JEREMIA 6:13 - BUKUIT NE TILIIL Sireet ne Dutero Kanon

¹³ Amu kobooch ne ming'in agoi ne oo eng' icheek, ko tinyei age tugul keyandiit, ak kobooch maotyot agoi tisiindet, ko yaei kaberberisyet age tugul.

Bukuit Ne Tilil

¹³ Amu kobooch ne ming'in agoi ne oo eng' icheek, ko tinyei age tugul keyandiit, ak kobooch maotyot agoi tisiindet, ko yaei kaberberisyet age tugul.

BUKUIT NE TILIL

¹³ Amu koboch ne ming’in agoi ne o eng’ ichek, kotinyei age tugul kasetab miat; ak yaei age tugul kaberberisiet koboch maotiot agoi tisiindet.

JEREMIA 6:13 Referencias Cruzadas

ISAIAH 28:7

Ago ki kochiliil chuuto ak icheek amu divaik, ak ki komaasta amu maiyek; ki kochiliil tisiindet ak maotyot amu maiyek, ki komaaluuch divaik icheek, ki komaasta amu maiyek; ichiliili eng' ng'ang'utyet, ibutos eng' kirwooget.

ISAIAH 57:17

Amu ki anereech agobo tengektap kasennyi ne po myat, ak abir ineendet, ki auny togeennyu ak anereech: ak kites komaasak eng' ooreetap muguleldanyi.

JEREMIA 14:18

Ngot ale awo mbar, ageere che ki kebare rotwetap chok! Ak ngot ale awo nganaseet, ageere ale miitei che nyaluldos amu rubeet! Amu pendoti eng' emet maotik ak tisiik ama tinyei naet.”

JEREMIA 17:11

Ko uu taiywet ne igeenyi aarek che ma chechiik, uu nooto ne nyooru mogornatosyek ama eng' iman; petos kota kosabei ineendet, ak koek ineendet eng' kagesunennyi chiito ne perber.

JEREMIA 2:26

Ko uu ye ililani choriindet ko kaginyoor, ko uu nooto ililani kootap Israel. Ililoni icheeget, laitorinikwak ak pounikwak, tisiikwak ak maotikwak,

JEREMIA 2:29

Amu nee si ogaigaa? Ki ongelelja okweek tugul, mwaei Kamuktaindet ne Toroor.

JEREMIA 2:8

Ma teep tisiik kole, mi ano Kamuktaindet ne Toroor?” Ma naa icheek che tinyei ng'atuutik. Ki ingelelja pounik ak icheek, ak ki maotensee maotik Baal, ak kobendatee tuguuk che ma ki nyoorunee kelunet.

JEREMIA 22:17

Ago matokyingei konyeguk ak muguleldang'ung' kiy age kobatee tuguugap ng'wen, ak tumdaetap korotiik che ma tinyei tengek, ak sastaet, ak koroomnateet, koyai chooto.

JEREMIA 23:10

Amu nyiitaat emet piik che yaei ibeetapkei; amu riirei emet amu kayasyoet; ki koyaam ole agete akwotisyek eng' surkwen; ya pandanywa, ak ma po iman kimnateennywa.

JEREMIA 23:11

Amu murwoon maotyot ak tisiindet; ee, ki anyoorchi koonnyu yaityennywa, mwaei Kamuktaindet ne Toroor.

JEREMIA 27:15

Amu ma ayoogu icheek, mwaei Kamuktaindet ne Toroor, ago maoteni lembechek eng' kainennyu kole si aoonak, ak olusye, okweek ak maotik che maotenwok.

JEREMIA 32:32

amu yaityet tugul ne po piigap Israel ak ne po lagogap Judah, che ki koyai kotagena anereech, icheek, laitorinikwak, pounikwak, tisiikwak, ak maotikwak, ak piigap Judah, ak piik che menyei Jerusalem.

JEREMIA 42:1

Ki riik anyun kiptainik tugul che po lugoosyek, ak Johanan weeriitap Karea, ak Jesania weeriitap Hosaia, ak piik tugul kong'etee ne ming'in agoi ne oo,

JEREMIA 5:31

Maoteni maotik lembeita, ak pou tisiik ko uu mageetap maotinwekwak, ak chamei piikyuk koteep ko uu nooto. Ago oyae nee anyun eng' kagesunetap tuguuchuuto?

JEREMIA 8:10

Agoochini anyun piik alak osotikwak, ak agoochi mbareenikwak piik che namei kobunji, amu kobooch ne ming'in agoi ne oo, kotinyei age tugul kasetap myat, ak yaei age tugul kaberberisyet kobooch maotyot agoi tisiindet.

RIREKAB JEREMIA 4:13

Ki piit ko uu niito amu tengekwogigap maotikyik, ak yaitwogigap tisiikyik, che kitumda korotiigap piik che po iman eng' kwenunnyi.

EZEKIEL 22:12

Kigotaach icheek eng' inyee asoya si kotumda korotiik; ki ip kelunet ne siirtoot ak che tesatiin, ak ki inyooru poroteet eng' keiyandit amu ki isastae piigap kokweng'ung', ak ki iutyeno, mwaei Kiptaiyat Kamuktaindet ne Toroor.

EZEKIEL 33:31

Ak kobwonjin ko uu ye pwoonei piik, ak kotep ng'wony eng' taing'ung' ko uu piikyuk, ak kogas icheek ng'aleeguk, ago ma yaei: amu iboortoi chamyet ne oo eng' ng'aleekwak, ago isubi mugulelwekwak kelunennywa.

MIKAH 3:11

Irwoochi kandoik amu tuguuk che kigoigoisye ak ineetisyei tisiik amu melekto, ak kong'orsei maotikyik amu silingisyek: nganda uu nooto kotiegei Kamuktaindet ne Toroor ak koleen, Tos ma mi Kamuktaindet ne Toroor kwenunnyo? Ma mi yaityet ne nyoonjinech.

MIKAH 3:5

Mwaei Kamuktaindet ne Toroor ko uu ni agobo maotik che igoochin piikyuk ko leel; kowaaktos koleen, kaalyeet, ye tinyei icheek kiy ne amei, yeityo koyai lugeet koyachi che ma tinyei kiy ne indoi kuut.

LUKA 16:14

Ak ki kas Pharisaik tuguuchuuto tugul. Ki chamei silingisyek icheeget, ak kororechi ineendet.

1 TIMOTEO 3:3

ne ma kimaiya, ne ma pirisyei; ago ne tala, ne ma chii ne po pooryot, ne ma chamei silingisyek;

2 PETERO 2:1

Ago ki piit maotik che po lembech ak icheek eng' kwenutap piik, ko uu ye ta kobiitu agine eng' kwenung'wong' kaneetigap lembech, che ibu eng' ung'oot pcheutigap ng'emisyet, koesyoi agot Kiptaiyat ne ki al icheek, kochokyin koipchingei ng'emisyet.

2 PETERO 2:3

Ak kocheeng'jingei poroteet eng' okweek eng' ng'aleegap ng'aalseet amu kasennywa ne po myat: che ma igaegei kirwoogennywa kobooch keny, ama ruei ng'emisyennywa.