JOHANA 1:45 - BUKUIT NE TILIIL Sireet ne Dutero Kanon

⁴⁵ Ki nyoor `Philipu Nathanael ak koleenji, “Kagenyooru ineendet ne ki sir Musa eng' Ng'atuutyet ak kosir maotik, nooto Jeso ne po Nazareth weeriitap Joseph.”

Bukuit Ne Tilil

⁴⁵ Ki nyoor `Philipu Nathanael ak koleenji, “Kagenyooru ineendet ne ki sir Musa eng' Ng'atuutyet ak kosir maotik, nooto Jeso ne po Nazareth weeriitap Joseph.”

BUKUIT NE TILIL

⁴⁵ Kinyor Pilipu Natanael, ak kolenji, Kagenyoru inendet, ne kisir Musa eng’ Ng’atutiet, ak maotik, Jesu ne bo Nasaret, weritab Josep.

JOHANA 1:45 Referencias Cruzadas

TAUNET 22:18

ak tuun kiberuuri pororyosyek tugul che po ng'wony eng' keswondeng'ung'; amu kegas iit kutinnyu.”

TAUNET 3:15

Andoi punyondiit kwenung'wong' inyee ndareet ak kwondo ak kwenutap iyoteng'ung' ak iyotennyi. Tuei ineendet meting'ung' ak isuse aginye kwaryandennyi”

TAUNET 49:10

Ma istoegei Judah kirokto ne po pounateet, ak ma petei ne igoitoi ng'atuutik eng' iyotennyi, agoi koit Shiloh; ak kase iit piik tugul ineendet.

ISAIAH 4:2

Korooronitu ak kotorooritu eng' peetuunooto temetap Kamuktaindet ne Toroor, ak ko telunotin ak ko korooron logoegap emet eng' icheek che kichililso eng' Israel.

ISAIAH 53:2

Amu tuun eetu eng' tainnyi ko uu keetit ne ng'arng'ar, ak eetu ko uu tigityot eng' emet ne yaamaat: ma tinyei itoon anan korooronindo; ak ye kigeere ineendet koma mi korooronindo kot kecham.

ISAIAH 7:14

Koonok anyun Kiptaiyat ineendet kaboorunet; ogeero, manachi pergeiyat, ak kosich weeriit, ak koguuree kainennyi Immanuel.

ISAIAH 9:6

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

MIKAH 5:2

Ago inyee, Bethlehem Ephratah, ne ii ming'in eng' kwenutap eliphuusyek che po Judah, mong'unenen age ne nyoonjino ne tuun egu pounindetap Israel; ne ki cham komong'u kobooch keny, kobooch koigeny.

SEKARIA 6:12

ak imwachi ineendet ileenji mwaei Kamuktaindet ne Toroor ne po lugoosyek ko uu ni kole keero, chiito ne kiguure kainennyi Temet; eetu eng' oldanyi, ak koteech Hekaluutap Kamuktaindet ne Toroor:

SEKARIA 9:9

Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.

MATAYO 10:3

Philipu ak Bartolomayo; Thomas, ak Matayo taagindetap aisuruut; Jakobo weeriitap Alphayo, ak Thadeo;

MATAYO 13:55

Tos ma weeriitap musogindet ni? Ma kiguure kamet Maria ak weeriik che tupcho ko Jakobo, Joseph, Simion, ak Judas?

MATAYO 2:23

Ki tebee nganaseet ne kiguure Nazareth si kobiit kosulda ne ki kamwa maotik kole, “Kiguure ineendet Nazaretindet.”

MATAYO 21:11

Ki wol tuiyosyek kole, “Ni ko maotyot Jeso, ne punu Nazareth ne po Galilaya.”

MARIKO 14:67

ak kingo keer Petero koyue maat, kochiilji kong' ineendet ak koleenji, “Ki imi aginye kobooto Nazaretindonooto, Jeso.”

MARIKO 6:3

Tos ma musogindet niito, weeriitap Maria, ne tupcho ak Jakobo, Joses, Judah, ak Simion? Tos ma mi kobootech eng' olinyo chepkametisyekyik?” Ak kinyoor kanagutyet eng' ineendet.

LUKA 18:37

Ak ki mwachi icheek ineendet koleenji, “Jeso ne po Nazareth ne siirtoi.”

LUKA 2:4

Ki togos agine Joseph eng' Galilaya kobunu nganaseetap Nazareth, agoi Judea, kot koit nganaseetap Daudi, ne kiguure Bethlehem, amu ki po ineendet kootap Daudi, ak ki po ooreennyi;

LUKA 2:48

Ak ye kingo keer ineendet, kokwong'yo: ak ki leenji `kamennyi ineendet, “Lakwani, kalya si iyaiywech ko uu ni? Keero, kogicheeng'in anee ak kwandang'ung' eng' arageneet.”

LUKA 24:27

Ak ki toi kobooch Musa ak maotik tugul, ak ki iarorchi icheek eng' siruutik tugul ng'aleek agobo ineendet.

LUKA 24:44

Ak ki leenji icheek, Chu ko ng'aleekyuk che ki kamwaiwok, ye kingo ta ami kobootok, ko uu ye kanyool kosulda tuguuk tugul, che ki kisir eng' Ng'atuutik che po Musa, ak eng' maotik, ak eng' tyenwogigap kalasunet, agobo anee.

LUKA 3:23

Kingo tau Jeso koneetisyei, ko ki neegit kenyiisyek sosom, (koleen icheek abeere) weeriitap Joseph, weeriitap Heli.

LUKA 4:22

Ak kibaoryanji tugul ineendet ak kokwong'yo eng' ng'aleek che po myeeindo che kamang'une kutinnyi: ak ki le icheek, Tos ma weeriitap Joseph niito?

JOHANA 1:44

Ki punu Philliph Bethsaida, nganaseet ne po Andrea ak Petero.

JOHANA 12:21

Ki pwa chooto anyun ole mi Philipu, ne po Bethsaida ne po Galilaya, ak koteebe ineendet kole, “Kiptaiyat, kimache kegeer Jeso.”

JOHANA 14:8

Koleenji Philipu, Kiptaiyat, iboorwech Kwanda, si koyamech.

JOHANA 18:5

Kowolji koleenji, “Jeso ne po Nazareth.” Koleenji Jeso, “Aa ineendet.” Ak ki tononi kobooto icheek Judas agine, ne king'wektoi ineendet.

JOHANA 18:7

Ki teebe anyun icheek kogeny, kole, “Ocheeng'e ng'oo?” Ak kole, “Jeso ne po Nazareth.”

JOHANA 19:19

Ak kisir anyun Pilato sireet, ak konde kimurtoiyot. Ki kisir keele, “JESO NE PO NASARET, LAITORYAT NE PO YAHUDIK.”

JOHANA 21:2

Ki mi tugul, Simion Petero ak Thomas ne kiguure Didumo, ak Nathanael ne po Kana ne po Galilaya, ak weeriigap Zebedayo, ak aeng' alak che po kasubikyik.

JOHANA 6:42

Ak ki le, “Tos ma Jeso niito, weeriitap Joseph, ne kingen kwandanyi ak kamet? Amunee anyun si komwa kole, ‘Ki achooruge eng' kipsengwet?’ ”

JOHANA 6:5

Kingo ng'eet met anyun Jeso, kogeer tuiyet ne oo konyonjin ineendet, koleenji Philipu, Ki ale ano magatiinik si koam pichu?

JOHANA 6:7

Kowolji `Philipu ineendet koleenji, “Mayamei icheek magatiinik che po dinarisyek pogol aeng', si konyoor age tugul kitigin.”

POISYONIGAP CHE KIYOKTOI 10:38

ongen ole ki iil `Kamuktaindet Jeso ne po Nazareth eng' Kabuuset ne Tiliil ak eng' kamuktaet; kiwendot ineendet ak koyaei ne myee, ak kosoobi tugul che ki inyaliili chesawilyet, amu ki mi Kamuktaindet kobooto ineendet.

POISYONIGAP CHE KIYOKTOI 2:22

“Okweek piigap Israel, ogas ng'aleechu: Jeso ne po Nazareth, chiito ne ki ibarta Kamuktaindet eng' okweek eng' poisyonigap kimnateet ak kwang'utik ak kaboorunoik, che ki yai Kamuktaindet eng' ineendet eng' kwenung'wong', ko uu ye ongen okweek.

POISYONIGAP CHE KIYOKTOI 22:8

Ak ki awolu ale, ‘Ii ng'oo inyee, Kiptaiyat?’ Ak ki leenjo, ‘Aa Jeso ne po Nazareth, ne iuse.’

POISYONIGAP CHE KIYOKTOI 26:9

Ki abwaati aneendet iman ale kanyool ayai tuguuk che chaang' che kirindoi kainetap Jeso ne po Nazareth.

POISYONIGAP CHE KIYOKTOI 3:6

Ago ki le Petero, “Ma tinye fedha ak thahabu; ago agoonin ne atinye. Ng'eet eng' kainetap Jeso Kristo ne po Nazareth, ak iwendote.”