JOHANA 1:50 - BUKUIT NE TILIIL Sireet ne Dutero Kanon

⁵⁰ Kowolji Jeso koleenji, “Iyani amu kamwaun ale, kaagerin ye kemi mogoywet keel? Tatun igeere tuguuk che eecheen che siirei chu.”

Bukuit Ne Tilil

⁵⁰ Kowolji Jeso koleenji, “Iyani amu kamwaun ale, kaagerin ye kemi mogoywet keel? Tatun igeere tuguuk che eecheen che siirei chu.”

BUKUIT NE TILIL

⁵⁰ Kowolji Jesu kolenji, Iyani amu kamwaun ale, kaagerin ye kemi mogoiywet kel? Tatun igeere tuguk che eechen che siirei chu.

JOHANA 1:50 Referencias Cruzadas

MATAYO 13:12

Amu age tugul ne tinyei, ko tuun kigoochin si konyoor che chaang' kosiir; ago age tugul ne ma tinyei, kereben agot che katinyei.

MATAYO 21:19

Kingo keer mogoywet eng' tabandap ooreet, kwo ole mi ago ma nyoorchi kiy kobatee sogeek kityo. Ak ki leenji keetoto, “Kobooch ra, koma iyie logoek kogeny agoi!” Ak koma tyanit kores mogoywondonooto.

MATAYO 25:29

Amu age tugul ne tinyei, kigoochin si kosich che chaang'; ago ineendet ne ma tinyei, kerebee agot ne tinyei.

LUKA 1:45

Ak paibai kobogoryondonooto iyani; amu tuun isuldoi tuguuk che ki kemwachi ineendet che punu Kiptaiyat.”

LUKA 7:9

Ak ye kingo kas Jeso ng'aleechuuto, kokwong' agobo ineendet, ak kiwelelgei ak koleenji tuiyet ne ki isubi ineendet, “Amwaiwok ale, tomo anyooru kayaneet ne oo ne tee ni, achicha, agot eng' Israel.”

JOHANA 1:49

Kowolji Nathanael kole, “Rabbi, ii Weeriitap Kamuktaindet; ii Laitoryatap Israel!”

JOHANA 1:51

Ak ki leenji, “Amwaiwok, iman, iman, ale, tatun ogeere kipsengwet koyatoksei, ak kotogostoi malaikaisyek che po Kamuktaindet ak kochoorchigei Weeriitap chii.”

JOHANA 11:40

Koleenji `Jeso ineendet, “Kama amwaun ale, ngiyani, igeere toroornatetap Kamuktaindet?”

JOHANA 20:29

Koleenji `Jeso ineendet, “Kaiyan amu kaigeera: iberuurotin icheek che iyani ama keer.”