JEREMIA 7:20 - BUKUIT NE TILIIL Sireet ne Dutero Kanon

²⁰ Mwaei anyun Kiptaiyat Kamuktaindet ne Toroor kole; Ogeero, kiroong'jin olito nereegekyuk ak nereegekyuk che ng'woneen, kiroong'jin piik, tuuga, keetiigap timiin ak eng' logoegap mbar; ak laldos, ama kimisi.

Bukuit Ne Tilil

²⁰ Mwaei anyun Kiptaiyat Kamuktaindet ne Toroor kole; Ogeero, kiroong'jin olito nereegekyuk ak nereegekyuk che ng'woneen, kiroong'jin piik, tuuga, keetiigap timiin ak eng' logoegap mbar; ak laldos, ama kimisi.

BUKUIT NE TILIL

²⁰ Mwaei anyun Kiptaiyat Jehovah ko u ni kole: Ogeero, kirong’jin olito neregekyuk ak neregekyuk che ng’wonen, kirong’jin bik ak tuga, ak ketikab timin, ak eng’ logoekab mbar; ak laldos, ama kimisi.

JEREMIA 7:20 Referencias Cruzadas

2 LAITORINIK 22:17

Amu kimetaa icheek ak kobeelji nyamdutik kamuktaik ak kotacha anereech eng' poisyonikwak tugul che po eunekwak, eng' nooto anyun, kolaldos nereegekyuk agobo koroni, ama kimisi.’

ISAIAH 10:17

Ak koek maat lapkeiyetap Israel, ak koek nenyi Ne Tiliil liplibenetap maat, ak kobeel kowong' katookyik che rutei piich ak che toorei piich peetuunak.

ISAIAH 42:25

Kiroong'ji anyun nereegekyik che koroomen, ak kimnateetap lugeet; ak koyieme maat ineendet, ago ma nai kora ak kobeel ineendet, ago ma chut muguleldanyi.

ISAIAH 66:24

Ak komanda koba kogeer muuswegap piik che ki ingelelja: amu ma pegu kutikwak, ama kimisi manywa; ak koek che wechei piik tugul.

JEREMIA 11:16

Kiguure Kamuktaindet ne Toroor kaineng'ung', Emdit ne tuon, ne karaaran ak kotinyei logoek che myach. Ki ilaal maat eng' yooto eng' polatetap wasetapkei ne oo ak kagoilyo mooriikyik.

JEREMIA 12:4

Iteei emet kot kotyanit, ak korestos sogegap emet komugul agoi au? Amu sogornatetap piik che menyei olooto, ko ki koges kei anyun ak ki kobek tyong'ik ak toriitik. Amu ki le icheek, “Ma keerei ineendet kagesunennyo.”

JEREMIA 14:16

Ak kewiirchi ortinwek che po Jerusalem piik che ki maotenjin, amu rubeet ak rotwetap chok. Ama piitu chii ne tubei icheek, osotikwak, weeriikwak ak tiibiikwak. Amu aroong'jini icheeget yaityennywa.

JEREMIA 17:27

Ago ngot ko mogasa iit otabaan peetuutap sabato, amoip laut age tugul ak obe oriit obun ormariichogap Jerusalem eng' peetuutap sabato; alaal anyun maat eng' ormariichokyik, si kobeel kooriigap laitoryat che po Jerusalem, ama kimisi.

JEREMIA 17:4

Ak ibagaaktoi aginye poroteng'ung' ne ki agoonin; ak agoonin ioot puuniguk eng' emet ne mengen: amu ki olaal maat eng' nereegekyuk, ne lalei koigeny.

JEREMIA 18:23

Ago, ingen inyee Kamuktaindet ne Toroor, kirwoogennywa ne irwoochi kole kobara; menyochi kaat tengektonywa, amebukte chalwoktanywa eng' taing'ung': ago ingeriich eng' taing'ung'; yachi ko uu nooto eng' peetuutap nereegeguk.

JEREMIA 21:12

Ee kootap Daudi, mwaei Kamuktaindet ne Toroor kole, oyai kirwooget karon, osaru ne ki kiluul komong' eng' eutap usiindet, si ma mong' nereegekyuk che koroomen ko uu maat, ak kolal kot koma mi ne imuuchi komis, amu yaityetap poisyonikwok.

JEREMIA 42:18

Amu mwaei Kamuktaindet ne Toroor ne po lugoosyek, Kamuktaindetap Israel, ko uu ni kole; Ko uu ye kigeroong'ji nereegekyuk ak nereegekyuk che ng'woneen, piik che menyei Jerusalem, keroong'jinok anyun ko uu nooto nereegekyuk che ng'woneen, ye obe Misiri: ak oegu che kichubei, ak che kikwong'ee ak che kisasei, ak che kichotei; ama ogeere olito kogeny.

JEREMIA 44:6

Kirong'kei anyun nereegekyuk che ng'woneen, ak kong'waanityi nganasoogap Judah ak eng' ortinwek che po Jerusalem; ak ki koek karatwek ak kigoguber ko uu kiit ne uu peetuusyechu.

JEREMIA 6:11

Kanyiia anyun nereegek che ng'woneen che po Kamuktaindet ne Toroor; kaang'et araanye. Ak ki leenjo Kamuktaindet ne Toroor, roong'ji nereegechooto lagok che mi ooreet, kobooto tuiyetap murenik; Amu kimuti manong'otyot ak osotyot ne ki koosit kobooto ne neegit koolil.

JEREMIA 6:12

Kiwolei kooriikwak kobunji piik alak, kobooto mbareenikwak ak osotikwak, amu achuuljini eunnyu piik che menyei emet, mwaei Kamuktaindet ne Toroor.

JEREMIA 8:13

Ageesu icheek, mwaei Kamuktaindet ne Toroor. Ma ng'etu sabibuk eng' keetiik, ama ng'etu logoek eng' mogoonik ak koresyo sogeek, ak kobetyo eng' icheek tuguuk che kiga koochi.

RIREKAB JEREMIA 4:11

Ki koyai Kamuktaindet ne Toroor nereegekyik che ng'woneen kosulda, ki korong' nereegekyik che koroomen; ak ki konaam maat eng' Zion, ne ki kobeel lumeiywekyik.

EZEKIEL 22:22

Ko uu ye chotoos fedha eng' maat ne oo, ochotosi ak okweek eng' maata; si onai ole aa Kamuktaindet ne Toroor ne kaarong'jok nereegekyuk che ng'woneen.

EZEKIEL 7:12

Kagoit peetuusyek, riigu peetuut: amat kobaibait alindet, anan koaragen aldaindet: amu miitei nereegek eng' chaang'indonywa tugul.

EZEKIEL 7:14

Kagoguut iryageet, ak kagochop tuguuk tugul; ago ma mi ne wendi pooryeet: amu mi nereegekyuk chaang'indonywa tugul.

ATEPTAP LAWIK 26:28

atilok let anyun eng' pandanyu eng' nereegek che pichiien, ak abirok agane konyil tisap amu tengekwogikwok.

NAHUM 1:6

Ng'oo ne imuuchi kotonon eng' taitap nereegekyik? Ak ng'oo ne imuuchi komuita eng' koroomnatetap nereegekyik? Kirong'u nereegekyik che ng'woneen ko uu maat, ak tonatoni `ineendet rwandosyek.

SEPANIA 1:2

Ageesu tuguuk tugul eng' ng'wony, mwaei Kamuktaindet ne Toroor.

SEPANIA 1:3

Ageesu piik ak tyong'ik; ageesu toriitigap parak, ak njireenigap nyanjet, andachini kanagutik kiptengeginik; ak aiste piik eng' ng'wony, mwaei Kamuktaindet ne Toroor.

SEKARIA 7:12

Ee, ki iuit mugulelwekwak koigei kibargoiyet, si ma kas ng'atuutyet, ak ng'aleek che kiga koyook Kamuktaindet ne Toroor ne po lugoosyek eng' Kabuusennyi ne Tiliil eng' eunegap maotik che po tai: ki mong' anyun nereegek che eecheen kobunu Kamuktaindet ne Toroor ne po lugoosyek, amu nooto.

MALAKI 4:1

Mwaei Kamuktaindet ne Toroor ne po lugoosyek kole, “Ogeero, nyoonei peetuut ne lalei ko uu maat ne oo, ak igeitu mobeek menotik tugul, kobooto icheek tugul che yaei tengekto. Ak peelei icheek peetuut ne nyoonei kot ko ma ng'etyi tigityot anan ko mornet.

MATAYO 3:12

Tinyei eng' eunnyi keibennyi, ak kotiliili komyee rwanyut; ak koyumji nganuuk chogennyi, ak kobeele `meteteek maat ne ma imisoksei.”

NG'ANG'UTYET 14:10

koeei agine divaik che po koroomnatetap Kamuktaindet, che ki kichop ama kiburuch eng' kigombetap nereeknatennyi; ak kinyaliili eng' maat ak koik che laldos eng' taitap malaikaisyek che tiliileen, ak eng' taitap Aarwet: