JEREMIA 7:3 - BUKUIT NE TILIIL Sireet ne Dutero Kanon

³ Mwaei Kamuktaindet ne Toroor ne po lugoosyek, Kamuktaindetap Israel kole: Olitit ortinwekwok ak poisyonikwok, si agoonok omeny yuto.

Bukuit Ne Tilil

³ Mwaei Kamuktaindet ne Toroor ne po lugoosyek, Kamuktaindetap Israel kole: Olitit ortinwekwok ak poisyonikwok, si agoonok omeny yuto.

BUKUIT NE TILIL

³ Mwaei Jehovah ne bo lugosiek, Kamuktaindetab Israel, ko u ni kole, Olitit ortinwekwok ak boisionikwok, si agonok omeny yuto.

JEREMIA 7:3 Referencias Cruzadas

2 LAITORINIK 17:13

Ago kibaoryan Kamuktaindet ne Toroor kora agobo Israel, ak agobo Judah, eng' maotyot age tugul, ak keerindet age tugul koleenji, “Oweege eng' ortinwekwok che yaacheen, ak oriip ng'atuutikyuk ak kayomisutikyuk, ko uu Ng'atuutyet tugul ne ki ang'at kwanisyekwok, ak che ki ayookwok eng' eunegap otwogikyuk maotik.”

EZRAH 10:11

Ong'aang'ji anyun Kamuktaindet ne Toroor, Kamuktaindetap kwanisyekwok ak oyai kiit ne chamei. Otabaanegei piigap emet ak kwonyiik che toek.”

KALEWANAIK 28:13

Ma nyooru perurto ineendet ne unyei pistaosyekyik, ago nyooru rireenet age tugul ne ng'aanyei ak kometo.

ISAIAH 55:7

ingometo kiptengekyot ooreennyi, ak ingometo ineendet ne ma po iman, kabwaatutikyik: ak ingoweekyigei Kamuktaindet ne Toroor, si koriiree; ak ingoweekyigei Kamuktaindennyo, amu nyochin kaat iman.

JEREMIA 17:25

pwoonei anyun oriit laitorinik ak pounik che tebee ng'echereetap laitornatet ne po Daudi, kobunu ormariichogap nganasani, kolong'onu kariisyek ak paraisisyek, icheeget ak pounikwak, piigap Judah, ak piik che menyei Jerusalem: ak kemeny nganasani agoi.

JEREMIA 18:11

Ara anyun, ui ng'alaalji piigap Judah, ak piik che menyei Jerusalem, ileenji, mwaei Kamuktaindet ne Toroor kole: Ogeero, achobe yaityet agobo okweek ak achobe kiit ne aitook: ingoweigei age tugul eng' okweek, kometo ooreennyi ne ya, ak olitiit ortinwekwok ak poisyonikwok.

JEREMIA 18:8

ngot kosik eng' yaityennywa pororyonooto kaamwa, awale kabwaatutukyuk eng' yaityet ne kitayachini icheek.

JEREMIA 26:13

Nooto anyun, olitit ortinwekwok ak poisyonikwok, ak ogas iit kutitap Kamuktaindet ne Toroor Kamuktaindeng'wong'; si kowal Kamuktaindet ne Toroor kabwaatutikyik eng' yaityet ne kogomwa agobo okweek.

JEREMIA 35:15

Ak ki ayookwok kogeny otwogikyuk tugul che maotik, ang'eete karon miising' ak ayoogu icheek, amwae ale, Oweege anyun chii age tugul eng' ooreennyi ne ya, ak olitit poisyonikwok, amosup kamuktaik che teer oot icheek, si omeny emet ne ki agoonok kobooto kwanisyekwok: ago ma oep iit, anan ogasa iit.

JEREMIA 35:16

Amu kagoyai weeriigap Jonadab weeriitap Regap ng'atuutyetap kwandanywa, ne ki ng'at icheek, ago ma kasa iit pichu;

JEREMIA 4:1

“Ngot iweege, ee Israel, iweekyinage,” mwaei Kamuktaindet ne Toroor “Ngot iiste tuguuguk che kiwechei eng' tainnyu, koma keistoin anyun,

JEREMIA 6:16

Mwaei Kamuktaindet ne Toroor kole, otononie eng' ortinwek ak ogeerte, oteep ortinwek che po keny, ole mi ooreet ne myee, ak obendate nooto, si osich kamuung'et eng' saboonwekwok. Ago ki wol kole, “Ma kibendote ortinwechooto.”

JAKOBO 4:8

Oriikyi Kamuktaindet, si koriikyok. Oun eunekwok, okweek kiptengeginik; ak otiliil mugulelwekwok, okweek che oo po kabwaatutik aeng'.