JEREMIA 6:28 - BUKUIT NE TILIIL Sireet ne Dutero Kanon

²⁸ Ngelelik icheek tugul che yaacheen, che pendi komosi ak komosi kochaamsoti, uueen icheeget ko uu sugunwet ak karnet, yaei tugul ng'emisyet.

Bukuit Ne Tilil

²⁸ Ngelelik icheek tugul che yaacheen, che pendi komosi ak komosi kochaamsoti, uueen icheeget ko uu sugunwet ak karnet, yaei tugul ng'emisyet.

BUKUIT NE TILIL

²⁸ Ngelelik ichek tugul che yaachen, che bendi komosi ak komosi kochaamsoti; icheget ko sugunwet ak karnet: yaei tugul ng’emisiet.

JEREMIA 6:28 Referencias Cruzadas

TIENWOGIKAL 14:1

Ki komwa ne perber eng' muguleldanyi, kole, “Ma mi Kamuktaindet.” Kigong'emogis, ak koyai yautik che kiwechei; ma mi ne yaei ne myee.

TIENWOGIKAL 50:20

Itebye ak ichaame ng'eetap kamenng'ung'; itaami weeriitap komet.

KALEWANAIK 10:18

Ineendet ne unyei weget kotinyei kutitap lembechek, ak ineendet ne mwaei ng'aleegap chemerereet ko perber.

ISAIAH 31:6

Oweekyigei ineendet ne ki ongelelji miising', ee lagogap Israel.

JEREMIA 18:18

Ki mwa anyun kole, obwa kechop kiit ne kiitoi Jeremiah; amu ma petei ng'atuutyet eng' tisiindet, ama petei kirwooget eng' chiito ne utaat, ama petei ng'olyoot eng' maotyot. Obwa, kebire ng'elyepta, amat ongeepchi iit agot ng'olyoot agenge eng' ng'aleekyik.

JEREMIA 20:10

Amu koagas kateweerisyetap che chaang', kamuiset eng' komosta age tugul. Mwaei choronokyuk tugul che achame, che machei kotaama, kole, omwaite, si kemwaite ineendet; tamangap kigaigai, si kiterteer ineendet ak kiyaaktochinegei mugetuut.

JEREMIA 5:23

Ago tinyei pichu muguleldo ne po pistoet ak ngelelnateet, ki kobistoe ak koba.

JEREMIA 6:30

Kuuree icheek “Michikyigek che kigenendoe fedha,” amu ki koeesyo `Kamuktaindet ne Toroor icheek.

JEREMIA 7:28

Ileenjini icheek, niito pororyet ne ma epchi iit kutitap Kamuktaindet ne Toroor Kamuktaindennywa, ama taach atep ne myee. Ki kobet imanda ak kigeisto eng' kutusweekwak.

JEREMIA 9:3

Riichei ng'elyebwekwak ko uu ye riichei kwangokwak, agobo lembechek, ak kagogimegitu eng' emet, ago ma eng' imanit. Amu kong'eetyee yaityet koba yaityet, amaingeno, mwaei Kamuktaindet ne Toroor.

JEREMIA 9:4

Ingoriibegei anyun chii tugul chiitap kokwennyi, amat imang'u tupchet age tugul. Amu tilei piich let tupchet age tugul, ak kochaamsoti chiito age tugul ne po kokwet.

EZEKIEL 2:7

Mwachi icheek ng'aleekyuk, agot ngo kas anan koma kas; amu ngelelik miising'.

EZEKIEL 24:13

Agot ye ki atiliilin eng' yaityetap simdang'ung', ko ki ma itiliilage, ma kitiliilin kogeny eng' simdang'ung' kot ageesu nereegekyuk che ng'woneen eng' inyee.

ATEPTAP LAWIK 14:43

“Ngo mong' koroito kogeny kotook eng' koot, ko kagoip koik koba saang', ak ko kagong'oing'oi ineendet koot, ak ko kagemal,

ATEPTAP LAWIK 19:16

Amewe komosi ak komosi ichaamate piiguk. Ameuny ne kabar chiitap kokweng'ung'. Aa Kamuktaindet ne Toroor.

NG'ANG'UTYET 11:18

Ki nereekso pororyosyek, ak kagonyo nereeknateng'ung'. Kagoit peetuut ne kirwookyinee piik che ki kobek, ak peetuut ne kigoochinee otwogiguk maotik melekwek, ak piik che tiliileen ak icheek che iywei kaineng'ung', che mengeechen ak che eecheen; ak keng'em icheek che ng'emei ng'wony.”

NG'ANG'UTYET 19:2

amu po iman ak ko po imanda kirwoogutikyik; amu kagorwookyi chepkugoniot ne oo, ne ki imurwon ng'wony eng' soksennyi, ak kagoyaakta mugetuut ne po korotiigap otwogikyik eng' eutap kwonyooto.”