JOHANA 5:19 - BUKUIT NE TILIIL Sireet ne Dutero Kanon

¹⁹ Ki wolji anyun Jeso icheek koleenji, “Amwaiwok, iman, iman, ale, ‘Ma yaei kiy Weeriit ineegei, ago ne keerei koyaei Kwanda: amu tuguuk tugul che yaei ineendet, koyaei chooto agine Weeriit ko uu nooto.

Bukuit Ne Tilil

¹⁹ Ki wolji anyun Jeso icheek koleenji, “Amwaiwok, iman, iman, ale, ‘Ma yaei kiy Weeriit ineegei, ago ne keerei koyaei Kwanda: amu tuguuk tugul che yaei ineendet, koyaei chooto agine Weeriit ko uu nooto.

BUKUIT NE TILIL

¹⁹ Kiwolji anyun Jesu ichek kolenji, Amwawok, iman, iman, ale, Mayaei kiy Werit inegei, ago ne keerei koyaei Kwanda: amu tuguk tugul che yaei inendet, koyaei choto agine Werit ko u noto.

JOHANA 5:19 Referencias Cruzadas

TAUNET 1:1

Eng' taunet, ko ki toi Kamuktaindet koyai kipsengwet ak ng'wony.

TAUNET 1:26

Yeityo komwa Kamuktaindet kole, “Ongeyai chiito eng' itoondanyo, ko uu kergeindanyo. Ingoboi icheek njireenik che mi nyanjosyek, toriitik che mi soet parak, kiyagiik, ng'wony komugul ak tyong'ik tugul che ichuutegei ng'wony.”

TIENWOGIKAL 138:3

Ki iwolwoo eng' peetuut ne ki aguurin, ki igimita eng' kimnateet eng' saboondanyu.

TIENWOGIKAL 27:14

Igen Kamuktaindet ne Toroor! Kimitu ak ingonyiganit muguleldang'ung'! Ee, igen Kamuktaindet ne Toroor!

TIENWOGIKAL 50:6

Mwaitoi kipsengwet imandanyi; amu Kamuktaindet ineendet ko kirwoogindet.

KOMONG'U 4:11

Ak kiteebe `Kamuktaindet ne Toroor ineendet koleenji; “Ng'oo ne kiyaei kutitap chii? Anan ne yaei chii konamak kuut, anan kotimak, anan si kogeerto, anan kogor? Tos ma anee Kamuktaindet ne Toroor?

KALEWANAIK 2:6

Amu igoitoi `Kamuktaindet ne Toroor utaatyet, mang'une kutinnyi naet ak kaguiyet.

ISAIAH 44:24

Mwaei Kamuktaindet ne Toroor, katyagindeng'ung', ineendet ne kimimiin eng' moet, kole, aa Kamuktaindet ne Toroor, ne yaei tuguuk tugul; aneege ne aiitoi kipsengwet; ne aiitoi ng'wony; ng'oo ne mi kobooto?

ISAIAH 45:24

Leenjino age, Mi eng' Kamuktaindet ne Toroor ineegei imanda ak kimnateet: pwaanjin `piik ineendet ak kolilaandos icheek tugul che ki nereekyi ineendet.

JEREMIA 17:10

Anee Kamuktaindet ne Toroor kasiagindetap muguleldo, atyeme kabwaatutik, si agoochi chii age tugul ko uu ortinwekyik, ak logoegap poisyonikyik.

MATAYO 26:39

Ak ki wo tai kitigin, ak kobutyi ng'wony ak kosa kole, “Ee Abba, ngo mugaksei, kosiirtoena kigombani; ma ko uu ye amache ago ko uu ye imache inyee.”

LUKA 21:15

amu agoonok kutit ak utaatyet, ne ma imuuchi puunikwok tugul kota kowol kiy anan kogirindaak.

JOHANA 10:18

Marebena chii, ago agoitoi aneege. Atinye kimnateet agoito, ak atinye kimnateet anam kogeny. Ki ataach ng'atuutyoni eng' Abba.

JOHANA 12:49

Amu ki ma amwae aneege; ago ki koono Kwanda ne ki iyookwo, ng'atuutyet, ne kanyool amwa, ak ne kanyool aamda.

JOHANA 12:50

Ak angen ale saboondap koigeny ng'atuutyennyi: tuguuk che amwae anyun, ko ko uu ye ki mwaiwo Kwanda, amwae ko uu nooto.”

JOHANA 14:10

Tos meyani ile ami eng' Kwanda, ak Kwanda eng' anee? Ng'aleek che amwaiwok koma mwaei aneege: ago Kwanda ne menya ne yaei poisyonikyik.

JOHANA 2:19

Kowolji Jeso koleenji, “Ong'em hekaluni, si ang'eet kogeny eng' peetuusyek somok.”

JOHANA 3:3

Kowolji Jeso koleenji, “Amwaun, iman, iman, ale, ngot koma ki sich chii eng' sigeet ne leel, koma koi imuuch kogeer laitornatetap Kamuktaindet.”

JOHANA 5:21

Amu ko uu ye ing'eeti Kwanda che ki kobek ak kosoobi, isoobi Weeriit ko uu nooto agine che machei.

JOHANA 6:38

Amu ki achooruge eng' kipsengwet, ma si ayai magennyu, ago mageetap ineendet ne ki iyookwo.

JOHANA 8:28

Ki leenji Jeso anyun, Ye kaouite Weeriitap chii, onai anyun eng' peetuunooto ole aa ineendet, amayae kiy aneege, ago amwae tuguuchu ko uu ye ki ineeta Kwanda.

JOHANA 9:4

Kanyool keyai poisyosyegap ineendet ne ki iyookwo, kota ko peet: nyoonei kemout, ye ma komuuchi chii kobois.

POISYONIGAP CHE KIYOKTOI 2:24

Ago ki ing'eet `Kamuktaindet ineendet, ko kagotyach eng' ng'wanindo ne po meet, amu ki ma komuuchi meet konam ineendet.

ROMANIK 6:4

Nooto anyun kigetubech kobooto ineendet eng' kabatisanet agoi meet: si ko uu ye ki king'eet Kristo eng' che ki pek eng' toroornatetap Kwanda, ko uu nooto, kibendoti agacheek eng' saboondo ne leel.

ROMANIK 8:11

Ago ngo menyok Kabuusetap ineendet ne ki ing'eet Jeso komang'une che ki pek, kosoobi poorwekwok che pegu ineendet ne ki ing'eet Kristo Jeso komang'une che ki pek, eng' Kabuusennyi ne menyei eng' okweek.

1 KORINTOEK 15:12

Ara anyun, ngeamdoi Kristo keele ki king'eet komong' eng' che ki pek, ko teptoi ano si komwaei alak eng' kwenung'wong' kole ma mi ng'eetyeet ne po che pegu?

2 KORINTOEK 4:14

kingen keele ineendet ne ki ing'eet Kiptaiyat Jeso ko tuun ing'eetech agacheek kobooto Jeso, ak kobartech kobootok.

2 KORINTOEK 5:10

Amu kanyool kibartech acheek tugul eng' taitap ng'echereetap kirwooget ne po Kristo; si kobiit kotaach chii age tugul tuguuk che tee che ki yai eng' poorto, ngo myach anan ngo yaach.

EPESOEK 2:5

agot ye ki kibegunotin eng' yaitwogikyok, ko ki isaabech kobooto Kristo (kigesorwok eng' myeeindo),

EPESOEK 3:16

si kobiit kogoonok, ko uu mogornatosyegap toroornatennyi, ogimegitu eng' kamuktaet eng' Kabuusennyi eng' chiito ne po oriit;

PILIPIK 3:21

ne tuun walei kileelit poortanyo ne po nyeraatyet, si kobiit kogergeit ak poortanyi ne po liilindo, eng' kamugonooto imuuchi koyai tuguuk tugul kogas iit ineendet.

PILIPIK 4:13

Amuuchi ayai tuguuk tugul eng' ineendet ne igimita.

KOLOSAIK 1:11

kigimitok eng' kamuktaet tugul, ko uu kamugetap toroornatennyi, agoi muitaet tugul ak talasyet eng' poiboiyet,

KOLOSAIK 1:16

amu ki kitoi keyai tuguuk tugul eng' ineendet, che mi kipsengwet ak che mi ng'wony, tuguuk che taagu ak tuguuk che ma taagu, anan laitornatosyek, anan kiptainatosyek, anan pounatosyek anan kimnatosyek; ki kitoi keyai tuguuk tugul eng' ineendet ak ko po ineendet;

1 THESSALONIKEK 4:14

Amu ngiyani keele kime Jeso ak kong'eet kogeny, ko uu nooto anyun eng' icheeget che ruitos eng' Jeso, imutu Kamuktaindet kobooto ineendet.

1 PETERO 3:18

Amu kime Kristo agine konyil agenge agobo tengekwogik, ineendet ne po imanda agobo che ma po imanda, si kobiit komutyech Kamuktaindet; ne ki kibar eng' poorto, ago ki kisoop eng' saboondo;

NG'ANG'UTYET 2:23

Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.