JEREMIA 8:4 - BUKUIT NE TILIIL Sireet ne Dutero Kanon

⁴ Imwachini kogeny ileenjini, “Mwaei Kamuktaindet ne Toroor kole, Tos ibutos piik ama ng'eetos kogeny? Tos wo chii ama weeksei?

Bukuit Ne Tilil

⁴ Imwachini kogeny ileenjini, “Mwaei Kamuktaindet ne Toroor kole, Tos ibutos piik ama ng'eetos kogeny? Tos wo chii ama weeksei?

BUKUIT NE TILIL

⁴ Imwachini kogeny ilenjini, Mwaei Jehovah ko u ni kole, Tos ibutos bik ama ng’eetos kogeny? Tos wa chi ama weeksei?

JEREMIA 8:4 Referencias Cruzadas

1 LAITORINIK 8:38

ngo ip saaet anan ko soomet age tugul ne kasoom chii age tugul, anan ko ne kasoom piiguk tugul che po Israel, ne naei chii age tugul myandap muguleldanyi, ak kochuul eunekyik kotokyi kooi,

KALEWANAIK 24:16

Amu ibuti chiito ne po iman konyil tisap, ak kong'eet kogeny; ago igabui nyalilda kiptengeginik.

ISAIAH 44:22

Ki aiste pistaosyeguk, ko uu pooldet ne oo, ak ki aiste tengekwogiguk, ko uu pooldet: weekyage; amu ki atyachin.

ISAIAH 55:7

ingometo kiptengekyot ooreennyi, ak ingometo ineendet ne ma po iman, kabwaatutikyik: ak ingoweekyigei Kamuktaindet ne Toroor, si koriiree; ak ingoweekyigei Kamuktaindennyo, amu nyochin kaat iman.

JEREMIA 23:14

Ki ageerchi maotigap Jerusalem ak icheek kiit ne samis miising'; yaei ibeetapkei, ak kobendote lembechek, ak kogimit eunegap yaigap yaityet, kot koma mi chii ne weeksei eng' yaityennyi: kaigei icheek tugul Sodom eng' anee, ak kaigei che menyei yooto, Gomorah.

JEREMIA 3:1

Mwaei icheek kole, Ngot koon chii osotyonnyi, ak kobagaakta ineendet ak koek osotyotap chiito age, ko tos ta koweekyigei chiichooto kwonyooto kogeny? Tos ma imurwoni emet miising'? Ago ki iyai kugoinatet kobooto chamanik che chaang', ago tos oweekyage kogeny? Mwaei Kamuktaindet ne Toroor.

JEREMIA 3:22

Oweege, okweek lagok che ki ogetyigei let, si asoop kachuchugeng'wong' pogei. Ak owolu oleen, Kagibwonjin, amu ii Kamuktaindet ne Toroor, Kamuktaindennyo.

JEREMIA 36:3

Abeere tamangap kogas kootap Judah yaityet tugul ne kaatil ale ayachini icheek; si koweek chii tugul eng' icheek kometo ooreennyi ne ya, si anyochi kaat amu yaityennywa ak tengektonywa.

JEREMIA 4:1

“Ngot iweege, ee Israel, iweekyinage,” mwaei Kamuktaindet ne Toroor “Ngot iiste tuguuguk che kiwechei eng' tainnyu, koma keistoin anyun,

EZEKIEL 18:23

Tos abaibai eng' meetap kiptengekyot? Mwaei Kiptaiyat Kamuktaindet ne Toroor: tos ma abaibai ngo week kometo ooreennyi si kosap?

HOSEA 14:1

Ee Israel, weekyigei Kamuktaindet ne Toroor Kamuktaindeng'ung'; amu ki ibut eng' tengektong'ung'.

HOSEA 6:1

“Obwa, keeweekyigei Kamuktaindet ne Toroor: amu ki kogereerech ak konyaech; ki kobirech ak inyaech.

HOSEA 7:10

Ak paoryani menoteetap Israel eng' tainnyi: agot ngo uu nooto koma weekyigei Kamuktaindet ne Toroor Kamuktaindennywa, anan kocheeng' ineendet eng' chuuto tugul.

AMOS 5:2

Kagobut, ma kong'eetei kogeny, pergeiyatap Israel; kagewiirta eng' emennyi, ma mi chii ne ing'eeti.

MIKAH 7:8

amebaibaitunena, ee punyondennyu: ye kabut, ang'eete kogeny; ye atebee mesundeito, koegu Kamuktaindet ne Toroor lapkeiyennyu.