JEREMIA 8:19 - BUKUIT NE TILIIL Sireet ne Dutero Kanon

¹⁹ Ogas kutitap riiregap piikyuk eng' emet ne loo miising', tos ma mi Kamuktaindet ne Toroor Zion? Tos ma mi Laitoryatap nganasanooto olooto? Amu nee anyun si kotacha kot anereech eng' kanamonikwak che kiwaei, ak tuguuk che teer che po puch?

Bukuit Ne Tilil

¹⁹ Ogas kutitap riiregap piikyuk eng' emet ne loo miising', tos ma mi Kamuktaindet ne Toroor Zion? Tos ma mi Laitoryatap nganasanooto olooto? Amu nee anyun si kotacha kot anereech eng' kanamonikwak che kiwaei, ak tuguuk che teer che po puch?

BUKUIT NE TILIL

¹⁹ Ogaso, kutitab rirekab cheptab bikyuk eng’ emet ne loo mising’; tos mami Jehovah Sion? Tos mami Laitoriatab nganasanato oloto? Amu nee anyun si kotacha kot anerech eng’ kanamonikwak che kiwaei, ak tuguk che ter che bo buch?

JEREMIA 8:19 Referencias Cruzadas

TIENWOGIKAL 135:21

Iberuurot Kamuktaindet ne Toroor eng' Zion, ineendet ne menyei Jerusalem. Olasu Kamuktaindet ne Toroor!

TIENWOGIKAL 137:1

Eng' ngeguutap ainoosyegap Babilon, ko ki kitebee olooto ak ki kiriirtosi, ye kingi pwaati Zion.

TIENWOGIKAL 146:10

Laitorani Kamuktaindet ne Toroor koigeny, laitorani Kamuktaindeng'ung' eng' ibinwek tugul, ee Zion. Olasu Kamuktaindet ne Toroor!

TIENWOGIKAL 149:2

Ingobaibait Israel eng' yaindennyi; ingogaskei lagogap Zion eng' Laitoryandennywa.

TIENWOGIKAL 31:6

Aweche icheek che isubi atebosyek che ma nyolu che po lembech; ago amang'u anee Kamuktaindet ne Toroor.

ISAIAH 1:4

Pwo! Pororyet ne yaei tengekto, piik che laei yaityet, iyoteetap yaigap yaityet, lagok che yaei ng'emisyet! Ki kometo Kamuktaindet ne Toroor, Ki kogas Ineendet ne Tiliil ne po Israel, ki kotoiyegei kochuchuigei.

ISAIAH 12:6

Owaach miising' ak otyense, inyee ne imenye Zion, amu oo Ineendet ne Tiliil ne po Israel eng' kwenung'ung'.”

ISAIAH 13:5

Punu icheek emet ne loo, ole pooch tabandap kipsengwet, ineendet Kamuktaindet ne Toroor, ak kariigap nereegekyik, si kobiit kong'em emet komugul.

ISAIAH 33:22

Amu Kamuktaindet ne Toroor ko kirwoogindennyo, ne koonech ng'atuutik, Kamuktaindet ne Toroor ko laitoryandennyo; ineendet ne sarwech.

ISAIAH 39:3

Ki nyo anyun `maotyot Isaiah kaplaitoryat Hezekiah, ak koteebe koleenji, kale nee pichu? Kobunu ano kobwanei oling'ung'? Ak ki le Hezekiah, Kabwa olinnyu kobunu emet ne loo, emetap Babilon.

ISAIAH 52:1

Ng'eet, ng'eet, ilaach kimnateng'ung', ee Zion; ilaach ngoroiguk che korooron, ee Jerusalem, nganaseet ne tiliil: amu kobooch nguno koma kobwanjinin che ma kimuratan ak che ma tiliileen.

JEREMIA 10:15

Puch chooto, poisyetap ng'aalseet; petos eng' peetuut ne ityin pirennywa.

JEREMIA 14:19

Tos ki ieesye Judah iman? Tos kigowech saboondang'ung' Zion? Amu nee si ibirech, ama mi kasoobet eng' acheek? Ki kigen kaalyeet, ago ma nyo kiy ne myee; ki kigen peetuutap kasoobet ak keero, ki piit arageneet!

JEREMIA 14:9

Amu nee si iige chii ne kakwong', kalya iige chii ne kiim, ne ma imuuch kosaruunis? Ago inyee, ee Kamuktaindet ne Toroor, imi kwenunnyo ak kimwaitaenech kaineng'ung'; amemetech.

JEREMIA 2:5

Mwaei Kamuktaindet ne Toroor kole: “Nee kiit ne ma po iman ne kinyoorcha kwanisyekwok, kot kolooitena, ak koba kosubot kamuktaik che ma tilei kiy, ak kagoek icheek puch?

JEREMIA 27:10

amu maotenwok lembeita, si koistook olooegitu eng' emeng'wong'; kole si aoonak olusye.

JEREMIA 31:6

Amu piitu peetuut ye ititendos riibiik eng' tuloonook che po Ephraim: kole, “Ong'eetyee, keebe Zion kootap Kiptaiyat Kamuktaindennyo.”

JEREMIA 32:30

Amu ki koyai piigap Israel ak lagogap Judah ne ya eng' tainnyu kobooch ming'inatennywa: amu ki kotacha piigap Israel anereech eng' poisyonigap eunekwak, mwaei Kamuktaindet ne Toroor.

JEREMIA 7:19

Tos tachei ng'oo pichooto konereech? Tos anee? Mwaei Kamuktaindet ne Toroor. Tos matachegei icheegei, si kogoochigei kalilanet eng' togoochikwak?

JEREMIA 8:20

Kagosiirto kesisyet, kagogeskei kemeut, ago tomo kesarwech.

JEREMIA 9:16

Ak ayestochi icheek pororyosyek, che ki ma nai icheek anan kwanisyekwak. Ayooktoi rotwetap chok koosup icheek, kot ageesu.”

EZEKIEL 48:35

Egu tegat eliphuusyek taman ak sisiit komoswek tugul: ak keguure kainetap nganasanooto kobooch peetuunooto, Mi Kamuktaindet ne Toroor olooto.

JOEL 2:32

Ak tuun kisaru age tugul ne kuurei kainetap Kamuktaindet ne Toroor: amu tuun miitei che chilildos eng' tulweetap Zion ak Jerusalem, ko uu ye ki komwa Kamuktaindet ne Toroor, ak tuun kuurei Kamuktaindet ne Toroor alak eng' icheek che ki ng'et.

JOEL 3:21

Ak aanyiny korotiikwak che tomo aanyiny: amu menyei Kamuktaindet ne Toroor Zion.

OBADIA 1:17

Ago piitu che chilildos eng' tulweetap Zion, ak kotiliilit; ak konam kootap Jakobo tuguugap pichooto, kobunji.

MIKAH 4:9

Amu nee anyun si iwaach? Tos metinye laitoryat, tos ki kobet chiing'ung' ne po kapkirwook, kot konamin ng'waninwek che uu che po kwondo ne machei kosigiis?

SEPANIA 3:15

Kagoisto Kamuktaindet ne Toroor kirwoogutiguk, ki koon punyondeng'ung'. Mi kwenung'ung' laitoryatap Israel, ineendet Kamuktaindet ne Toroor; ma iywei yaityet agoi.

SEKARIA 2:9

Ogeero, ang'warii icheek, ak koek luulenigap otiikwak icheek.” Niito ne onae ole ki iyookwo Kamuktaindet ne Toroor ne po lugoosyek.

POISYONIGAP CHE KIYOKTOI 14:15

“Choronochu, kalya si oyai tuguuchu? Ki piik agacheek che kergei ak okweek, ak kagiibwok logoiywek che myach, si kobiit oweeige omete tuguuchu ma tilei kiy ak obwonji Kamuktaindet ne sabei, ne kiyaei kipsengwet ak ng'wony ak araraita ak tugul che mi olooto.

NG'ATUTIK 31:17

Ye ai ko uu nooto kolalei anyun nereeknatennyu eng' peetuunooto agobo icheek ak abagaakte, auny togeennyu ak kiwong' icheek. Pwaanjin icheek yaitwogik ak nyalilwogik che chaang' ak kole eng' peetuunooto, ‘Tos ma pwanjech yaitwogichu amu ma mi Kamuktaindennyo kobootech?’

NG'ANG'UTYET 2:1

“Sirchi malaikaiyat ne po kaniset ne mi Epheso, ileenji: “Mwaei tuguuchu ineendet ne namei kecheik tisap eng' eunnyi ne po tai, ineendet ne wendote kwenutap keelyek tisap che po taisyek che po thahabu: