JEREMIA 9:22 - BUKUIT NE TILIIL Sireet ne Dutero Kanon

²² Ng'alaal, ile, ‘Mwaei Kamuktaindet ne Toroor kole, Ibutos muuswek ko uu ng'atateegap tuuga eng' kewanin, ak koigei turoonik che yamei eutap kesiindet, ama piitu chii ne iyumi.’ ”

Bukuit Ne Tilil

²² Ng'alaal, ile, ‘Mwaei Kamuktaindet ne Toroor kole, Ibutos muuswek ko uu ng'atateegap tuuga eng' kewanin, ak koigei turoonik che yamei eutap kesiindet, ama piitu chii ne iyumi.’ ”

BUKUIT NE TILIL

²² Ng’alal, ile, Mwaei Jehovah ko u ni kole, Ibutos muswek ko u ng’atatekab tuga eng’ kewanin, ak koigei turonik che yamei eutab kesindet, ama biitu chi ne iyumi.

JEREMIA 9:22 Referencias Cruzadas

2 LAITORINIK 20:13

Ki kas Hezekiah icheek, ak koboorchi icheek koot tugul ne po tuguukyik che po kamanuutyet ne oo, fedha, thahabu, nyamdutik, mwanik che po kamanuutyet ne oo, kootap kariikyik che po lugeet ak tuguuk tugul che ki mi ole mi konoraikyik. Ma ng'et kiy eng' koonnyi anan ko pounatennyi tugul ne ma iboorchi Hezekiah icheek.

2 LAITORINIK 20:15

Ak ki le ineendet, “Kagogeer nee eng' koong'ung'?” Ak kowol Hezekiah kole, “Kagogeer tuguuk tugul che mi koonnyu, ma ng'et kiy eng' konoraikyuk ne ma aboorchi.”

2 LAITORINIK 9:37

Kergeitu ak ng'atateek muustap Jesebel eng' mbareet eng' kooretap Jezreel; kot koma komwaei piik kole, ‘Jesebel ni.’ ”

Kitabuutap JOB 5:13

Namei che utaatiin eng' ng'ulaatyetap ng'aalseennywa, ak sip kong'emaksei kirwoogutigap che imaasotin.

TIENWOGIKAL 49:7

Ma mi eng' icheek ne imuuchi kotyach ng'eetap kamet eng' oor age tugul, ago temenee kogoochi Kamuktaindet kiit ne kityage ineendet;

TIENWOGIKAL 83:10

Che ki pekyi En-dor; Ki ek ng'atateek che po ng'wony.

KALEWANAIK 18:11

Mogornateetap mogoryot ko nganasennyi ne kiim, ak uu irimeet ne kooi eng' kabwaatutikyik.

KALEWANAIK 23:4

Ngot itinye utaatyet ne ititaat; komeimigei ile asi iegu mogoryo.

ISAIAH 5:25

Ki nereekyi kot anyun `Kamuktaindet ne Toroor piikyik, ak ki iyogoito eunnyi kogirinda icheek, ak kobir, kibotanso tuloonook che mengeechen, ak ki ek muuswekwak pusagaryek eng' kwenutap ortinwek. Nganda uu nooto, koma istogei nereegekyik, ago ta kochuulat eunnyi kora.

JEREMIA 16:4

‘Pegu icheek eng' meet ne ng'waan; ma kiriirchin, ama kitubei. Igeitu ng'atateek eng' ng'wony ak ki pare rotwetap chok ak rubeet; si koek muuswekwak amitwogigap toriitigap parak ak tyong'igap ng'wony.’ ”

JEREMIA 25:33

Ak konyi emet eng' peetuunooto piik che parei Kamuktaindet ne Toroor, kobooch tabanda age ne po ng'wony agoi tabanda age: ma mi chii ne iteei agobo icheek, ama kiyumi, ama kitubei; egu ng'atateek eng' emet.

JEREMIA 6:21

Mwaei anyun Kamuktaindet ne Toroor kole; “Andoi taitap pichu kanagutik, si konach kwanisyek kobooto weeriik, ak kolus chiitap kokwet kobooto chorwennyi.”

JEREMIA 7:33

Ak koek muuswegap pichu amitwogigap toriitik che po parak, ak che po tyong'igap ng'wony. Ama piitu chii ne iyestoi.

JEREMIA 8:2

Kimaae eng' asiista ak eng' arawet ak eng' taitap tuguuk tugul che po kipsengwet, che kiga kocham, che kiga koot, che kiga kosubot, che kiga kocheeng'at ak che kiga kolas. Ma kiyumi anan ketup, ago egu keturek eng' emet.

HABAKUK 1:11

Iwiktogei ko uu usoonet, ak kosiirto, ak konam ng'oogisto: ineendet ne kamuktaindennyi kimnateennyi.

SEPANIA 1:17

Ak aipchi piik pichiindo, kot kobendat ko uu piik che koryotiin, amu ki koyachi Kamuktaindet ne Toroor tengekto: ak ketumda korotiikwak ko uu temburyek, ak keraanda poorwekwak ko uu ng'atateek.

NG'ATUTIK 8:17

si mele eng' muguleldang'ung', “Kagoono kimnateennyu ak kamugetap eunnyu mogornatoni.”