JEREMIA 6:16 - BUKUIT NE TILIIL Sireet ne Dutero Kanon

¹⁶ Mwaei Kamuktaindet ne Toroor kole, otononie eng' ortinwek ak ogeerte, oteep ortinwek che po keny, ole mi ooreet ne myee, ak obendate nooto, si osich kamuung'et eng' saboonwekwok. Ago ki wol kole, “Ma kibendote ortinwechooto.”

Bukuit Ne Tilil

¹⁶ Mwaei Kamuktaindet ne Toroor kole, otononie eng' ortinwek ak ogeerte, oteep ortinwek che po keny, ole mi ooreet ne myee, ak obendate nooto, si osich kamuung'et eng' saboonwekwok. Ago ki wol kole, “Ma kibendote ortinwechooto.”

BUKUIT NE TILIL

¹⁶ Mwaei Jehovah ko u ni kole, Otononie eng’ ortinwek ak ogeer, ak oteeb ortinwek che bo keny, ole mi oret ne mie, ak obendate noto, si osich kamuung’et eng’ sobonwekwok: ago kile, Magibendote ortinwechoto.

JEREMIA 6:16 Referencias Cruzadas

1 LAITORINIK 8:36

igas anyun eng' kipsengwet, ak inyochi kaat otwogiguk, eng' tengektonywa ak ne po piiguk Israel, ye ineeti icheek ooreet ne myee ne nyolu kobendatee; iyookyi ropta emeng'ung', ne ki igoochi piiguk koek porotennywa.

2 ATEPTAP PEETUUSYEK 19:11

Keero, poiywok Amariah tisiindet ne oo eng' tuguuk tugul che po Kamuktaindet ne Toroor; ak koboiywok Sebadia weeriitap Ishmael, pounindetap kootap Judah eng' tuguuk tugul che po laitoryat, ak egu Lawiik kiptainik eng' taing'wong'. Oboisye eng' nyiganateet, ak kotebi Kamuktaindet ne Toroor kobooto ineendet ne yaei ne myee.”

TIENWOGIKAL 116:7

Iweekyigei kamuung'eng'ung', ee saboondanyu; amu kagoyaun Kamuktaindet ne Toroor eng' aiyebindo.

ISAIAH 2:5

Ee kootap Jakobo, obwa kebendatee lapkeiyetap Kamuktaindet ne Toroor.

ISAIAH 28:12

che ki mwachi ineendet koleenji, “Kamuung'et niito, ogoochi kamuung'et ineendet ne ng'etat; ak kasoobet niito;” ago ma cham kogas.

ISAIAH 30:21

Ak ye komaste obe eutap tai, anan ye komaste obe murot kaataam, ogas anyun ng'olyoot ne mi let eng' okweek, ne mwaei kole, “Ooreet ni, oba orani.”

ISAIAH 46:9

Obwaat tuguuk che po tai che po keny; amu aa Kamuktaindet, ama mi age; aa Kamuktaindet, ama mi age ne kegerge;

ISAIAH 57:2

Mong'jin ole mi kaalyeet; imuunyi eng' itogusyekwak, age tugul ne wendoti eng' lititindanyi.

ISAIAH 8:20

Onamge ak ng'atuutik ak paornateet! Ngot koma ng'alaal icheek koosup ng'olyoondoniito, ko amu ma mi lapkeiyet eng' icheek.

JEREMIA 12:16

Ak ngot koneetkei ko ki iljigei ooreetap piikyuk, ak koyasyo eng' kainennyu kole, “Ko uu ye sabei Kamuktaindet ne Toroor ak ko uu ye ki ineet piikyuk koyasyo eng' Baal, keteechei anyun icheek eng' kwenutap piikyuk.

JEREMIA 18:12

Ago mwaei kole, ma tilei kiy kamang'unet: amu kibendote maguutikyok, ak koyai chii tugul eng' acheek ko uu uuindap muguleldanyi ne ya.

JEREMIA 18:15

Amu kigoutyeno piikyuk, ki kobeelji nyamdutik tuguuk che ma tilei kiy; ak ki konach icheek eng' ortinwekwak, eng' ortinwek che po keny, si kobunoot ortinwek che mi taban, eng' ooreet ne ma ki yai;

JEREMIA 2:25

Amat kobetyi kweiyot keeldong'ung', anan koam melelda moktang'ung'. Ago ki imwa ile, ma tilei kiy kamang'unet. Amu ki acham toek ak asubi icheek.

JEREMIA 22:21

Ki ang'alaalun eng' peetuusyegap poroteng'ung'; ago ki imwa ile, “Ma kase.” Ki koek piteeng'ung' niito kobooch ming'inateng'ung', ile, megase iit kutinnyu.

JEREMIA 31:21

Lumjige kaboorunoik che po ooreet, yachigei keetiik che ibooru ooreet: tokyi muguleldang'ung' ooreet ne oo, nooto ooreet ne ki ibune: weege kogeny, ee pergeiyatap Israel, weekyigei nganasochuguk.

JEREMIA 42:3

si kobiit koboorwech Kamuktaindet ne Toroor Kamuktaindeng'ung' ooreet ne kanyool kebendatee, ak kiit ne kanyool keyai.

JEREMIA 44:16

Ma kigasun ng'olyoondonooto kemwaiwech eng' kainetap Kamuktaindet ne Toroor.

JEREMIA 50:5

Teeboti agobo ole teptoi Zion kotokyigei olooto, koleen, Obwa, ak onamge ak Kamuktaindet ne Toroor eng' kayomiset ne po koigeny ne ma kiutye.

JEREMIA 7:23

Ago ki ang'at icheek agobo ng'olyoondoni aleenji, ogas kutinnyu, si aek Kamuktaindeng'wong', ak oegu piikyuk. Obendate ooreet tugul ne ang'atook, si kobiit komyeeit eng' okweek.

JEREMIA 7:24

Ago ma kas, ama ep iit, ago kibendatee kirwoogutikwak ak uuindap mugulelwekwak che yaacheen. Kituitui koba let, ma pa tai.

JEREMIA 7:3

Mwaei Kamuktaindet ne Toroor ne po lugoosyek, Kamuktaindetap Israel kole: Olitit ortinwekwok ak poisyonikwok, si agoonok omeny yuto.

MALAKI 4:4

“Obwaat Ng'atuutyetap otwogindennyu Musa ne ki ang'at eng' Horeb, agoochi ng'atuutik ak kirwoogutik agobo Israel komugul.

LUKA 16:29

Ak ki leenji Abraham, “Tinyei icheek Musa ak maotik; ingogas icheek.”

JOHANA 12:35

Koleenji Jeso anyun, “Ta komi lapkeiyet eng' kwenung'wong' eng' peetuusyek che matya. Obendoti ye ta otinye lapkeiyet, si ma namak mesundeito: ak ineendet ne wendoti eng' mesundeito koma naei ole wendi.

JOHANA 13:17

Ngo nai tuguuchu, ko oboiboi ngo yai.

JOHANA 5:39

Cham osyachi eng' siruutik, amu oleen otinye saboondap koigeny eng' chooto; ago chooto che paoryanjino;

POISYONIGAP CHE KIYOKTOI 17:11

Ak ki myachen pichu kosiir chooto po Thessalonike, amu kitaach ng'olyoot ak kocham miising' ak kosyachi siruutik peetuut age tugul, si kobiit konai ngo iman tuguuchu.

ROMANIK 4:12

ak koek kwandap che imuratanotiin eng' icheek che ma po kamuratanet kityo, ago che pendi ak icheek eng' tyegutigap kayanonooto po kwandanyo Abraham ne ki tinyei ye kitom kimuratan.

NG'ATUTIK 32:7

Ibwaat peetuusyek che po keny, ak iruchi kenyiisyegap ibinwegap tai. Teebe kwandang'ung' si koboorun. Teebe poisyeguk si komwaun.

KOLOSAIK 2:6

Ko uu ye ki otaach anyun Kristo Jeso Kiptaiyat, obendate eng' ineendet,

HEBRANIK 11:2

Amu ki kibaoryanjine nooto poisyek.

HEBRANIK 6:12

si mouuegitu, ago oyaniegei icheek che nyooru arorutik eng' kayaneet ak muitaet.

KIRUOGIK 2:17

Nga no, koma kas iit icheek kirwoogikwak kora. Ki isubot kamuktaik alak koibotkei ak kong'uruuk eng' tainnywa. Kimasta kochaakta kobagaakta ooreet ne kibunei kwanisyekwak, che kigase iit ng'atuutigap Kamuktaindet ne Toroor; ma yai icheeget ko uu nooto.