JEREMIA 8:6 - BUKUIT NE TILIIL Sireet ne Dutero Kanon

⁶ Ki aep iit agas, ago ma ng'alaal icheek che po iman. Ma mi chii ne sigu eng' yaityennyi, kole, ‘Koyai nee? Isubi chii tugul ooreennyi, ko uu paraisiit ye labati kochutei lugeet.

Bukuit Ne Tilil

⁶ Ki aep iit agas, ago ma ng'alaal icheek che po iman. Ma mi chii ne sigu eng' yaityennyi, kole, ‘Koyai nee? Isubi chii tugul ooreennyi, ko uu paraisiit ye labati kochutei lugeet.

BUKUIT NE TILIL

⁶ Kiaeb it agas, ago ma ng’alal ichek che bo iman: mami chi ne sigu eng’ yaitiennyi, kole, Koyai nee? Isubi chi tugul orennyi, ko u mbartanyit ye labati kochutei luget.

JEREMIA 8:6 Referencias Cruzadas

Kitabuutap JOB 10:2

Aleenjini Kamuktaindet: Amerwookwo; iboorwo anyun kiit ne kagoonin kibelgei.

Kitabuutap JOB 34:31

Tos amu nee si ma mwachi chii age tugul Kamuktaindet, koleenji, ‘Ka amuite eng' katigonet, ma ayae leluut kogeny,

Kitabuutap JOB 34:32

Ineeta che ma keere; ngot ko ki ayai tengekto, koma yae kogeny.’

TIENWOGIKAL 14:2

Keerei Kamuktaindet ne Toroor eng' kipsengwet weeriigap piik, kole kogeer ngo mi ne utaat, ne cheeng'ei Kamuktaindet.

ISAIAH 30:18

Igenok anyun Kamuktaindet ne Toroor, si kobiit koboorwok myeeindo, ak koek anyun ineendet ne itoroorot, si kobiit koriirenak. Amu Kamuktaindet ne Toroor ko Kamuktaindetap kirwooget; iberuurotin tugul che igeni ineendet.

ISAIAH 57:17

Amu ki anereech agobo tengektap kasennyi ne po myat, ak abir ineendet, ki auny togeennyu ak anereech: ak kites komaasak eng' ooreetap muguleldanyi.

ISAIAH 59:16

Ak ki keer kole ma mi chii age tugul, ak ki kwong' amu ki ma komi ne sachin age: ki ipchigei anyun yetunet eng' eunnyi; ak kiti imandanyi ineendet.

JEREMIA 23:25

Ki agas kiit ne ki mwa maotik, che maoteni lembechek eng' kainennyu kole, koarwotyi, koarwotyi.

JEREMIA 3:5

Tos nereechi ineendet agoi? Nereechi agoi kagesunet? Keero, ki ing'alaal ko uu ni, ak ki iyai tuguuk che yaacheen ak ki isup oreng'ung'.

JEREMIA 5:1

Orwaate ortinwegap Jerusalem si ogeer ak onai, ocheeng' eng' komoswekyik che paraen, ngot omuuchi onyooru chii agenge, ne yaei imanda ak ne cheeng'ei imanit, si ngot komi, anyochi kaat nganasanooto.

EZEKIEL 18:28

Amu ruchin ak kometo pistaosyekyik tugul che ki koyai, kosabei iman, ma meei.

EZEKIEL 22:30

Ki acheeng' anyun chii eng' kwenunnywa, si kotuur ng'ootweet, ak kotonon eng' tainnyu eng' ole kibutok, agobo emet, si ma ng'em emonooto: ago ma anyooru chii.

MIKAH 7:2

Ki kobet chii ne iywei Kamuktaindet ne Toroor eng' emet, ama mi agot agenge ne po iman eng' piik. Saptoi tugul kotumdoi korotiik, riichei chii age tugul mesteet agobo ng'eetap kamet.

SEPANIA 3:7

Ki amwa ale, iywea iman, itaache katigonet; si ma ki isto meng'ootennyi, ko uu tugul che ki ang'at agobo ineendet. Ne katanooto kotestai koyai koyagitu miising' poisyonikwak tugul.

HAGGAI 1:5

Mwaei anyun Kamuktaindet ne Toroor ne po lugoosyek kole, “Oriip atebosyekwok.

HAGGAI 1:7

Mwaei Kamuktaindet ne Toroor ne po lugoosyek kole, “Oriip atebosyekwok.

MALAKI 3:16

Ki ng'alaaljigei anyun che iywei Kamuktaindet ne Toroor. Ki ep iit Kamuktaindet ne Toroor kogas ak ki kisir eng' tainnyi bukuitap kabwaatet agobo icheek che iywei Kamuktaindet ne Toroor ak kobwaati kainennyi.

2 PETERO 3:9

Ma igaegei Kiptaiyat eng' arorutyennyi, ko uu ye iiti alak kagaetapkei; ago muitoi agobo okweek, ma machei kolus chii age tugul, ago machei kobwonji tugul siguunet.

NG'ANG'UTYET 9:20

Ak ma sik piik che kiga ng'et, che ki ma ki par eng' korotwechooto eng' poisyonigap eunekwak; ak ma meto kosa oik, ak kanamonigap thahabu, ak che po fedha, ak che po sugunonik, ak che po koik, ak che po keetiik; kanamonik che ma imuuchi kogeerto, anan kogasta anan kobendat.