KAITOSYEK 14:43 - BUKUIT NE TILIIL Sireet ne Dutero Kanon

⁴³ Amu mi taing'wong' eng' olooto Amelegik ak Kanaanik. Amu ki oweegei let ama osup Kamuktaindet ne Toroor, koma mi anyun ineendet kobootok ak ki parok eng' rotwetap chok.”

Bukuit Ne Tilil

⁴³ Amu mi taing'wong' eng' olooto Amelegik ak Kanaanik. Amu ki oweegei let ama osup Kamuktaindet ne Toroor, koma mi anyun ineendet kobootok ak ki parok eng' rotwetap chok.”

BUKUIT NE TILIL

⁴³ Amu mi taing’wong’ eng’ oloto Amalegik ak Kananik, ak kibarok eng’ rotwetab chok; amu kioweige let ama osub Jehovah, mami anyun Jehovah kobotok amu noto.

KAITOSYEK 14:43 Referencias Cruzadas

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

2 ATEPTAP PEETUUSYEK 15:2

ak ki wo kotorookta Asa, koleenji, “Ogasa okweek, inyee Asa ak Judah tugul ak Benjamin! Mi Kamuktaindet ne Toroor kobootok koteen otebye ak ineendet. Ye ocheeng' ineendet, onyooru, ago ngot omete ineendet, kometook.

TIENWOGIKAL 44:10

Kegoonech kemwee puunikyok, ak kanyabanjigei che wechech tuguuk che luulei.

ISAIAH 63:10

Ago ki ingelelso ak kogoochi arageneet Kabuusennyi ne Tiliil: ki kiwal anyun koek punyonnywa, ak kobargei ak icheek.

HOSEA 9:12

Agot nganda igui lagokwak, agoochini kobegune lagok, si ma ng'et chii. Ee, pwo iman eng' icheek, ye amete icheek!

ATEPTAP LAWIK 26:17

Aboorwok nereegekyuk, ak kebaraak eng' taitap puunikwok. Poiywok che wechok, ak omwei ko maonok chii.

KAITOSYEK 13:29

Menyei Amelegik komostap murot tai; komenyei tuloonook Hitik, Jebusik ak Amorik, ak komenyei Kanaanik ngeguutyet ne po araraitap Mediterenian ak atebweetap Jordan.”

KAITOSYEK 14:25

Amu menyei atebweet Amelegik ak Kanaanik, ko oweigei anyun mutai ak obe surkwen otokyigei ooreet ne wendi Nyanjet ne Piriir.”

KAITOSYEK 14:42

Amat otogoste amu ma mi Kamuktaindet ne Toroor kobootok, si ma parak koterteerak eng' puunikwok.

KAITOSYEK 14:44

Agot nga uu nooto, ko ki ma kas iit icheek, ago ki pa kin icheek agoi tulweet parak. Ki ma kiip moingetap arorutyetap Kamuktaindet ne Toroor eng' nganaseet ak ki ma wo Musa agine.

NG'ATUTIK 28:25

“Igoitoin Kamuktaindet ne Toroor koterteerin puuniguk. Ibookyini eng' ooreet agenge ak imwee eng' tainnywa eng' ortinwek tisap ak konaatiin laitornatosyek tugul che po ng'wony.

JOSHUA 22:15

Ki pwa anyun ole mi lagogap Reuben, lagogap Gad ak kebebertap pororyetap Manasseh eng' emetap Gilead ak kong'alaalji koleenji,

JOSHUA 7:12

Nooto anyun amu nee si ma imuuchi piigap Israel kotononso eng' taitap puunikwak, komweune puunikwak amu kagoek che chubootiin. Ma ami kobootok kogeny ngot ko mong'em eng' kwenung'wong' tuguuchooto itabaanatiin.

KIRUOGIK 16:20

Ki le Delila, “Kabwonjin Philistiik, Samson!” Kisiir eng' rwondanyi ak kole, “Amandoi ko uu ye cham ayae kotugul, awo aleileigei.” Ago ki ma nai kole kagometo `Kamuktaindet ne Toroor ineendet.