JOHANA 21:15 - BUKUIT NE TILIIL Sireet ne Dutero Kanon

¹⁵ Ye kingo kagoamis anyun, koleenji `Jeso Simion Petero, “Simion, weeriitap Johana, tos ichama kosiir chu?” Koleenji ineendet, “Ee, Kiptaiyat, ingen ile achamin.” Koleenji, “Pai aarekyuk.”

Bukuit Ne Tilil

¹⁵ Ye kingo kagoamis anyun, koleenji `Jeso Simion Petero, “Simion, weeriitap Johana, tos ichama kosiir chu?” Koleenji ineendet, “Ee, Kiptaiyat, ingen ile achamin.” Koleenji, “Pai aarekyuk.”

BUKUIT NE TILIL

¹⁵ Ye kingo kagoamis anyun, kolenji Jesu Simon Petero, Simon, weritab Johana, tos ichama kosiir chu? Kolenji inendet, Ee, Kiptaiyandani, ingen ile achamin. Kolenji, Bai arekyuk.

JOHANA 21:15 Referencias Cruzadas

TAUNET 33:13

Ago ki leenji `Jakobo Esau, “Ingen inyee kiptainandennyu, ile mengeechen lagok, tinyei neego aarek ak kotinyei tuuga moek, ngot kekweri eng' peetuut komugul, komuuch kobek akwotisyek tugul.

2 SAMUEL 7:20

Nee age neta komuuchi Daudi komwaun? Amu ingen inyee otwogindeng'ung', ee Kiptaiyat Kamuktaindet ne Toroor.

2 LAITORINIK 20:3

“Ee Kamuktaindet ne Toroor, asaain ale, ibwaat ole ki atepte eng' imanda eng' taing'ung', ak eng' muguleldo ne ititaat, ak ayai ne myee eng' taing'ung'.” Ak ki riir Hezekiah eng' ng'wanindo.

ISAIAH 40:11

Paei keechiirekyik ko uu mestowot, iyumi eunnyi aaregap keechiir, ak komute tegeennyi, ak kondochi mutyo che aboen.

JEREMIA 23:4

Ak ande mestoweek che iyagi: ama koiyweisyei kogeny, anan koaragenso, ama piitu chii ne rarchin kiy, mwaei Kamuktaindet ne Toroor.

JEREMIA 3:15

Agoonok mestoweek che chamei muguleldanyu, che paok eng' naet ak kaguiyet.

EZEKIEL 34:23

Ak ande mestowot agenge koyaga icheek, ak kobai icheek, nooto ko otwogindennyu Daudi; paei ineendet icheek, ak koek mestowonnywa.

EZEKIEL 46:24

Ki leenjo anyun, Chuuto kooriik che kiyoise, ole iyoe kiboitinigap koot kagoochinoigap piik.

MATAYO 10:37

Ineendet ne chamei kwanda anan kamet kosiiro koma nyoljino; ak ineendet ne chamei weeriit anan cheptonyi kosiiro koma nyoljino.

MATAYO 16:17

Kowol Jeso kole, “Iberuurot inyee, Simion Barjona, amu mang'ang'un niito poorto anan korotiik, ago Abbannyu ne mi kipsengwet.

MATAYO 18:10

“Oriip si mosas age eng' chu mengech; amu amwaiwok ale malaikaisyekwak eng' kipsengwet ko keerei kotugul togeetap Abba ne mi kipsengwet.

MATAYO 26:33

Ago ki wol Petero kole, “Agot nginach tugul agobo inyee, koma koi kinacha anee.”

MATAYO 26:35

Koleenji Petero, “Agot nda kanyool ame kobooten, koma eesyoin.” Ak ki mwa ko uu nooto kasubik tugul.

MARIKO 14:29

Ago ki leenji Petero, Agot nginach tugul agobo inyee, koma kinacha.

LUKA 12:32

Amoiywei, okweek akweet ne ming'in; amu paibai Kwandang'wong' kogoonok laitornatet.

LUKA 22:32

ago ki asaa agobo inyee, si ma pek kayaneng'ung': ak ye kaiwalage, igimit che otupche.

JOHANA 1:42

Ki imutyi `ineendet Jeso. Ki keer `Jeso ineendet ak kole, “Ii Simion weeriitap Johana. Ta keguurenen Kepa” (ye kiweech, ko Petero).

JOHANA 13:37

Koleenji Petero, Kiptaiyat, kalya si ma muuchi asubun agot nguno? Agoitoi saboondanyu agobo inyee.

JOHANA 16:27

amu chamok ineendet Kwanda, amu ki ochama, ak ki oyan ole ki abunu Kwanda.

JOHANA 21:12

Koleenji `Jeso icheek, “Obwa oamisye.” Ma kany age tugul eng' kasubik koteebe kole, “Ii ng'oo?” Amu ki ingen kole ineendet ko Kiptaiyat.

JOHANA 21:7

Komwachi agenge eng' kasubik, nooto ne chamei Jeso, Petero, koleenji, “Kiptaiyat niito!” Ye kingo kas anyun Simion Petero kole Kiptaiyat, kolaach kotit anyun (amu kimi aach ngor) ak kochoorchigei araraita.

JOHANA 8:42

Komwachi Jeso icheek koleenji, “Nda ka Kwandang'wong' Kamuktaindet, ta kaochama; amu ki anyoo abunu Kamuktaindet. Ki ma anyoo aneege, ago ki iyookwo ineendet.

POISYONIGAP CHE KIYOKTOI 20:28

Oriipkei anyun okweeget, kobooto akweet tugul, ne ki koonok Kabuuset ne Tiliil oegu riibiik, obai kanisetap Kamuktaindet, ne ki ale korotiikyik.

POISYONIGAP CHE KIYOKTOI 20:29

Angen ale ye kaawe komong'jok suik che koroomen, ama riiree akweet.

ROMANIK 14:1

Ago otaach ineendet ne nyalulat eng' kayaneet, ago ma si orwookyi kabwaatutikyik.

ROMANIK 15:1

Nooto anyun kanyoljech acheek che ki kiimeen kegesen nyalulnatetap che ma kiimeen, ama kibaibaigei acheegei.

1 KORINTOEK 8:11

Ak lusei ineendet ne nyalulat amu naeng'ung', ineendet tupchet ne ki mechi Kristo.

GALATYEK 5:6

Amu eng' Kristo Jeso koma tilei kiy kamuratanet, anan ngo ma kimuratan; ago kayaneet ne poisyei eng' chamyet.

EPESOEK 4:14

si mata keegu lagok, che kitoortai koba komosi ak komosi ak keibooti eng' usoonet age tugul ne po kaneetisyet, eng' ng'aalsetap piik, ak eng' kaberberisyosyegap kiplembechoonik;

EPESOEK 6:24

Ingotep myeeindo kobooto icheek tugul che chamei Kiptaiyandennyo Jeso Kristo eng' atepto ne ma ng'emaksei.

HEBRANIK 13:20

Ingoyaak Kamuktaindet ne po kaalyeet, ne ki imut mestowot ne oo ne po keechiirek komong' eng' che ki pek, eng' korotiik che po kayomiset ne po koigeny, ineendet Kiptaiyandennyo Jeso,

HEBRANIK 4:13

Ama mi kiy age tugul ne ki kiyai ne ma taagu eng' tainnyi: ago ng'ang'otin ak yaatatin tuguuk tugul eng' taitap koonyek che po ineendet ne tuun kitetyini atebosyekyok.

1 PETERO 1:8

ne ochame nganda tomo ogeer; ineendet ne nganda mogeere nguno, oyani, ko oboiboi miising' eng' poiboiyet ne ma mwaoksei ak ko nyiitaat toroornatet:

1 PETERO 2:2

omach miising' cheego che po ng'omnatetap saboon, che ma tinyei ng'aalseet, ko uu manyurunik, si kobiit onerye agoi yetunet;

1 PETERO 2:25

Amu ki obetooti ko uu keechiirek; ago kaoweekyigei Mestowot ak ko Riibindetap saboonwekwok.

1 JOHANA 4:19

Kichame, amu kisip kochamech ineendet.

1 JOHANA 5:1

Age tugul ne iyani kole Jeso ko Kristo kogigesich eng' Kamuktaindet: ak age tugul ne chamei ineendet ne kisichei, kochamei agine ineendet ne ki kisichei eng' ineendet.

NG'ANG'UTYET 2:23

Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.