KAITOSYEK 14:18 - BUKUIT NE TILIIL Sireet ne Dutero Kanon

¹⁸ ‘Ma sip konereechi Kamuktaindet ne Toroor ak ko nyiitaat rireenet, ne nyochin kaat tengekto ak pistoet ama nyochin kaat puch kiptengekyot; ago iityin lagok agobo tengektap kwanisyekwak agoi ibinda ne po somok ak ne po ang'wan.’

Bukuit Ne Tilil

¹⁸ ‘Ma sip konereechi Kamuktaindet ne Toroor ak ko nyiitaat rireenet, ne nyochin kaat tengekto ak pistoet ama nyochin kaat puch kiptengekyot; ago iityin lagok agobo tengektap kwanisyekwak agoi ibinda ne po somok ak ne po ang'wan.’

BUKUIT NE TILIL

¹⁸ Masib konerech Jehovah, ak ko nyiitat rirenet, ne nyochin kaat tengekto ak bistoet, ama nyochin kaat buch kiptengekyot; ago iityin lagok agobo tengektab kwanisiekwak, agoi ibinda ne bo somok ak ne bo ang’wan.

KAITOSYEK 14:18 Referencias Cruzadas

NEEMIA 9:17

Ki eesyo icheek kogas iit, amata kobwaat kwang'utiguk che ki iyai eng' kwenunnywa, ago ki iuiit kaatinnywa. Eng' ngelelnatennywa kogilewen kiptaiyannywa komut icheek koweekyigei otwoknateet eng' Misiri. Ago ii Kamuktaindet ne ichoboot inyochi kaat, ii myee ak itinye riirge, ii Kamuktaindet ne ma sip konereechi, ak itinye rireenet ne oo, ama imete icheek.

Kitabuutap JOB 21:19

Oleen konorchin Kamuktaindet lagogap chiichooto tengektanyi. Ago aleen, ingogeerchigei, si kobiit konai.

TIENWOGIKAL 103:8

Nyiitaat Kamuktaindet ne Toroor rireenet ak ko po myeeindo, ma sip konereechi ak tinyei rireenet ne oo.

TIENWOGIKAL 108:4

Amu oo rireeneng'ung' kosiir kipsengwet, ak itei imandang'ung' poolik.

TIENWOGIKAL 109:14

Ingobwaatak tengektap kwanisyekyik eng' Kamuktaindet ne Toroor; amat kibukto tengektap kamet.

TIENWOGIKAL 145:8

Kamuktaindet ne Toroor ko ne po myeeindo ak ko nyiitaat rireenet; ma sip konereechi ak tinyei rireenet ne oo.

TIENWOGIKAL 78:38

Ago kinyochi kaat tengektonywa amu ki nyiitaat ineendet rireenetapkei, ak ki ma par icheek: Ee, kiweekta nereegekyik konyil che chaang', Ama ing'eet nereegekyik tugul.

TIENWOGIKAL 86:15

Ago inyee, ee Kiptaiyat, ko ii Kamuktaindet ne nyiitaat rireenet ak ko po myeeindo, Ne ma sip konereechi, ne tinyei chaang'indap rireenetapkei ak imanit.

KOMONG'U 20:5

ameng'uruukyi anan ioot icheek, amu anee Kamuktaindet ne Toroor Kamuktaindeng'ung', ko aa Kamuktaindet ne ama ng'etkong'. Ageerchini lagok tengektap kwanisyekwak agoi ibindap somok ak ne po ang'wan eng' icheek che wecho.

KOMONG'U 20:6

Ago ariiree eliphuusyek eng' icheek che chama ak kosubi ng'atuutikyuk.

JEREMIA 23:2

Mwaei anyun Kamuktaindet ne Toroor, Kamuktaindetap Israel, ko uu ni, agobo mestoweek che paei piikyuk, kole, ki oiyeste akweennyu, ak oon, ama obe ogeer; ogeero, aitwok pireet ne po yaityetap poisyonikwok, mwaei Kamuktaindet ne Toroor.

JEREMIA 32:18

inyee ne iriiree eliphuusyek, ak igeerchini tengekwogigap kwanisyek tegetigap lagokwak che isubi icheek: Kamuktaindet ne Toroor ne oo, ne po kamuktaet, kainennyi ko Kamuktaindet ne Toroor ne po lugoosyek;

RIREKAB JEREMIA 5:7

Ki yai tengek kwanisyekyok ak ma komi; ang'ni anyun kigegesen tengekwogikwak.

JONAH 4:2

Ki sa Kamuktaindet ne Toroor kole, “Asaain, ee Kamuktaindet ne Toroor, tos ma ng'olyoondoniito ne ki kamwa ye kingo ta ami emennyu? Ki amwei anyun achakte awe Tarsis amu niito. Ki angen ale ii Kamuktaindet ne po myeeindo ak ne nyiitaat rireenet, ne ma sip konereechi ak kotinyei rireenet ne oo, ak iwale kabwaatutiguk agobo yaityet.

MIKAH 7:18

Ng'oo Kamuktaindet ne uu inyee, ne nyochin kaat piik amu tengekto, ak kosiirtoe pistoetap piik che ki ng'et che po porotennyi? Mateptoi nereegekyik agoi, amu paibaitune rireenet.

KAITOSYEK 14:17

Asaain anyun nguno ale, ingoeet kimnateetap Kiptaiyat ko uu ye kaimwa ile,

KAITOSYEK 23:21

Tomo kogeerchi Jakobo tengekto, ama keerchi Israel kiy ne imaasat. Mi kobooto ineendet Kamuktaindet ne Toroor Kamuktaindennyi, ak mi cheetap laitoryat kwenunnywa.

ROMANIK 5:21

si, ko uu ye kiboi tengekto eng' meet, ko uu nooto pou myeeindo eng' imanda agoi saboondap koigeny eng' Jeso Kristo Kiptaiyandennyo.

NG'ATUTIK 5:10

Ago ariiree eliphuusyek eng' icheek che chama che isubi ng'atuutikyuk.

NG'ATUTIK 5:9

Ameng'uruukyi anan ioot. Amu anee Kamuktaindet ne Toroor Kamuktaindeng'ung', ko aa Kamuktaindet ne amei ng'etkong'. Ageerchini lagok tengektap kwanisyekwak agoi ibinda ne po somok ak ne po ang'wan eng' icheek che wecho.

NG'ATUTIK 7:10

Yaakyin mugetuut kong'emei che wechei ineendet ne matiny: ma igaigei eng' ne wechei, igeerchin kimni.

NG'ATUTIK 7:9

Nai anyun ile Kamuktaindet ne Toroor Kamuktaindeng'ung', ko Kamuktaindet, Kamuktaindet ne po imanda, ne riibei kayomiset ak rireenet eng' icheek che chamei ineendet ak koriibei ng'atuutikyik agoi ibindap eliphuut.