JONAH 4:2 - BUKUIT NE TILIIL Sireet ne Dutero Kanon

² Ki sa Kamuktaindet ne Toroor kole, “Asaain, ee Kamuktaindet ne Toroor, tos ma ng'olyoondoniito ne ki kamwa ye kingo ta ami emennyu? Ki amwei anyun achakte awe Tarsis amu niito. Ki angen ale ii Kamuktaindet ne po myeeindo ak ne nyiitaat rireenet, ne ma sip konereechi ak kotinyei rireenet ne oo, ak iwale kabwaatutiguk agobo yaityet.

Bukuit Ne Tilil

² Ki sa Kamuktaindet ne Toroor kole, “Asaain, ee Kamuktaindet ne Toroor, tos ma ng'olyoondoniito ne ki kamwa ye kingo ta ami emennyu? Ki amwei anyun achakte awe Tarsis amu niito. Ki angen ale ii Kamuktaindet ne po myeeindo ak ne nyiitaat rireenet, ne ma sip konereechi ak kotinyei rireenet ne oo, ak iwale kabwaatutiguk agobo yaityet.

BUKUIT NE TILIL

² Ak kisa Jehovah kole, Asain, ee Jehovah, tos ma ng’olyondonito ne kigamwa ye kingota ami emennyu? Kiamwei anyun achakte awe Tarsis: amu kiangen ale i Kamuktaindet ne bo mieindo, ak ne nyiitat rirenet, ne ma sib konerechi, ak kotinyei chang’indab rirenet, ak iwale kabwatutiguk agobo yaitiet.

JONAH 4:2 Referencias Cruzadas

1 LAITORINIK 19:4

Ago ki wo ineendet pandap peetuut agenge kochut surkwen. Ki it ole mi keetiigap junipa, ak kotebi ng'wony eng' keetoto keel. Ki soom eng' yooto kole kome, ak ki le, “Kogoyam! Ara anyun, ee Kamuktaindet ne Toroor, ip saboondanyu nguno. Ma aa myee anee asiir kwanisyekyuk.”

TIENWOGIKAL 103:8

Nyiitaat Kamuktaindet ne Toroor rireenet ak ko po myeeindo, ma sip konereechi ak tinyei rireenet ne oo.

TIENWOGIKAL 145:8

Kamuktaindet ne Toroor ko ne po myeeindo ak ko nyiitaat rireenet; ma sip konereechi ak tinyei rireenet ne oo.

TIENWOGIKAL 78:38

Ago kinyochi kaat tengektonywa amu ki nyiitaat ineendet rireenetapkei, ak ki ma par icheek: Ee, kiweekta nereegekyik konyil che chaang', Ama ing'eet nereegekyik tugul.

TIENWOGIKAL 86:15

Ago inyee, ee Kiptaiyat, ko ii Kamuktaindet ne nyiitaat rireenet ak ko po myeeindo, Ne ma sip konereechi, ne tinyei chaang'indap rireenetapkei ak imanit.

TIENWOGIKAL 86:5

Amu ii myee inyee Kiptaiyat, ak ii choboot inyochi kaat, Ak itinye chaang'indap rireenetapkei eng' icheek che kuurin.

TIENWOGIKAL 90:13

Weeguge, ee Kamuktaindet ne Toroor; tyanitu? Ak irireegei kiboitiniguk.

KOMONG'U 32:14

Ki wol anyun `Kamuktaindet ne Toroor kabwaatutikyik agobo yaityonooto ki kamwa kole yachin piikyik.

JEREMIA 18:8

ngot kosik eng' yaityennywa pororyonooto kaamwa, awale kabwaatutukyuk eng' yaityet ne kitayachini icheek.

JEREMIA 20:7

Ee Kamuktaindet ne Toroor, ki iberbera, ak ki aberberage: ii kiim isiira, ak ki iterteerisye: kaaegu ne kirorechin peetuut komugul, churochura age tugul.

JEREMIA 26:13

Nooto anyun, olitit ortinwekwok ak poisyonikwok, ak ogas iit kutitap Kamuktaindet ne Toroor Kamuktaindeng'wong'; si kowal Kamuktaindet ne Toroor kabwaatutikyik eng' yaityet ne kogomwa agobo okweek.

JEREMIA 42:10

Ngot kota omeny emoni, ateechok anyun, ama abutok, ak aminak, ama atutok: amu kaawal kabwaatutikyuk eng' yaityet ne koayaiywok.

AMOS 7:3

Ki wal Kamuktaindet ne Toroor kabwaatutikyik agobo niito; kole “Ma piitu ko uu nooto,” mwaei Kamuktaindet ne Toroor.

AMOS 7:6

Ki wal Kamuktaindet ne Toroor kabwaatutikyik agobo niito; “Ma piitu niito agine,” mwaei Kiptaiyat Kamuktaindet ne Toroor.

JONAH 1:3

Ago king'eet Jona koleen komwechi Tarsis komwee Kamuktaindet ne Toroor. Ki choortagei kwo Joppa ak konyoor meeliit ne wendi Tarsis. Ki igoito anyun tuguuk che yamegei ak panda ak kolaany meeliit kobooto alak kole koba tugul Tarsis, komwee Kamuktaindet ne Toroor.

JONAH 3:10

Kingo keer Kamuktaindet poisyonikwak, kole kaweek icheek kometo ooreenywa ne ya; kowal Kamuktaindet kabwaatutikyik agobo yaityet ne ki kamwa kole yachin icheek; ak mata koyai.

JONAH 3:9

Ng'oo ne ingen? Imuuch koweek Kamuktaindet ak kowal kabwaatutikyik, ak kometo nereegekyik che koroomen, si koma kibegu.”

MIKAH 7:18

Ng'oo Kamuktaindet ne uu inyee, ne nyochin kaat piik amu tengekto, ak kosiirtoe pistoetap piik che ki ng'et che po porotennyi? Mateptoi nereegekyik agoi, amu paibaitune rireenet.

LUKA 10:29

Ago ye kimachei komyeeitkei, koleenji Jeso, “Ng'oo chiitap kokwennyu?”

NG'ATUTIK 4:31

Amu Kamuktaindet ne Toroor Kamuktaindeng'ung' ko Kamuktaindet ne Toroor ne po rireenet ma metoin, anan kowong'un anan koutye kayomisetap kwanisyeguk ne ki iyasyechi.