KAITOSYEK 14:14 - BUKUIT NE TILIIL Sireet ne Dutero Kanon

¹⁴ komwachi piigap emoniito. Ki kogas icheek kole imi inyee Kamuktaindet ne Toroor kwenutap pichu. Amu itaagu inyee Kamuktaindet ne Toroor kimni, tonone poldeng'ung' paragunnywa ak indoe icheek eng' toloitap pooldet peet ak eng' toloitap maat kemoi.

Bukuit Ne Tilil

¹⁴ komwachi piigap emoniito. Ki kogas icheek kole imi inyee Kamuktaindet ne Toroor kwenutap pichu. Amu itaagu inyee Kamuktaindet ne Toroor kimni, tonone poldeng'ung' paragunnywa ak indoe icheek eng' toloitap pooldet peet ak eng' toloitap maat kemoi.

BUKUIT NE TILIL

¹⁴ yeityo komwachi bikab emonito, Kigogas ichek kole imi inye Jehovah kwenutab bichu; amu i toogu inye Jehovah kimni, ak tonone boldeng’ung’ baragunywa, ak indoe ichek, eng’ toloitab boldet bet, ak eng’ toloitab mat kemoi.

KAITOSYEK 14:14 Referencias Cruzadas

TAUNET 32:30

Ki kuure anyun Jakobo kainetap yooto Peniel, amu kaager togeetap Kamuktaindet kimni, ak kota asabe.

NEEMIA 9:12

Ki indochi icheek kogeny peet eng' toloitap pooldet, ak indochi icheek kemoi eng' toloitap maat, kokweng'ji ooreet ne kanyool kobun.

NEEMIA 9:19

koma imete icheek eng' surkwen amu rireenosyeguk che chaang'. Ma istoegei paragunnywa peet toloitap pooldet si kondochi icheek eng' ooreet. Ama istoegei icheek toloita ne po maat kemoi, si koboorchi icheek lapkeiyet ak ooreet ne kanyool kobun.

TIENWOGIKAL 105:39

Ki iito pooldet koek ne tuge; ak maat si kogoochi pichooto lapkeiyet kemoi.

TIENWOGIKAL 78:14

Ki indochi eng' pooldet peet, Ak ki indochi kemout komugul eng' lapkeiyetap maat.

KOMONG'U 15:14

Ki kas pororyosyek alage, ak kibotanso; kinyoor ng'wanindo che menyei Philistia.

KOMONG'U 33:11

Ki ng'alaaljin Kamuktaindet ne Toroor ak Musa kimni, ko uu ye ng'alaaljindos chii ak chorwennyi. Kingo pata ko ki weeksei kogeny kowendi nganaseet. Ago king'etu eng' Emainooto kiboityondennyi ne neran, nooto ko Joshua weeriitap Nun.

KOMONG'U 33:16

Amu kinae nee nguno keele, kaanyooru chameet eng' taing'ung' ak piiguk? Tos ma amu kibendi kobooten ne yaech keegu che itabaanatiin, anee ak piiguk eng' piik tugul che mi ng'wony?”

KOMONG'U 40:38

Amu kiteben poldetap Kamuktaindet ne Toroor emaitap Kamuktaindet parak peet, ak ki mi maat poldanooto kemoi, kogigeerei emaitap Kamuktaindet komugul ne po Israel eng' panwekwak tugul.

KAITOSYEK 10:34

Ki mi paragunnywa poldetap Kamuktaindet ne Toroor peet ye kingo toi panda eng' nganaseet.

KAITOSYEK 12:8

Ki ng'alaaljindos ak ineendet kimni, ma eng' kalewenaik; ak kogeerei ineendet itoondap Kamuktaindet ne Toroor. Kilya anyun si moiywei ochaam kiboityondennyu Musa?”

JOHANA 1:18

Ma mi chii ne ki keer Kamuktaindet ole kigoi; kigong'ang'wech Kamuktaindet Weeriit ne ki kisich ineegei, ne mi tegetap Kwanda.

JOHANA 14:9

Koleenji Jeso, Ki kitebi tugul ak okweek peetuusyek che chaang', ak tomo inaa, Philipu? Ineendet ne ki kogeero ko ki kogeer Kwanda: imwae eng' nee anyun, ile, Iboorwech Kwanda?

1 KORINTOEK 13:12

Amu nguno kegeere eng' kioit, eng' tamirmiron; ago tuun ko togoch eng' togoch: nguno angen eng' kebeberta; ago tuun anae ko uu ye kigenaa.

NG'ATUTIK 1:19

“Ki kibe eng' Horeb kebune surkwen nooto oo tugul ak ko oo kamuiset. Ki kibunu ooreet ne po emetap tuloonook ne po Amorik ko uu ye king'atech Kamuktaindet ne Toroor, Kamuktaindennyo ak ki kipwa agoi Kadesh-barnea.

NG'ATUTIK 34:10

Tomo kobiit eng' Israel maotyot ne uu Musa ne ki nai Kamuktaindet ne Toroor kimni;

NG'ATUTIK 5:24

ak kole, ‘Ogeero, kaiboorwech `Kamuktaindet ne Toroor, Kamuktaindennyo liilindanyi ak etunatennyi ak kagegas kutinnyi komang'une maat. Kagenai rani keele ng'alaaljindos Kamuktaindet ne Toroor ak chii ak kosap.

NG'ATUTIK 5:4

Ki ng'alaalwok Kamuktaindet ne Toroor kimni eng' tulweet eng' maat,

JOSHUA 5:1

Ye kingo kas laitorinik tugul che po Amorik che ki mi komostap cherongo eng' Jordan, ak laitorinik tugul che po Kanaanik che ki neegitee nyanjetap Mediterenian kole ki yai `Kamuktaindet ne Toroor aineetap Jordan koyaam eng' taitap piigap Israel kot kolandae, kobek mugulelwekwak kot ko mata kong'et nyiganateet eng' icheek amu piigap Israel.

1 JOHANA 3:2

Chamanichu, ki lagogap Kamuktaindet nguno, ak tomo keng'aany kiit ne tuun ki uu. Kingen keele, ye tuun kaging'aany ineendet, kegergeitu ak ineendet; amu tuun kigeere ko uu ole uu ineendet.