JOHANA 3:2 - BUKUIT NE TILIIL Sireet ne Dutero Kanon

² ki nyo chiichooto ole mi ineendet kemoi, ak koleenji, “Rabbi, kingen keele ii kaneetindet ne punu Kamuktaindet: amu ma mi chii ne imuuchi koyai kaboorunoichu iyae inyee, ngo ma mi Kamuktaindet kobooto ineendet.”

Bukuit Ne Tilil

² ki nyo chiichooto ole mi ineendet kemoi, ak koleenji, “Rabbi, kingen keele ii kaneetindet ne punu Kamuktaindet: amu ma mi chii ne imuuchi koyai kaboorunoichu iyae inyee, ngo ma mi Kamuktaindet kobooto ineendet.”

BUKUIT NE TILIL

² kinyo chichoto ole mi inendet kemoi, ak kolenji, Rabbi, kingen kele i konetindet ne bunu Jehovah: amu mami chi ne imuchi koyai kaborunoichu iyae inye, ngo mami Jehovah koboto inendet.

JOHANA 3:2 Referencias Cruzadas

1 LAITORINIK 17:24

Ki leenji `kwonyooto Elijah, “Kaanai nguno ale ii chiitap Kamuktaindet ne Toroor ak ko po iman ng'olyootap Kamuktaindet ne Toroor ne mi kuting'ung'.”

ISAIAH 51:7

Oepcha iit, okweek che ongen imanda, piik che mi ng'atuutyennyu mugulelwekwak: amoiywei chotisyetap piik, amoaragense amu churisyosyekwak.

JEREMIA 38:16

Ki iyasyechi anyun Zedekiah laitoryat Jeremiah eng' ung'oot, koleenji, ko uu ye sabei Kamuktaindet ne Toroor, ne kiyaiywech sabooniito, koma parin, amandein eutap pichu cheeng'ei saboondang'ung'.

MATAYO 22:16

Ki iyookto kasubikwak kobooto che po Herodik koba ole mi ineendet, koleenji, “Kaneetindoni, kingen keele ii po iman, ak ineeti ooreetap Kamuktaindet eng' iman, ameiti chii tugul; amu megeere togoochigap piik.

MATAYO 23:7

chamei kagatosyek eng' ole kiyae mung'aaret, ak kogasigei ye kasei koguure piik icheek ‘Rabbi.’

MATAYO 23:8

Ago amongeguurenok ‘Rabbi,’ amu agenge Kanetindeng'wong', ak okweek tugul ko otupchosyek.

MARIKO 12:14

Ak kingo pwa, koleenji ineendet, Kaneetindoni, kingen keele ii po iman, ameiti chii age tugul: amu megeere itoondap chii, ago ineeti iman ooreetap Kamuktaindet: Tos chamdoi ng'atuutik kigoochi kodi Caesarea, anan ma chamdoi?

JOHANA 1:38

Ak kiwelelgei Jeso, ak kogeer icheek kosubu, ak koleenji, “Ocheeng'e nee?” Ak ki leenji ineendet, “Rabbi (ye kiweech keele, Kaneetindet), imenye ano?”

JOHANA 10:38

Ago ngayai, ko agot ngo moyana, oyan poisyosyek: si kobiit onai ak oyan ole mi Kwanda eng' anee, ak anee eng' Kwanda.”

JOHANA 12:37

Ago nga kiga koyai kaboorunoik che chaang' che tee cho eng' tainnywa, koma iyan ineendet.

JOHANA 14:10

Tos meyani ile ami eng' Kwanda, ak Kwanda eng' anee? Ng'aleek che amwaiwok koma mwaei aneege: ago Kwanda ne menya ne yaei poisyonikyik.

JOHANA 15:24

Nda ki ma ayai eng' kwenunnywa poisyonik che ki ma yai chiito age, ta ki ma kotinyei tengek: ago nguno ko kagogeerech ak kagowechech anee ak Abba.

JOHANA 2:11

Taunet niito ne po kaboorunoikyik ne ki yai Jeso eng' Kana ne po Galilaya, ak ki iboortoi toroornatennyi; ak ki iyan ineendet kasubikyik.

JOHANA 20:16

Kotwekyi `Jeso inee kole, “Maria!” Koguskong' ak koleenji eng' kutitap Yahudik, “Rabboni!” Ye kiweech ko, “Kaneetindoni.”

JOHANA 3:26

Ak ki pwanji Johana, ak koleenji, “Rabbi, ibatisanisyei ineendet ne ki mi kobooten eng' Jordan komosin, ne ki ibaoryan agobo ineendet, ak pwaanjin ineendet `piik tugul.”

JOHANA 4:31

Kingo ta kobwanei, kosoom kasubikyik, kole, “Rabbi, amisye.”

JOHANA 5:36

Ago paornateet ne atinye ko oo kosiir ne po Johana: amu poisyonik che ki koono Kwanda agees, chooto che ayae, ko che paoryanjino, kole ki iyookwo Kwanda.

JOHANA 6:2

Ak ki isup ineendet tuiyet ne oo, amu ki keer kaboorunoik che ki yachi che myandos.

JOHANA 7:31

Ak ki iyan ineendet che chaang' che po tuiyet; ak ki le, Ye nyo Kristo, ko tos yai kaboorunoik che siirei cho koyaei chiichi?”

JOHANA 9:16

Kole alak che po Pharisaik anyun, Ma punu Kamuktaindet chiichi, amu ma riibei sabato. Ago ki le alage, Imuktoi ano chii ne kiptengekyo koyai kaboorunoik che uu chu? Ak ki piit toiyet eng' kwenunnywa.

POISYONIGAP CHE KIYOKTOI 10:38

ongen ole ki iil `Kamuktaindet Jeso ne po Nazareth eng' Kabuuset ne Tiliil ak eng' kamuktaet; kiwendot ineendet ak koyaei ne myee, ak kosoobi tugul che ki inyaliili chesawilyet, amu ki mi Kamuktaindet kobooto ineendet.

POISYONIGAP CHE KIYOKTOI 2:22

“Okweek piigap Israel, ogas ng'aleechu: Jeso ne po Nazareth, chiito ne ki ibarta Kamuktaindet eng' okweek eng' poisyonigap kimnateet ak kwang'utik ak kaboorunoik, che ki yai Kamuktaindet eng' ineendet eng' kwenung'wong', ko uu ye ongen okweek.

PILIPIK 1:14

ak tinyei che chaang' eng' che kitupche eng' Kiptaiyat nyiganateet ne oo kosiir, komwaita ng'olyootap Kamuktaindet ama eng' kaiyweisyet, amu tinyei kamang'unet agobo monjorornatennyu.

KIRUOGIK 6:27

Ki imut anyun Gideon piik taman eng' otwogikyik ak koyai ko uu ye kamwachi Kamuktaindet ne Toroor. Amu ki iywei piigap kootap kwandanyi ak piigap nganaseet, koma imuuch anyun koyai peet, koyai kemoi.