JEREMIA 6:20 - BUKUIT NE TILIIL Sireet ne Dutero Kanon

²⁰ Tilei nee che nyamdut ngeibwa eng' Sheba, anan ko tuguuk che uu mutweek che nyamdut che ki ibune emet ne loo? Ma taachaksei kagoochinoikwok che po peelset, amachame tiseiywekwok.

Bukuit Ne Tilil

²⁰ Tilei nee che nyamdut ngeibwa eng' Sheba, anan ko tuguuk che uu mutweek che nyamdut che ki ibune emet ne loo? Ma taachaksei kagoochinoikwok che po peelset, amachame tiseiywekwok.

BUKUIT NE TILIL

²⁰ Tilei nee che nyamdut ngeibwa eng’ Sheba, ak tuguk che u mutwek che nyamdut che kiibune emet ne loo? Ma taachaksei kagochinoikwok che bo beelset, amachame tiseiywekwok.

JEREMIA 6:20 Referencias Cruzadas

2 SAMUEL 15:12

Ki iyookto Absalom keguur Ahitopel Gilonindet, toretindetap Daudi eng' nganasennyi, Gilo, ye ki igoitoi tiseiywot. Kitesak chaamset, amu kitesaksei piik che namegei ak Absalom.

1 LAITORINIK 10:10

Ki igoochi anyun `kwonyooto Solomon keruutik eliphuusyek ang'wan che po thahabu, nyamdutik che ng'uu ne anyiny che chaang' miising' ak koik che po kamanuutyet ne oo: ki mata keip kogeny nyamdutik che ng'uu ne anyiny ng'iisyat che tee chooto che ki igoochi laitoryatap Sheba Laitoryat Solomon.

TIENWOGIKAL 40:6

Mebaibaitune tiseiywot ak kagoochinet, memache kagoochinet ne kibeelei ak kagoochinet ne po tengekto; ago ki iyat itiikyuk si agasin.

TIENWOGIKAL 66:3

Oleenji Kamuktaindet, Po kamuiset ne tya poisyoniguk! Iming'injiningei puuniguk amu etunatetap kimnateng'ung'.

KOMONG'U 30:23

“Inemunote tuguuk che myachen kosiir, tuguuk che uu igomoik, keruutik lo ne po kumyat, keruutik somok ne po kinamon che anyiny, keruutik somok ne po kalamus che anyiny,

KALEWANAIK 15:8

Wechei `Kamuktaindet ne Toroor tiseiywotap kiptengeginik, ago poiboenji saaetap che po iman.

KALEWANAIK 21:27

Kiit ne kiwechei korosyotap kiptengeginik, kotam nee anyun ye ibu korosyondonooto kotinyei kabwaatutik che yaach.

ISAIAH 1:11

Tilei nee eng' anee chaang'indap tiseiywekwok? Mwaei Kamuktaindet ne Toroor. Kigonyia kagoochinoik che po peelset che po mengichik, ak sunetigap tuuga che pootin; ama paibaitune korotiigap kiruugik, anan ko che po aaregap keechiir, anan ko che po kwesik.

ISAIAH 60:6

Tuchin chaang'indap tambeesik, kobooto moegap tambeesik che po Midian ak Ephah; punu tugul Sheba: ibu thahabu ak tuguuk che nyamdut, ak komwaita kalasunoigap Kamuktaindet ne Toroor.

ISAIAH 66:3

Ineendet ne parei teta ko kergei ak ineendet ne parei chiito; ineendet ne igoitoi aarwetap keechiir koek tiseiywot, ko kergei ak ineendet ne iriei kaatitap seset; ineendet ne igoitoi kagoochinetap peek ko kergei ak ineendet ne igoitoi korotiigap toret; ineendet ne peelei tuguuk che nyamdut ko kergei ak ineendet ne iberuuri kanamwet: ee, ki kolewen ortinwekwak ak kochamei saboonwekwak tuguukwak che kiwechei;

JEREMIA 14:10

Mwachin Kamuktaindet ne Toroor pichu kole; “Ki cham ko uu nooto koombenso; tomo koisto keelyekwak. Mataachei anyun anee icheek amu nooto. Ago abwaati aneendet tengektonywa, ak aityin pireet amu tengekwogikwak.”

JEREMIA 14:12

Agot ye irugutkei icheek, koma kase riirekwak, ak ye igoito kagoochinet ne kibeelei, kobooto kagoochinetap peek che ng'ootiin, ko mataache. Ago ageesu icheek eng' rotwetap chok, rubeet ak koroito.”

EZEKIEL 20:39

Ago eng' okweek, ee kootap Israel, mwaei Kiptaiyat Kamuktaindet ne Toroor ko uu ni kole: Ngot ko moepcha iit; obe anyun ak koot chii tugul kanamonikyik eng' peetuusyek che pwoonei ak icheek: ago ma omurwoni kainennyu ne tiliil kogeny eng' kagoochinoikwok, ak eng' kanamonikwok.

EZEKIEL 27:22

Chemung'arainigap Sheba ak che po Raamah ko ki chemung'arainiguk: kiyae mung'aaret tuguuk che ng'uu ne anyiny kosiir tugul, ak koik tugul che po kamanuutyet ne oo, ak thahabu.

HOSEA 8:13

Ye enyei icheek tiseiywegap kagoochinoikyuk, kogoitoi panyeek ak koamei; ago mataachei Kamuktaindet ne Toroor chooto: ibwaati anyun ineendet tengektonywa, ak koiityi pireet amu tengekwogikwak; weekyingei Misiri.

HOSEA 9:4

Ma roong'jin Kamuktaindet ne Toroor kagoochinoigap divaik, ama iboiboi ineendet: uu tiseiywekwak eng' icheek amitwogigap piik che riirtos; king'waniti icheek tugul che amei: po amitwogikwak magennywa; ma ki ibu kobwa kootap Kamuktaindet ne Toroor.

MALAKI 1:10

Kaigai onde chii ne kerei kurgotik si molaal maat eng' kaptisisyennyu puch! Ma paibai eng' okweek agot kitigin, amataache kagoochinet ne punu eunekwok, mwaei Kamuktaindet ne Toroor ne po lugoosyek.