JOHANA 8:44 - BUKUIT NE TILIIL Sireet ne Dutero Kanon

⁴⁴ Oo po kwandang'wong' chesawilyet, ak ochame oyai magutigap kwandang'wong'. Ki rumiindet kobooch taunet, ama tononi eng' imanit, amu ma mi imanit eng' ineendet. Ye mwaei lembech, komwaei agobo tuguukyik, amu kiplembechwa ineendet ak kwanda ne po nooto.

Bukuit Ne Tilil

⁴⁴ Oo po kwandang'wong' chesawilyet, ak ochame oyai magutigap kwandang'wong'. Ki rumiindet kobooch taunet, ama tononi eng' imanit, amu ma mi imanit eng' ineendet. Ye mwaei lembech, komwaei agobo tuguukyik, amu kiplembechwa ineendet ak kwanda ne po nooto.

BUKUIT NE TILIL

⁴⁴ O bo kwandang’wong’ oindet, ak ochame oyai magutikab kwandang’wong’. Ki rumindet koboch taunet, ama tononi eng’ imanit, amu mami imanit eng’ inendet. Ye mwaei lembech, komwaei agobo tugukyik: amu kiplembechwa inendet, ak kwanda ne bo noto.

JOHANA 8:44 Referencias Cruzadas

TAUNET 3:15

Andoi punyondiit kwenung'wong' inyee ndareet ak kwondo ak kwenutap iyoteng'ung' ak iyotennyi. Tuei ineendet meting'ung' ak isuse aginye kwaryandennyi”

1 LAITORINIK 22:22

Ki mwachi `Kamuktaindet ne Toroor ineendet koleenji, ‘Iberbertoi ano?’ Ak ki le, ‘Awendi ak aegu tamirmir ne kenisyei eng' kutusweegap maotikyik tugul.’ Ak ki mwa ineendet kole, ‘Iberberi ineendet ak iterteer; ui anyun ak iyai ko uu nooto.’

1 ATEPTAP PEETUUSYEK 21:1

Ki ng'eet Setani kogirinda Israel, ak ki igoochi Daudi koiit Israel.

Kitabuutap JOB 1:11

Chuul ibak eung'ung' ak itwa tuguuk tugul che tinyei si iroo ngo ma eesyeen eng' taing'ung'.”

MATAYO 12:34

Lagochu po erenooi, omuktoi ano okweek che oo yaach omwa tuguuk che myach? Ng'alaali kutit che nyiitaat muguleldo.

MATAYO 13:15

Amu kwalilenotin mugulelwegap pichu, ak ma kastoi komyee iitiikwak, ak ki kogeer konyekwak, si ma keer eng' konyekwak, anan kogas eng' iitiikwak, anan koguiyo eng' mugulelwekwak, si koweek kogeny ak asoop icheek.’

MATAYO 13:38

ak mbareet ko ng'wony. Kesweek che myach ko weeriik che po laitornatet, ak chemulbainik ko weeriitap ineendet ne ya.

JOHANA 6:70

Kowolji Jeso icheek koleenji, “Ki ma alewenok taman ak aeng', ak chesawilyet age eng' okweek?”

JOHANA 7:17

Ngo machei chii age tugul koyai mageennyi, konai kaneetisyoni, ngo po Kamuktaindet, anan ngamwae aneege.

JOHANA 8:38

Amwae tuguuk che ki ageer eng' Abba: ak oyae tuguuchooto ki ogas eng' kwandang'wong'.”

JOHANA 8:41

Oyae poisyonik che po kwandang'wong'.” Ki leenji anyun ineendet, “Ki ma kisichech eng' sokseet; ki tinyei Kwanda agenge, nooto ko Kamuktaindet.”

JOHANA 8:55

ak tomo onai ineendet. Ago angen ineendet; ak ngot amwa ale, mangen ineendet, aegu kiplembechwa, ko uu okweek: ago angen ineendet ak ariibe ng'olyoondennyi.

POISYONIGAP CHE KIYOKTOI 13:10

ak kole, “Ee inyee ne nyiitaat ng'aalseet tugul ak ng'omnateet tugul ne po kabeetet, inyee weeriitap chesawilyet, inyee puunyootap imanda tugul, mebagaaktoi imaas ortinwek che lititen che po Kiptaiyat?

POISYONIGAP CHE KIYOKTOI 24:9

Ak ki iyomechigei Yahudik kataamsonooto, kogiimit kole uu nooto ng'aleechuuto.

POISYONIGAP CHE KIYOKTOI 5:3

Ago ki le Petero, “Anania, kalya si konyi Setani muguleldang'ung' kot iberber Kabuuset ne Tiliil, ak ituuch kebebertap che ki kialdae kooret?

2 KORINTOEK 11:3

Ago aiywei ale, si ma ng'emogis eng' oor age tugul kabwaatutikwok eng' lititindo ak tiliilindo ne tokyingei Kristo ko uu ye ki iberber ereneet Hawa eng' ng'aalseennyi.

1 PETERO 5:8

Oriipkei, oriipse: amu wendoti punyondeng'wong' chesawilyet, ko uu ng'etundo ne pooriseni, kocheeng'ei ne amei:

2 PETERO 2:4

Amu ngot ko ki ma riiree `Kamuktaindet malaikaisyek ye kingo yai tengekto, ago ki toorchi ole kanyee kirwooget, ak konde keriingonik che po mesundeito keriip kot koit kirwooget;

1 JOHANA 1:8

Ngot kemwa keele ma ki tinyei tengek, kegenegei, ama mi imanit eng' acheek.

1 JOHANA 2:21

Ma asirwak amu mongen imanit, kasirwak amu ongen, amu ma mi lembeita ne mang'unee imanit.

1 JOHANA 2:4

Ineendet ne mwaei kole, “Angen ineendet,” ama riibei ng'atuutikyik, ko kiplembechwet, ama mi imanit eng' ineendet;

1 JOHANA 3:12

Ma ko uu Kain ne ki po ineendet ne ya, ak ki par ng'eetap kamet. Amu nee si kobar? Amu kiyaachen poisyonikyik, ak ki po imanda che po ng'eetap kamet.

1 JOHANA 3:15

Chii age tugul ne wechei ne tupcho ko rumin: ak ongen ole ma mi rumin ne tinyei saboondap koigeny ne menyei eng' ineendet.

JUDA 1:6

Ak ki inde malaikaisyek che ki ma riip pounatennywa, ago ki pagaakta meng'ooteet ne ki nenywa, ki inde kotebee ratisyosyek che po koigeny eng' mesundeito kot koit kirwooget eng' Peetuut ne oo.

NG'ANG'UTYET 12:9

Ak ki kiturur maswetinooto oo konyo ng'wony, ereneet ne po keny, ne kiguure Chesawilyet ak keguure Setani, kaberberindetap ng'wony komugul; ki kiturur konyo ng'wony, ak ki kiturur malaikaisyekyik kobooto ineendet.

NG'ANG'UTYET 13:14

Ak ki iberber icheek che menyei ng'wony eng' kaboorunoik che ki kigoochi ineendet koyai eng' taitap tyondo; koleenjin icheek che menyei ng'wony koyachi kanamwet tyondo, ne tinyei perutyetap rotwetap chok, ak kisop tyonyooto.

NG'ANG'UTYET 2:10

Ameiywei nyalilwogik che neegit inyooru. Machei chesawilyet kotoorchi korgoreet alak eng' okweek si kobiit ketyemak; ak osich nyalilda eng' peetuusyek taman. Egu ne kiyani agoi meet, si agoonin kuutweet ne po saboondo.

NG'ANG'UTYET 21:8

Ago che iyweisyei, ak che ma iyani, ak che kiwechei, ak rumiik, ak che soksei, ak pooniik, ak che saaei kanamonik, ak kiplembechonik tugul, kotinyei kebebertanywa eng' araraita ne lale maat ak koik che laldos; ne nooto ko meet ne po aeng'.”

NG'ANG'UTYET 22:15

Mi saang' sesenik, ak pooniik, ak che soksei, ak rumiik, ak che saaei kanamonik, ak age tugul ne chamei lembeita ak koyaei.

NG'ANG'UTYET 9:11

Ki tinyei icheek laitoryat ne pou, nooto ko malaikaiyatap keriinget ne ma igoksei; ne kainennyi eng' kutitap Yahudik ko, ak eng' Yunanik ko Apollyon.