KAITOSYEK 14:34 - BUKUIT NE TILIIL Sireet ne Dutero Kanon

³⁴ Ko uu koitetap peetuusyek che ki otar eng' segeetap emet, chooto peetuusyek artam, ko peetuut age tugul ko kenyiit, oiboti anyun tengekwogikwok kenyiisyek artam si kobiit onai ye aistoenok kayomisutyennyu.’

Bukuit Ne Tilil

³⁴ Ko uu koitetap peetuusyek che ki otar eng' segeetap emet, chooto peetuusyek artam, ko peetuut age tugul ko kenyiit, oiboti anyun tengekwogikwok kenyiisyek artam si kobiit onai ye aistoenok kayomisutyennyu.’

BUKUIT NE TILIL

³⁴ Oiboti tengekwogikwok kenyisiek artam ko u koitetab betusiek che kiotar eng’ segeetab emet, eng’ betusiechoto artam, ko betut age tugul ko kenyit, si kobiit onai ye aistoenok kayomisutiennyu.

KAITOSYEK 14:34 Referencias Cruzadas

1 LAITORINIK 8:56

“Iberuurot Kamuktaindet ne Toroor, ne Ki kogoochi kamuung'et piikyik Israel, ko uu tuguuk tugul che kiga koaror. Ma pet ng'olyoot agot agenge eng' arorutyennyi tugul ne myee, ne ki iaror eng' otwogindennyi Musa.

2 ATEPTAP PEETUUSYEK 36:21

si kosulda ng'olyootap Kamuktaindet ne Toroor ne ki mwa eng' kutitap Jeremiah, agoi kogasegei emet sabatoisyekyik: amu ki riip sabatoisyekyik eng' peetuusyechooto ki ma komenyei chii, kot kosulda kenyiisyek tamanwogik tisap.

TIENWOGIKAL 105:42

Amu ki ibwaat ng'olyoondennyi ne tiliil, ak Abraham kiboityondennyi.

TIENWOGIKAL 38:4

Amu kagomaluucha tengekwogikyuk; kagotemena ko uu mileet ne nyigiis.

TIENWOGIKAL 77:8

Tos ki kogeskei rireenennyi koigeny? Tos ma kosuldoi arorutyennyi koigeny?

TIENWOGIKAL 95:10

Ki aaragen kenyiisyek artam eng' ibinooto, Ak ki ale, Icheeget ko piik che mastoi eng' mugulelwekwak, Ak tomo konai ortinwekyuk:

EZEKIEL 14:10

Ak koip icheek tengektonywa: tengektap maotyot ko uu tengektap chiito ne cheeng'ei ineendet;

EZEKIEL 23:35

Mwaei anyun Kiptaiyat Kamuktaindet ne Toroor kole: Amu ki iutyeno, ak ituktocha patai, kesen anyun yaityeng'ung' agine ak kugoinatosyeguk.

EZEKIEL 4:5

Amu ki ang'at kenyiisyegap tengektonywa koek eng' inyee koitetap peetuusyek, chooto ko peetuusyek pogol somok ak tamanwogik sogool: iibe anyun ko uu nooto tengektap kootap Israel.

EZEKIEL 4:6

Ak kogeny, ye kaiyai chuuto kosulda, iru isyep komostap tai, ak iibe tengektap kootap Judah: peetuusyek artam, peetuut agenge ko po kenyiit agenge, kang'atiin anyun ko uu nooto.

HOSEA 9:12

Agot nganda igui lagokwak, agoochini kobegune lagok, si ma ng'et chii. Ee, pwo iman eng' icheek, ye amete icheek!

ATEPTAP LAWIK 20:19

Amat ing'aany poortap chepkametap kamenng'ung', anan isengeng'ung', amu kagong'aany poortap tilyonutik che neegit. Ibei icheek tengektonywa.

SEKARIA 11:10

Ak ki anam kiroktonyu Myeeindo, ak aep apcheune aeng', si kobiit abut kayomisennyu ne ki kiyomiskei kobooto pororyosyek tugul.

KAITOSYEK 13:25

Kingo keskei peetuusyek artamu, koweek eng' segeetap emet.

KAITOSYEK 18:23

Ago yaei Lawiik poisyetap emait ne kituiyechin, ak koip tengektonywa. Egu niito ng'atuutyet ne po koigeny eng' ibinwekwok tugul. Ago ma nyooru poroteet icheek eng' piigap Israel.

KAITOSYEK 32:13

Ki nereech kot Kamuktaindet ne Toroor agobo Israel, ak ki igoochi icheek koombeniot eng' surkwen eng' kenyiisyek artam agoi kowong'kei ibinda tugul ne ki yai yaityet eng' taitap Kamuktaindet ne Toroor.

POISYONIGAP CHE KIYOKTOI 13:18

Ak kimuitoochi icheek eng' atebosyekwak eng' olo po kenyiisyek artam eng' surkwen.

NG'ATUTIK 2:7

“Amu ki koberuurin Kamuktaindet ne Toroor Kamuktaindeng'ung' eng' poisyet tugul ne po euneguk. Ki konai pandang'ung' eng' ong'atani oo. Ki imi kobooten Kamuktaindet ne Toroor Kamuktaindeng'ung' eng' kenyisyechu artam ak ma rarun kiy.

HEBRANIK 4:1

Ongiywei anyun yo ta komi arorutyet ne keite kamuung'ennyi, si ma leen chii age tugul eng' okweek, mata anyooru.

JOSHUA 14:10

Ko uu nooto anyun, ko ki koriibo Kamuktaindet ne Toroor asap ko uu ye ki mwa. Kenyiisyek artam ak muut kobooch peetuut ne ki mwachi `Kamuktaindet ne Toroor Musa ng'olyoondoni, ye kingo ta kobendoti Israel eng' surkwen ak ang'ni nguno atinye kenyiisyek tamanwogik sisiit ak muut!

NG'ANG'UTYET 11:3

Ak agoochini paorinikyuk aeng' komaoten peetuusyek eliphuut agenge pogol aeng' ak tamanwogik lo, kolaachi kuniok.

1 SAMUEL 2:30

Nooto anyun mwaei Kamuktaindet ne Toroor Kamuktaindetap Israel kole, ‘Ki amwa iman ale, wendoti eng' tainnyu koong'ung' ak kootap kwandang'ung' koigeny.’ Ago kamwa Kamuktaindet ne Toroor nguno kole, ‘Ingolooit eng' anee!’ Icheek che konyita, agonyiti, ago icheeget che ma iita kole aa kiy, kesasei.