JOHANA 11:40 - BUKUIT NE TILIIL Sireet ne Dutero Kanon

⁴⁰ Koleenji `Jeso ineendet, “Kama amwaun ale, ngiyani, igeere toroornatetap Kamuktaindet?”

Bukuit Ne Tilil

⁴⁰ Koleenji `Jeso ineendet, “Kama amwaun ale, ngiyani, igeere toroornatetap Kamuktaindet?”

BUKUIT NE TILIL

⁴⁰ Kolenji Jesu inendet, Kama amwaun, ale, ngiyani, igeere torornatetab Jehovah?

JOHANA 11:40 Referencias Cruzadas

2 ATEPTAP PEETUUSYEK 20:20

Ki ng'eetyo karon miising', komusta surkwen ne po Tekoa. Ye kingo ta kobendi, kotonon Jehoshaphat ak kole, “Ogasa, ee Judah, ak che omenye Jerusalem! Oyan Kamuktaindet ne Toroor Kamuktaindeng'wong', si kobiit ogimegitu; oyan maotikyik, si oboor.”

TIENWOGIKAL 63:2

Ara uu nooto koageerin eng' ole-tiliil, si ageer kimnateng'ung' ak toroornateng'ung'.

TIENWOGIKAL 90:16

Ingotook poisyoniguk eng' kiboitiniguk, Ak telunateng'ung' eng' lagokwak.

KOMONG'U 16:7

ak ogeer karon telunatetap Kamuktaindet ne Toroor amu kasei ineendet kang'unyng'unyeng'wong' ne ong'unyng'ung'jini Kamuktaindet ne Toroor. Acheek anyun ko king'o si ong'unyng'ung'jech?”

MATAYO 17:20

Ki leenji, “Amu otinye kayaneet ne ming'in. Amwaiwok iman ale ndotinye kayaneet ne tee keswootap karadali, ta ngo mwachi tulwooni oleenji, ‘Inakte ui oliin,’ konaktoi; ak ta ma mi kiy ne ma imugaksei eng' okweek.”

MARIKO 9:23

Ki leenji Jeso, “Ngimuuchi! Imugaksei tuguuk tugul eng' ineendet ne iyani.”

JOHANA 1:14

Ak ki ek Ng'olyoot poorto ak komeny kwenunnyo (ak ki kigeer toroornatennyi, toroornatet ne uu ne po ne ki kisich ineegei kobunu Kwanda), ko nyiitaat myeeindo ak imanit.

JOHANA 11:4

Ago ye kingo kas Jeso nooto kole, “Ma po meet myanooto, ago po toroornatetap Kamuktaindet, ak kilasune Weeriitap Kamuktaindet nooto.”

JOHANA 12:41

Ki mwa tuguuchu Isaiah, amu ki keer toroornatennyi; ak ki ng'alaal agobo ineendet.

JOHANA 9:3

Kowol Jeso kole, “Ki ma yai chiichi tengekto, anan sigiikyik; ago si kobiit kotook poisyosyegap Kamuktaindet eng' ineendet.

ROMANIK 6:4

Nooto anyun kigetubech kobooto ineendet eng' kabatisanet agoi meet: si ko uu ye ki king'eet Kristo eng' che ki pek eng' toroornatetap Kwanda, ko uu nooto, kibendoti agacheek eng' saboondo ne leel.

2 KORINTOEK 3:18

Ago acheek tugul koboortoi toroornatetap Kiptaiyat ko uu ki oit eng' togoochikyok che ma tugootiin, kewalech eng' itoonooto kobunu toroornatet agoi toroornatet, ko uu ye punu Kiptaiyat ne Kabuuset ne Tiliil.

2 KORINTOEK 4:6

Amu Kamuktaindet ne ki mwa kole, “Tuun iluu lapkeiyet eng' mesundeito,” ineendet ne ki iluuchi mugulelwekyok, si kogoon lapkeiyet ne po naetap toroornatetap Kamuktaindet eng' togeetap Jeso Kristo.