KAITOSYEK 11:25 - BUKUIT NE TILIIL Sireet ne Dutero Kanon

²⁵ Ki choorgei Kamuktaindet ne Toroor eng' pooldet ak kong'alaalji Musa, ak ki nam kebebertap kabuuset ne ki mi ineendet konde poisyechooto tamanwogik tisap. Ye kingo tebee icheek kabuuset komaotenso agobo ng'aleek che pwoonei. Ago mata tuun koyai ko uu nooto kogeny.

Bukuit Ne Tilil

²⁵ Ki choorgei Kamuktaindet ne Toroor eng' pooldet ak kong'alaalji Musa, ak ki nam kebebertap kabuuset ne ki mi ineendet konde poisyechooto tamanwogik tisap. Ye kingo tebee icheek kabuuset komaotenso agobo ng'aleek che pwoonei. Ago mata tuun koyai ko uu nooto kogeny.

BUKUIT NE TILIL

²⁵ Ak kichorgei Jehovah eng’ boldet, ak kong’alalji Musa, ak kinam kebebertab tamirmiriet ne kimi inendet, konde boisiechoto tamanwogik tisab; ak ye kingotebe ichek tamirmiriet, koamda anyun ng’alek che bwanei, ago mata tun koyai ko u noto kogeny.

KAITOSYEK 11:25 Referencias Cruzadas

2 LAITORINIK 2:15

Kingo keer weeriigap maotik che ki mi Jeriko ko katokyigei ineendet, kole, “Tebee `sabeetap Elijah Elisha.” Ak ki pa kotorookta ineendet ak kong'uruuk kot koit ng'wony eng' tainnyi.

NEEMIA 9:20

Ki igoochi kogeny icheek Kabuuseng'ung' ne myee koneet, ama ietee icheek koam mana, ak inage peek amu meleldanywa.

TIENWOGIKAL 99:7

Ki ng'alaalji icheek eng' toloitap pooldet: Ki riip paornatosyekyik, ak kaneetisyet ne ki igoochi.

KOMONG'U 32:32

Ago ngot icham, nguno, inyochigaat tengektonywa. Ngo ma uu nooto, asoomin ale iistaa eng' bukuing'ung' ne ki isir.”

KOMONG'U 34:5

Ki choorgei Kamuktaindet ne Toroor eng' pooldet ak kotonon kobooto ineendet eng' yooto ak komwa kainennyi, “Kamuktaindet ne Toroor.”

KOMONG'U 40:38

Amu kiteben poldetap Kamuktaindet ne Toroor emaitap Kamuktaindet parak peet, ak ki mi maat poldanooto kemoi, kogigeerei emaitap Kamuktaindet komugul ne po Israel eng' panwekwak tugul.

ISAIAH 63:11

Ki ibwaat anyun peetuusyek che po keny, Musa, ak piikyik, kole, Mi ano ineendet ne ki imut icheek kolong'une nyanjet kobooto mestoweek che po akweennyi? Mi ano ineendet ne ki inde Kabuusennyi ne Tiliil kwenunnywa,

EZEKIEL 8:11

Ak kitononie taitap kanamonichooto piik tamanwogik tisap che po poisyegap Israel, ak kitonone kwenunnywa Jaasania weeriitap Sapan, kotinyei chii age tugul tereennyi eng' eunnyi, ne kibeelse; ak kitogosta iyeto ne po ng'uunetap nyamdutik.

KAITOSYEK 11:17

Achoorugei anyoone keng'alaal ak inyee eng' olooto, ak anemunenen kebebertap kabuuset ne miten inyee ak ande pichooto. Yeityo kogesen icheek mileetap piik kobooten si ma igeseni inyegei.”

KAITOSYEK 12:5

Ki choorgei anyun Kamuktaindet ne Toroor eng' toloitap pooldet ak kotonone kurgeetap Emait. Ki kuur Aron ak Miriam ak ki pwa icheek tuwai.

KAITOSYEK 16:25

Ki ng'eet Musa kwo kap Datan ak Abiram ak ki isup ineendet poisyegap Israel.

KAITOSYEK 24:2

Kitabendo anyun Balaam ak ki keer Yahudik komeng'iisyei ko katetkei ko uu ortinwekwak. Ki nyoonji Kabuusetap `Kamuktaindet ineendet,

KAITOSYEK 27:18

Ki leenji `Kamuktaindet ne Toroor Musa, “Imutu Joshua, weeriitap Nun, chiito ne tinyei Kabuuset ne Tiliil, ak igonoor eung'ung' ineendet,

POISYONIGAP CHE KIYOKTOI 11:28

Ak ki tonon age eng' icheek ne ki kiguure Agabo ak koboor eng' Kabuuset ne Tiliil kole tuun ityin rubeet ne oo ng'wony komugul; ak ki isulda niito eng' peetuusyegap Klaudio.

1 KORINTOEK 14:32

ak kase iit mugulelwegap `maotik maotik;

JAKOBO 1:17

Kagoitoet age tugul ne myee ak konunotyot age tugul ne ititaat ko po parak, choorugei eng' Kwanda ne po lapkeiyosyek, ne ma mi eng' ineendet kiit ne walaksei, anan ko urwet ne punu waletapkei.

2 PETERO 1:21

Amu ma mi maonateet ne ki kobiit eng' mageetap chii: ago ki ng'alaaldos piik eng' Kamuktaindet, kondochin Kabuuset ne Tiliil.

KIRUOGIK 3:10

Ki nyoonji ineendet Kabuuusetap Kamuktaindet ne Toroor, ak ki irwookyi Israel ak ki wo lugeet. Ki inde Kamuktaindet ne Toroor eunnyi Kusan-risataim laitoryatap Mesopotamia ak ki iterteer Othniel ineendet.

1 SAMUEL 10:10

Kingo it tulweet, kotuiye ineendet maotik che kigaiyumgei, ak ki nyoonji ineendet Kabuusetap Kamuktaindet eng' kimnateet, ak ki maoten eng' kwenunnywa.