JOHANA 6:39 - BUKUIT NE TILIIL Sireet ne Dutero Kanon

³⁹ Ak ni mageetap ineendet ne ki iyookwo, ale, eng' tugul che ki koono ineendet, koma petena agot agenge, ago tatun ang'eeti eng' peetuutap let.

Bukuit Ne Tilil

³⁹ Ak ni mageetap ineendet ne ki iyookwo, ale, eng' tugul che ki koono ineendet, koma petena agot agenge, ago tatun ang'eeti eng' peetuutap let.

BUKUIT NE TILIL

³⁹ Ak ni magetab inendet ne kiiyokwa, ale, eng’ tugul che kigona inendet, ko mabetena agot agenge, ago tatun ang’eeti eng’ betutab let.

JOHANA 6:39 Referencias Cruzadas

JEREMIA 23:4

Ak ande mestoweek che iyagi: ama koiyweisyei kogeny, anan koaragenso, ama piitu chii ne rarchin kiy, mwaei Kamuktaindet ne Toroor.

MATAYO 10:15

Amwaiwok iman ale, kaigaitu emetap Sodom ak Gomorah eng' peetuutap kirwooget kosiir nganasanooto.

MATAYO 18:14

Ko uu nooto anyun koma mageetap Kwandang'wong' ne mi kipsengwet, kolus age eng' chu mengech.

LUKA 12:32

Amoiywei, okweek akweet ne ming'in; amu paibai Kwandang'wong' kogoonok laitornatet.

JOHANA 12:48

Ineendet ne eesyoa, ama taachei ng'aleekyuk, kotinyei ne irwookyin: ng'olyoot ne ki amwa, nooto ne irwookyin ineendet eng' peetuutap let.

JOHANA 17:12

Ki ariip eng' kaineng'ung' icheek che ki igoono, ye kota kemi ak icheek: ki ariip icheek, ama pet agot agenge eng' icheek, kobatee weeriitap luseet; si kobiit kosulda siruutyet.

JOHANA 17:2

ko uu ye ki igoochi ineendet kimnateet koboi piik tugul, si kobiit kogoochi saboondap koigeny tugul che ki igoochi ineendet.

JOHANA 17:24

Abba, amache ale kotebi kobooto eng' ole ami, icheek che ki igoono; si kobiit kogeer toroornatennyu ne ki igoono; amu ki ichama kotom kelumda ng'wony.

JOHANA 17:6

Ki aboorchi kaineng'ung' piik che ki igoono eng' ng'wony. Ki cheguuk, ak ki igoono; ak ki koriip ng'olyoondeng'ung'.

JOHANA 17:9

Asaae agobo icheek: ma saae agobo ng'wony, ago agobo icheek che ki igoono; amu cheguuk:

JOHANA 18:9

Si kosulda ng'olyoot ne ki mwa kole, “Ma petena agot agenge eng' chooto ki igoono.”

JOHANA 5:28

Amokwong'ee niito: amu nyoonei sait, ne tuun kasei kutinnyi tugul che mi kereeriisyek,

JOHANA 6:37

Pwonjino tugul che koono Kwanda; ak ineendet ne nyoonjino koma oone matiny.

JOHANA 6:40

Amu ni mageetap Abba, ale chii age tugul ne keerei Weeriit, ak koyan ineendet, konyooru saboondap koigeny; ak ang'eeti ineendet eng' peetuutap let.”

JOHANA 6:44

Ma imuuchi chii konyoonjo, ama ichuut Kwanda ne ki iyookwo: ak ang'eeti ineendet eng' peetuutap let.

JOHANA 6:54

Ineendet ne amei poortanyu ak koeei korotiikyuk kotinyei saboondap koigeny; ak ang'eeti ineendet eng' peetuutap let.

ROMANIK 8:11

Ago ngo menyok Kabuusetap ineendet ne ki ing'eet Jeso komang'une che ki pek, kosoobi poorwekwok che pegu ineendet ne ki ing'eet Kristo Jeso komang'une che ki pek, eng' Kabuusennyi ne menyei eng' okweek.

1 KORINTOEK 6:14

ak ki ing'eet `Kamuktaindet Kiptaiyat, ak tuun ing'eetech ak acheek eng' kamuktaennyi.

2 TIMOTEO 2:19

Ago tononi lumeiywot ne kiim ne po Kamuktaindet, kotinyei ng'ooksoni keele, Ingen Kiptaiyat icheek che chechiik; ak, Ingoistoegei yaityet age tugul ne mwaei kainetap Kiptaiyat.

JAKOBO 5:15

ak kosoop saaetap kayaneet ineendet ne myani, ak kong'eet `Kiptaiyat ineendet; ak ngot ko ki koyai tengekwogik, kenyochi kaat.

1 PETERO 1:5

okweek che ki riibei eng' kimnateetap Kamuktaindet eng' kayaneet si onyooru yetunet ne choboot keng'aany eng' peetuutap let.

JUDA 1:1

Judah, otwogindetap Jeso Kristo, ak ko tupchetap Jakobo, asirchini che ki keguur, che chamaatiin eng' Kamuktaindet Kwanda, ak ko riibootin agobo Jeso Kristo:

1 SAMUEL 25:29

Nganda ng'eetei chii konaatiin ak kocheeng' saboondang'ung', ko ki kiratyi saboondap kiptaiyandennyu ratuutyetap saboondo kobooto Kamuktaindet ne Toroor Kamuktaindeng'ung', ak wiirtoi ineendet saboondap puuniguk, ko uu ye ki wiirtoe loletap chemasindaryet.