JOHANA 20:19 - BUKUIT NE TILIIL Sireet ne Dutero Kanon

¹⁹ Ak ki eng' koskoleng'utap peetuunooto po tai ne po wigiit, ye kiga keger kurgotik eng' ole kimi kasubik, amu ki iywei Yahudik, konyo Jeso kotonone kwenunnywa ak koleenji, “Ingotep kaalyeet eng' okweek.”

Bukuit Ne Tilil

¹⁹ Ak ki eng' koskoleng'utap peetuunooto po tai ne po wigiit, ye kiga keger kurgotik eng' ole kimi kasubik, amu ki iywei Yahudik, konyo Jeso kotonone kwenunnywa ak koleenji, “Ingotep kaalyeet eng' okweek.”

BUKUIT NE TILIL

¹⁹ Ak ye kingoek lagat eng’ betunoto bo tai ne bo wigit, ye kiga keger kurgotik eng’ ole kimi alamalyet, amu kiiywei Yahudik, konyo Jesu kotonone kwenunywa ak kolenji, Ingoteb kalyet eng’ okwek.

JOHANA 20:19 Referencias Cruzadas

TIENWOGIKAL 122:8

Amu tupchosyekyuk ak choronokyuk, amwae nguno ale, “Ingotebenen kaalyeet.”

MATAYO 10:13

Ak ngo nyolu koyooto, ongotebee kalyeng'wong'; ago ngo ma nyolu, ko ingoweekyogei kalyeng'wong'.

MATAYO 18:20

Amu ole katuiyechi aeng'u anan somok eng' kainennyu, ami kwenunnywa eng' olooto.”

MARIKO 16:14

Ak kingo pata nooto, kong'aang'jigei icheeget taman ak aeng' kotebyei eng' amisyet; ak koger kong' amu pistoennywa ak uuindap mugulelwekwak, amu ki ma iyan icheeget che ki keer ineendet ko kagong'eet.

JOHANA 14:27

Abagakwok kaalyeet; agoonok kalyennyu: ma koonok ko uu ye koonu ng'wony. Among' koiimgei mugulelwekwok, anan koiyweis.

JOHANA 16:22

Nooto anyun otinye arageneet nguno: ago ta ageerok kogeny, ak poiboi mugulelwekwok, ama rebenok chii poiboiyeng'wong'.

JOHANA 16:33

Kaamwaiwok tuguuchu, si kobiit onyoorunena kaalyeet. Otinye nyalilda eng' ng'wony! Ago onyiganitu; amu kaaterter ng'wony.”

JOHANA 20:21

Koleenji Jeso anyun kogeny, “Ingotep kaalyeet eng' okweek: ko uu ye ki iyookwo Kwanda, ayooktook ak okweek ko uu nooto.”

JOHANA 20:26

Ak kingo pata peetuusyek sisiitu ko ki mi ko kasubikyik kogeny, ak kimi Thomas kobooto icheek. Ki nyo anyun Jeso, ko kerotin kurgotik, ak kotonon eng' kwenunnywa, ak komwa kole, “Ingotep kaalyeet eng' okweek.”

JOHANA 21:1

Kingo pata tuguuchu koboorchigei Jeso kogeny kasubik eng' araraita ne po Tiberia; ki iboorchigei ko uu ni.

JOHANA 21:14

Niito ko ne po somok koboorchingei Jeso kasubik, ko kagong'eet ineendet komong' eng' che ki pek.

JOHANA 7:13

Ago ma mwa chii ng'olyoo kotook agobo ineendet amu ki iywei Yahudik.

POISYONIGAP CHE KIYOKTOI 1:3

Ye kingo pata nyalildanyi, koboorchigei icheeget kole sabei eng' kaboorunoik che chaang', kong'aang'jingei `inee icheek eng' peetuusyek artam, ak kong'alaaljin icheek agobo tuguuk che po laitornatetap Kamuktaindet.

ROMANIK 15:33

Ingotep Kamuktaindet ne po kaalyeet kobootok okweek tugul. Amen.

1 KORINTOEK 15:5

ak ki mong'ji Kepha; ye ibata, komong'ji taman ak aeng';

EPESOEK 2:14

Amu ineendet ko kalyennyo, ne ki yai tuwai koek agenge, ne kibut tooteetap kween ne po kaoiyet,

EPESOEK 6:23

Ingotebi kaalyeet kobooto tupchosyek, ak chamyet ak kayaneet, che po Kamuktaindet Kwanda ak Kiptaiyat Jeso Kristo.

PILIPIK 1:2

Ingotep myeeindo kobootok ak kaalyeet che punu Kamuktaindet Kwandanyo ak Kiptaiyat Jeso Kristo.

2 THESSALONIKEK 3:16

Nguno anyun ingogoonok kaalyeet Kiptaiyat ineendet, ne Kiptaiyat ne po kaalyeet, kotugul eng' ui tugul. Ingotep Kiptaiyat kobootok okweek tugul.

HEBRANIK 7:2

ne kipchechi agine Abraham kebebertap taman ne po tugul ne ye kiweech, ko Laitoryatap imanda korook, ak yeityo kogeny ko Laitoryatap Salem, nooto ko Laitoryatap kaalyeet;

3 JOHANA 1:14

ago amang'u ageerin ko neegit, ak keng'alaal togoch eng' togoch.

NG'ANG'UTYET 1:4

Sirchin Johana kanisosyek tisap che mi Asia: Ingotep myeeindo ak kaalyeet kobootok che punu ineendet ne mi, ne ki mi ak ne tuun nyoonei; ak che punu saboonwek tisap che mi taitap ng'echerennyi ne po laitornatet,