JEREMIA 51:5 - BUKUIT NE TILIIL Sireet ne Dutero Kanon

⁵ Amu ma kimetoi Israel, anan Judah, ma metoi icheek Kamuktaindennywa, Kamuktaindet ne Toroor ne po lugoosyek; nganda nyiitaat emennywa ng'oogisto ne ki yachi Ineendet ne Tiliil ne po Israel.

Bukuit Ne Tilil

⁵ Amu ma kimetoi Israel, anan Judah, ma metoi icheek Kamuktaindennywa, Kamuktaindet ne Toroor ne po lugoosyek; nganda nyiitaat emennywa ng'oogisto ne ki yachi Ineendet ne Tiliil ne po Israel.

BUKUIT NE TILIL

⁵ Amu magimetoi Israel, anan Juda, mametoi ichek Kamuktaindenywa, Jehovah ne bo lugosiek; nganda nyiitat emenywa ng’ogisto ne kiyachi Inendet ne Tilil ne bo Israel.

JEREMIA 51:5 Referencias Cruzadas

1 LAITORINIK 6:13

Ak amenye kwenutap piigap Israel, amametoi piikyuk Israel.”

2 LAITORINIK 21:16

Kitumda kogeny Manasseh korotiik che chaang' kot, che ma tinyei tengek, kot konyiit Jerusalem kong'etee komosta age agoi komosta age; kobooto tengektanyi ne ki ibeete Judah si koyai tengekto, eng' yaityet ne ki yai eng' taitap Kamuktaindet ne Toroor.

EZRAH 9:9

Nga ki otwogik, koma pagakyech Kamuktaindennyo otwoknatennyo, ago ki ityech rireenet eng' taitap laitorinigap Persia, si kogoonech kasoobet, si kelumda kootap Kamuktaindennyo ak keteech ole Ki kong'emak eng' koyooto ak kegoonech irimeet eng' Judah ak Jerusalem.”

TIENWOGIKAL 94:14

Amu ma toortai `Kamuktaindet ne Toroor piikyik, Ama metoi porotennyi.

ISAIAH 44:21

Ibwaat tuguuchuuto, ee Jakobo, ak Israel; amu ii otwogindennyu: ki ayain; ii otwogindennyu: ee Israel, mautyenen.

ISAIAH 51:15

Amu aa Kamuktaindet ne Toroor Kamuktaindeng'ung', ne awase nyanjet, si komoror mildaetapkei ne po peek: kainennyi ko Kamuktaindet ne Toroor ne po lugoosyek.

ISAIAH 62:12

Ak koguure icheek, Piik che tiliileen, Che ki kotyach Kamuktaindet ne Toroor: ak keguurenen, Ne Ki kicheeng', Nganaseet ne ma kimeto.

JEREMIA 14:19

Tos ki ieesye Judah iman? Tos kigowech saboondang'ung' Zion? Amu nee si ibirech, ama mi kasoobet eng' acheek? Ki kigen kaalyeet, ago ma nyo kiy ne myee; ki kigen peetuutap kasoobet ak keero, ki piit arageneet!

JEREMIA 14:9

Amu nee si iige chii ne kakwong', kalya iige chii ne kiim, ne ma imuuch kosaruunis? Ago inyee, ee Kamuktaindet ne Toroor, imi kwenunnyo ak kimwaitaenech kaineng'ung'; amemetech.

JEREMIA 16:18

Ak ayaaktochini korook yaityennywa ak tengektonywa konyil aeng'; amu ki kong'wanit icheek emennyu eng' muuswegap tuguukwak che samis, ak kigonyiit porotennyu tuguukwak che kiwechei.

JEREMIA 19:4

Amu ki kometa icheek, ki koyai yuto koek ole ma kinaei, ak ki kobeelji eng' yuto, nyamdutik, kanamonik che teer, che ki ma kongen, icheeget ak kwanisyekwak ak laitorinigap Judah; ak kigonyiit olito korotiigap che ma tinyei tengek;

JEREMIA 23:15

Mwaei anyun Kamuktaindet ne Toroor ne po lugoosyek agobo maotik kole: Ogeero, abae icheek ng'wonet, ak agoochi peek koe: amu ki koyom emet tugul murwoonindap maotigap Jerusalem.

JEREMIA 31:37

Mwaei Kamuktaindet ne Toroor kole, nda kimuuchi kikwa kipsengwet, ak kisyach lumeiywegap ng'wony oriit, aiste anyun agine iyoteet tugul ne po Israel amu tuguuk tugul che ki koyai, mwaei Kamuktaindet ne Toroor.

JEREMIA 46:28

Meiywei, ee Jakobo otwogindennyu, mwaei Kamuktaindet ne Toroor; amu ami kobooten: amu ageesu pororyosyek tugul che kigaonjin, ago magesun; ago atigoonin eng' kirwooget, amabagaaktoin ama kibirin.

JEREMIA 50:20

Ki cheeng'ei tengektap Israel eng' peetuusyechooto ak eng' kenyisyechooto, mwaei Kamuktaindet ne Toroor, ama kinyooru; ak ki cheeng'ei tengekwogigap Judah, ama kinyooru: amu anyochini kaat icheek che abagaaktoi kong'et.

JEREMIA 51:19

Ma uu chuuto kebebertap Jakobo; amu po tai ineendet eng' tuguuk tugul; ak Israel ko pororyetap porotennyi: kainennyi ko Kamuktaindet ne Toroor ne po lugoosyek.

EZEKIEL 8:17

Yeityo koleenjo, Kaigeer niito o, weeriitap chii? Tos kiy ne ming'in eng' kootap Judah ngo yai icheek eng' olito tuguuk che kiwechei? Amu kigonyiit emet koroomnateet, ak ki kowelelgei kogeny kotacha: ak keero, indoi temetap keetit seruunekwak.

EZEKIEL 9:9

Koleenjo anyun, Oo kot tengektap kootap Israel ak ne po Judah, kanyi emoni korotiik, ak kanyi nganasani kamaaset ne po kirwoogutik: amu mwaei kole ki kometo Kamuktaindet ne Toroor emoni, ama keerei Kamuktaindet ne Toroor.

HOSEA 1:10

Ago tenitu piigap Israel ng'aniegap nyanja che ma kimuuchi kirogendoe kiy anan kiit; ak eng' ole ki kimwachine icheeget keele, “Ma oo piikyuk”, ko tuun ki leenjin, “Oo weeriigap Kamuktaindet ne sabei.”

HOSEA 2:1

Omwachi ng'eetap kametwagikwok oleenji “Piikyuk,” ak omwachi chepkametwagikwok oleenji, “Che ki kiriiree.”

HOSEA 2:3

Ngo ma noo, aregunee ngoroikyik ak amete kotebi aach ngor ko uu peetuut ne ki kisichei, ak ayai ineendet koigeit surkwen, ak agoochi ineendet koigei emet ne yaamaat, ak abare melelda.

HOSEA 4:1

Ogas ng'olyootap Kamuktaindet ne Toroor, okweek piigap Israel; amu ting'ee Kamuktaindet ne Toroor ng'olyoot piik che menyei emet. Ma miitei imanit anan rireenet, ak ma mi naet ne po Kamuktaindet eng' emet.

HOSEA 4:2

Ma mi kiit age kobatee chubisyet, lembechek ak rumisyet, choorseet ak ibeetapkei, tesoksei ak isubegei rumisyet.

MIKAH 7:18

Ng'oo Kamuktaindet ne uu inyee, ne nyochin kaat piik amu tengekto, ak kosiirtoe pistoetap piik che ki ng'et che po porotennyi? Mateptoi nereegekyik agoi, amu paibaitune rireenet.

MIKAH 7:20

Iyachini Jakobo imanit, ak iyachi Abraham rireenet, che kigeyosyechi kwanisyekyok eng' peetuusyek che po keny.

SEKARIA 12:6

Ayae eng' peetuunooto pounigap Judah koigei rokyietap maat ne mi kweenik, ak koigei kegenget ne mi kwenutap ratuutigap peek; ak kogees piik tugul che mi komoswek tugul che mi eutap tai ak che mi murot kaataam: ak komeny Jerusalem kogeny komostanyi, nooto ko Jerusalem.

SEKARIA 12:8

Riibei Kamuktaindet ne Toroor eng' peetuunooto piik che menyei Jerusalem; ak koigei ne nyalulat eng' icheek Daudi eng' peetuunooto; ak koigei kootap Daudi Kamuktaindet, ko uu malaikaiyatap Kamuktaindet ne Toroor ne mi tainnywa.

SEKARIA 2:12

Ak konam Kamuktaindet ne Toroor Judah koek kebebertanyi eng' emet ne tiliil, ak kolewen kogeny Jerusalem.

1 SAMUEL 12:22

Kosupkei ak kainennyi ne oo, koma pagaaktoi `Kamuktaindet ne Toroor piikyik amu ki cham ineendet koyaak oegu piikyik.