JEREMIA 52:6 - BUKUIT NE TILIIL Sireet ne Dutero Kanon

⁶ King'wanit rubeet eng' nganasanooto eng' arawetap ang'wan eng' peetuutap sogool ne po arawanooto, ne ki ma komi amitwogik che amei piik eng' emet.

Bukuit Ne Tilil

⁶ King'wanit rubeet eng' nganasanooto eng' arawetap ang'wan eng' peetuutap sogool ne po arawanooto, ne ki ma komi amitwogik che amei piik eng' emet.

BUKUIT NE TILIL

⁶ King’wanit rubet eng’ nganasanato eng’ arawetab ang’wan eng’ betutab sogol ne bo arawanato, ne kima komi amitwogik che amei bik eng’ emet.

JEREMIA 52:6 Referencias Cruzadas

2 LAITORINIK 25:3

King'wanit rubeet eng' nganaseet eng' peetuutap sogool ne po arawetap ang'wan, ak ki ma komi amitwogik che amei piik eng' emet.

ISAIAH 3:1

Ogeer anyuno, istoi Kiptaiyat, Kamuktaindet ne Toroor ne po lugoosyek, eng' Jerusalem ak Judah, tiyeiywot ak tuguuk che kimang'u, kobooto amitwogik tugul ak peek tugul,

JEREMIA 15:2

Ak ngo teebenen koleenjin, kibendi ano? Imwachi anyun ileenji, mwaei Kamuktaindet ne Toroor kole, Che po meet, kobendi meet, che po rotwetap chok, kobendi rotwetap chok, che po rubeet, kobendi rubeet, ak che po luuleet, kobendi luuleet.

JEREMIA 19:9

Ak agoochi icheek koam panyeegap weeriikwak ak tiibiikwak, ak koam age tugul eng' icheek panyeegap chorwennyi, eng' yiemetap kabookyinet ak eng' pichiindo, ne inyaliile puunikwak icheek, ak che cheeng'ei saboonwekwak.

JEREMIA 21:9

Ineendet ne tebee nganasani, kebarei eng' rotwetap chok ak eng' rubeet, ak eng' koroito: ago sabei ineendet ne mandoi, ak komut ineendet Kaldeik che yiemok, ak koek sabeennyi ne kiluulei.

JEREMIA 25:10

Ak aistoe icheek anyun tuugeetap poiboiyet, ak ne po kaagaasetapkei, ne po sandet ak ne po murereet, kobooto cheetap koitap pai, ak lapkeiyetap tait.

JEREMIA 37:21

Ki ng'at anyun Zedekiah laitoryat, ak ki kimut Jeremiah kwo seremutap riibiik, ak ki kigoochin magatyat eng' peetuut age tugul kobunu ooreetap piik che peelei magatiinik, agoi kogeskei magatiinik tugul eng' nganaseet. Ki tebi anyun Jeremiah ko uu nooto eng' seremutap riibiik.

JEREMIA 38:9

kiptaiyandennyu laitoryat, kogoyai pichu yaityet eng' tuguuk tugul che kogoyachi maotyot Jeremiah, ne kogotoorchi keriinget; ak imuuchi kome eng' rubeet eng' ole mi: amu ma komi magatiinik eng' nganaseet.

JEREMIA 39:2

ki kibut nganasanooto eng' kenyiitap taman ak agenge ne po Zedekiah, eng' arawet ne po ang'wan, eng' peetuutap sogool ne po arawanooto:)

RIREKAB JEREMIA 1:11

Tigendos piikyik tugul ye cheeng'ei amitwogik; ki kogoito tuguukwak che korooron si konyoorunee amitwogik che isoobi saboondo: Keero, ee Kamuktaindet ne Toroor, ak ibwaat; amu kaaegu ne kisasei.

RIREKAB JEREMIA 5:10

Laldos irireenikyok ko uu ole kilaali amu rubeet ne lalei ne po iljet.

EZEKIEL 14:13

Ee weeriitap chii, ye yaiywo emet tengekto eng' pistoet, ak atokyi eunnyu emonooto, ak atil amitwogikyik, ak ayookyi rubeet, ak abar chii ak tyony;

EZEKIEL 14:21

Amu mwaei Kiptaiyat Kamuktaindet ne Toroor kole: Kotam nee anyun ye ayookyi Jerusalem kirwoogutikyuk ang'wan che ng'woneen; rotwetap chok, ak rubeet, ak tyong'ik che yaacheen, ak koroito, si kobar chii ak tyony?

EZEKIEL 31:1

Ki nyoonjo ng'olyootap Kamuktaindet ne Toroor eng' kenyiit ne po taman ak agenge, eng' arawetap somok, eng' peetuutap tai ne po arawanooto, koleenjo,

EZEKIEL 5:16

ye amwoge icheek kipchabonik che yaacheen che po rubeet, che po ng'emisyet, che ayoogu kong'emak, ak ateswok rubeet, ak atile amitwogikwok.

EZEKIEL 7:15

Mi saang' rotwetap chok, komi oriit koroito, ak rubeet: ineendet ne mi mbar komeei eng' rotwetap chok; ak ineendet ne mi nganaseet, koamei rubeet ineendet ak koroito.

ATEPTAP LAWIK 26:26

Ye atil amitwogikwok kong'ering'itu, kobeel anyun kobogorisyek tamanu amitwogikwok eng' kapkoimaut agenge, ak kebimanwak amitwogikwok eng' ratilit. Oamisyei amobiyonyi.

SEKARIA 8:19

“Mwaei Kamuktaindet ne Toroor ne po lugoosyek kole: Egu eng' kootap Judah poiboiyet ak kaagaasetapkei, ak igoorwegap poiboiyet, karugutetapkei ne po arawetap ang'wan, ak ne po arawetap muut, ak ne po arawetap tisap, ak ne po arawetap taman; ocham anyun imanit ak kaalyeet.”

NG'ATUTIK 32:24

Sagitos eng' rubeet, Kibeelei eng' maat ne koroom, ak ng'emisyet ne ng'waan. Ayookyini kelegap tyong'ik, kobooto ng'wonetap che ichuutegei ng'wony che po temburyek.