JEREMIA 51:53 - BUKUIT NE TILIIL Sireet ne Dutero Kanon

⁵³ Agot nda togosta Babilon agoi kipsengwet, ak agot nda ng'oot toroorindap kimnateennyi, ko ui tugul kobunnywa piik che luulei ineendet, mwaei Kamuktaindet ne Toroor.

Bukuit Ne Tilil

⁵³ Agot nda togosta Babilon agoi kipsengwet, ak agot nda ng'oot toroorindap kimnateennyi, ko ui tugul kobunnywa piik che luulei ineendet, mwaei Kamuktaindet ne Toroor.

BUKUIT NE TILIL

⁵³ Agot nda togosta Babulon agoi kipsengwet, ak agot nda ng’ot tororindab kimnatennyi, ko ui tugul kobunwa bik che luulei inendet, mwaei Jehovah.

JEREMIA 51:53 Referencias Cruzadas

TAUNET 11:4

Yeityo komwachigei kole, “Obwa keteekyigei nganaseet ak keteech koot ne kooi ne togostoi parak, ne itei kimonjogunnyi parak kipsengwet, si keyaigei keegu che taagunotiin, si mata keyeste eng' ng'wony komugul.”

Kitabuutap JOB 20:6

Agot ngo togosta etunatennyi kipsengwet, ak koit metinnyi poolik,

ISAIAH 13:17

Ogeero, ang'eeti Medik koba kobargei ak icheek, che ma iiti fedha kole kiy, ama poiboitune icheek thahabu.

ISAIAH 41:25

Koang'eet age ne punu murot kaataam, ak kagoit; punu ineendet ne kuure kainennyu ole chorunei asiista: ak nyoonjin pounik ko uu ye nyoonjin meneet, ak ko uu cheptereniot ne tyechei meneet.

ISAIAH 47:5

Tebi eng' siisek, ak iwe mesundeito, ee cheptap Kaldeik: amu ma keguurenen kogeny Chebyosetap laitornatosyek.

ISAIAH 47:7

Ak ki imwa ile, Aegu chebyoset agoi; kot ko mata inde tuguuchuuto muguleldang'ung', amata ibwaat kagesunennywa.

JEREMIA 49:16

Ago ki koberberin menoteetap muguleldang'ung', amu kamuiseng'ung', ee inyee ne imenye ole kibetak eng' rwandet, ne iname walitap tulweet: nganda iteeche kesweng'ung' eng' parak ko uu kipsiichit, arorogun eng' olooto, mwaei Kamuktaindet ne Toroor.

JEREMIA 50:21

Togoste emetap Merataim, obargei, obargei ak nganasanooto, ak piik che menyei Pekod: par ak ing'em igeesu iyotennywa, mwaei Kamuktaindet ne Toroor, ak iyai ko uu tugul che kaang'atiin.

JEREMIA 50:25

Kogoyat Kamuktaindet ne Toroor ole konoree kariikyik che po lugeet, ak kogonem kariigap nereegekyik: amu tinyei Kiptaiyat Kamuktaindet ne Toroor ne po lugoosyek, poisyet ne yaei eng' emetap Kaldeik.

JEREMIA 50:45

Ogas anyun kirwoogetap Kamuktaindet ne Toroor, ne ki koyachi Babilon; ak chobutikyik che ki kochop agobo emetap Kaldeik: ichuuti icheek iman, agot che mengeechen che po akweetap keechiirek; yaei iman meng'ootennywa koek karaatya agobo icheek.

JEREMIA 51:11

Olit kipchabonik; onam long'onik komyee: kagong'eet Kamuktaindet ne Toroor mugulelwegap laitorinigap Medik; amu chobennyi ko kogirinda Babilon, kong'em: amu yaaktaetap mugetuut ne po Kamuktaindet ne Toroor, yaaktaetap mugetuut ne po hekalunnyi.

JEREMIA 51:25

Keero, aboryenen, ee inyee tulweet ne ing'emisyei, mwaei Kamuktaindet ne Toroor, ne ng'emei ng'wony komugul: ak achuul eunnyu atokyin, ak amilden eng' rwandosyek, ak ayain iegu tulweet ne ki kolal.

JEREMIA 51:48

Yeityo kotyen eng' poiboiyet kipsengwet ak ng'wony, ak tugul che mi olooto, agobo Babilon; amu pwoonei piik che luulei ineendet kobunu murot kaataam, mwaei Kamuktaindet ne Toroor.

JEREMIA 51:56

amu kagonyonji ineendet luulindet, kagonyonji Babilon ak kagenam murenikyik che nyigoonen, kagetonaton kwangokwak: amu Kamuktaindet ne Toroor ko Kamuktaindet ne po yaaktaetap mugetuut, yaaktoi iman mugetuut.

JEREMIA 51:58

Mwaei Kamuktaindet ne Toroor ne po lugoosyek kole: Kigabui irimoik che tebeesen che po Babilon kigeesu, ak kebeel ormariichokyik che kooen; ak kobirtogei piik puch, ak kobirtogei pororyosyek amu maat; ak kong'eetyo.

AMOS 9:2

Agot ngo pal agoi ye mi che ki kobek, konemu eunnyu eng' olooto; agot ngo togosta kipsengwet, achooru eng' olooto.

AMOS 9:4

Agot ngo luul puunikwak, ang'ate rotwetap chok eng' olooto, si kobar icheek; ak atokyigei icheek aipchi yaityet, ma ipchini kiit ne myee.

HABAKUK 2:9

Pwo ineendet ne taachei kelunet ne ya agobo koonnyi, si kobiit koteech keswennyi eng' ole toroor, si kobiit kesar eng' eutap yaityet!