toondet ne rutochinok.”

KOMONG'U 28:43

Ilaachi Aron ak weeriikyik tuguuchooto ye pendi emaitap oriit, anan ye riikyin kapkorosuut si kobiit kobois eng' ole-tiliil si ma nam icheek tengekto, ak kobek. Egu niito ng'atuutyet eng' ineendet ak eng' iyotennyi ne piitu let.

ATEPTAP LAWIK 24:22

Egu agenge ng'atuutyeng'wong', kergeitu ne punootyo ak ne salwok. Amu aa Kamuktaindet ne Toroor Kamuktaindeng'wong'.”

KAITOSYEK 10:8

Kuutei weeriigap Aron, tisiik, igondisyek, ak egu tuguuchooto eng' okweek ng'atuutyet ne po koigeny eng' ibinwekwok tugul.

KAITOSYEK 15:14

Ak ngo mi kipsagarin kobootok anan chii age tugul ne mi kobootok eng' ibinwekwok tugul ak komach kogoito kagoochinet ne punei maat kobunji nyamdutyet ne anyiny eng' Kamuktaindet ne Toroor, koyaei agine ko uu ye oyae.

KAITOSYEK 15:29

Ng'atuutyoni agenge koboisye eng' okweek kogergeit eng' chiito ne kalel kiy age tugul amaingen, eng' piigap Israel ak eng' toondet ne meng'iisyei eng' kwenunnywa.

KAITOSYEK 18:8

Ki leenji `Kamuktaindet ne Toroor Aron, “Kaagoonin riipseet ne po konunoikyuk che kinamjin parak, tuguuk tugul che itabaanatiin che po piigap Israel. Kaagoonin inyee ak weeriiguk tuguuchooto, amu kailset, koek ng'atuutyet ne po agoi.

KAITOSYEK 9:14

“Ak ngo mi chii ne punootyon ne meng'iisyei eng' kwenung'wong' ak komachei koriip paska ne po Kamuktaindet ne Toroor, ko nyolu koyai ko uu ng'atuutyetap paska ak ko uu ye ki kiaror. Egu ng'atuutyet agenge eng' chii ne punootyot ak eng' ineendet ne po emoniito.”

GALATYEK 3:28

Ma imugaksei keele mi Yahudyot anan Yunanindet, ama mi otwogindet anan ne ityagat, ama mi ne muren anan ne tye: amu okweek tugul ko oo agenge eng' Kristo Jeso.

KOLOSAIK 3:11

ole ma ting'e poroindo Yunanindet ak Yahudyot, ne imuratanat ak ne ma imuratanat, punootyo, Sitiaindet, ne otwogin, ne ityagat: ago Kristo ko tugul ak eng' tugul.

JOSHUA 8:33

Kitononso Israel tugul, ne toondet ak ne ki kisikyi kaa, kobooto poisyekwak ak kiptainikwak ak kirwoogikwak, eng' moinget komosi ak komosi eng' taitap tisiik Lawiik, kotoorchindos ak che ibei moingetap arorutyetap Kamuktaindet ne Toroor. Ki imii kebeber taitap tulweetap Gerizim, komi kebeber taitap tulweetap Ebal, ko uu ye ki kang'at Musa otwogindetap Kamuktaindet ne Toroor korook, kole kiberuure piigap Israel.

1 SAMUEL 30:25

Ki ek ko uu nooto kobooch peetuunooto agoi. Ki yai koek ng'atuutyet ak kayomiset agobo Israel agoi rani.