JOHANA 5:42 - BUKUIT NE TILIIL Sireet ne Dutero Kanon

⁴² Ago angenok ale motinye chamyetap Kamuktaindet eng' oriing'wong'.

Bukuit Ne Tilil

⁴² Ago angenok ale motinye chamyetap Kamuktaindet eng' oriing'wong'.

BUKUIT NE TILIL

⁴² Ago angenok ale motinye chamnyetab Jehovah eng’ oring’wong’.

JOHANA 5:42 Referencias Cruzadas

LUKA 16:15

Ak ki leenji, “Okweget che omyeeitige eng' taitap piik; ago ingen Kamuktaindet mugulelwekwok: amu kiit ne itoroori piik ko wegot miising' eng' taitap Kamuktaindet.”

JOHANA 2:25

ak amu ki ma komage kiy chii ne paoryani agobo chii age; amu ki ingen ineendet kiit ne mi chii oriit.

JOHANA 21:17

Koleenji ne po somok, “Simion, weeriitap Johana, ichama?” Koaragen Petero amu kamwachi ne po somok, koleenji, “Ichama?” Ak koleenji, “Kiptaiyat, ingen tuguuk tugul; ingen ile achamin.” Koleenji `Jeso ineendet, “Pai keechiirekyuk.

JOHANA 5:41

Mataache kalasunet eng' piik.

JOHANA 5:43

Ki anyoo eng' kainetap Abba, ama otaacha: ngo nyo age eng' kainennyi otaache ineendet.

JOHANA 5:44

Omuuchi eng' nee oyan, che otaagegei kalasunet, amocheeng'e kalasunet ne punu Kamuktaindet ne mi ineegei?

JOHANA 8:42

Komwachi Jeso icheek koleenji, “Nda ka Kwandang'wong' Kamuktaindet, ta kaochama; amu ki anyoo abunu Kamuktaindet. Ki ma anyoo aneege, ago ki iyookwo ineendet.

JOHANA 8:47

Ineendet ne po Kamuktaindet kogasei ng'aleegap Kamuktaindet: nooto anyun mogase okweek, amu mo po Kamuktaindet.”

JOHANA 8:55

ak tomo onai ineendet. Ago angen ineendet; ak ngot amwa ale, mangen ineendet, aegu kiplembechwa, ko uu okweek: ago angen ineendet ak ariibe ng'olyoondennyi.

ROMANIK 8:7

amu kererwegap met che po poorto ko puunyoondit eng' Kamuktaindet; amu ma kase iit Ng'atuutyetap Kamuktaindet, amaimuuchi:

1 JOHANA 2:15

Amocham ng'wony, anan tuguuk che mi ng'wony. Ngot kocham chii ng'wony koma mi chamyetap Kwanda eng' ineendet.

1 JOHANA 3:17

Ago chiito ne tinyei tuguugap ng'wonyuni, ak kogeerei ne tupcho kobanani, ak koger muguleldanyi, ama riiree ineendet, komeng'doi ano chamyetap Kamuktaindet ineendet?

1 JOHANA 4:20

Ngot komwa chii kole, “Achame Kamuktaindet,” ago wechei ne tupcho, ko kiplembechwa: amu ineendet ne ma chamei ne tupcho ne ki kogeer, koma imuuchi kocham Kamuktaindet ne tomo kogeer.

NG'ANG'UTYET 2:23

Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.