JEREMIA 51:27 - BUKUIT NE TILIIL Sireet ne Dutero Kanon

²⁷ Onamji parak songolyet eng' emet, oguut iryageet eng' pororyosyek, ochop pororyosyek kobargei ak ineendet, oguur pounatosyegap Ararat, ak che po Mini ak che po Ashkenas, kobargei ak ineendet: olewen kiptaiyat ne paregei ak ineendet; ogetu paraisisyek che uu tinapchet.

Bukuit Ne Tilil

²⁷ Onamji parak songolyet eng' emet, oguut iryageet eng' pororyosyek, ochop pororyosyek kobargei ak ineendet, oguur pounatosyegap Ararat, ak che po Mini ak che po Ashkenas, kobargei ak ineendet: olewen kiptaiyat ne paregei ak ineendet; ogetu paraisisyek che uu tinapchet.

BUKUIT NE TILIL

²⁷ Onamji barak songoliet eng’ emet, oguut iriaget eng’ bororiosiek, ochob bororiosiek kobargei ak inendet, oguur bounatosiekab Ararat, ak che bo Mini ak che bo Askenas, kobargei ak inendet: olewen kiptaiyat ne baregei ak inendet; ogetu mbartanyisiek che u tinapchet.

JEREMIA 51:27 Referencias Cruzadas

TAUNET 10:3

Weeriigap Gomer ko; Ashkenas, Riphath ak Togarmah.

TAUNET 8:4

Ki tonon moinget eng' arawetap tisap, peetuut ne po taman ak tisap eng' tuloonoogap Ararat.

2 LAITORINIK 19:37

Ak ye kita kosaaei eng' kootap Nisrok kanamwennyi, kobar ineendet Adramelek ak Sareser eng' rotwetap chok, ak ki mwei koba emetap Ararat. Ak ki laitoran Esarhaddon weeriinnyi kogeer ineendet.

1 ATEPTAP PEETUUSYEK 1:6

Weeriigap Gomer ko: Ashkenas, Diphat ak Togarmah.

ISAIAH 18:3

Okweek tugul che omenye ng'wony, ak okweek che omenye emet, ye kinamjin parak songolyet eng' tuloonook, ogeer! Ye kiguutei iryageet, oep iit!”

ISAIAH 37:38

Ak ye kita kosaaei eng' kootap Nisrok kanamwennyi, kobar ineendet weeriikyik Adramelek ak Sareser eng' rotwetap chok: ak komwei koba emetap Ararat. Ak ki laitoran Esarhaddon weeriinnyi kogeer ineendet.

JEREMIA 25:14

Amu yaei pororyosyek che chaang' ak laitorinik che eecheen icheek koek otwogikwak, koot icheek: ak ayaakyi icheek ko uu poisyonikwak, ko uu poisyonigap eunekwak.

JEREMIA 46:23

Iluuli osnennyi, mwaei Kamuktaindet ne Toroor, agot ngo ma kimuuchi kisyach; amu chaang' kosiir chereng'enyinik, ama iitoksei.

JEREMIA 50:2

Omwaite eng' pororyosyek ak obarte, ak onamji parak songolyet; obarte, amouny: ole, Kageluul Babilon, kagigoochi Bel kolilaan, kagoaragen Merodak; kagigoochi kanamonikyik kolilaanso, kagoaragenso kanamonikyik.

JEREMIA 50:3

Amu nyoonei pororyet eng' murot kaataam kobookyin, ne yaei emennyi koek karaatya, ama menyei chii olooto: kagomwei, kagoba tugul, chii ak tyony.

JEREMIA 50:9

Amu, ogeero, ang'eeti tuiyetap pororyosyek che eecheen che punu emetap murot kaataam kobookyi Babilon: ak kotet lugeet kotokyigei emonooto; kiluulei eng' olooto: uu kipchabonikwak che po chiito ne nyigan, ne mwogindet; ma mi ne weeksei puch.

JEREMIA 51:12

Onamji parak songolyet, otokyi irimoigap Babilon, ogimiit riipseet, onde riibiik, ochop piik che sapchin: amu kagochop Kamuktaindet ne Toroor ak koyai kiit ne ki mwa agobo piik che menyei Babilon.

JEREMIA 51:14

Kagoyosyechigei Kamuktaindet ne Toroor ne po lugoosyek, kole, anyiitin iman piik, che tee tinapchet; ak kowaagenen icheek.

JEREMIA 51:28

Ochop pororyosyek kobargei ak ineendet, laitorinigap Medik, pounikyik, ak kiptainikyik tugul, kobooto emet tugul ne po pounatennyi.

JEREMIA 6:1

Omwei osaruge, okweek lagogap Benjamin, omong'u eng' Jerusalem ak oguut iryageet eng' Tekoa; onamji parak kitap kaboorunet eng' Beth-hakerem. Amu itu yaityet eng' murot kaataam ak ng'emisyet ne oo.

JOEL 3:9

Omwaite ng'olyoondoni eng' pororyosyek; ochop lugeet: oong'et piik che nyigoonen; ingorik murenik tugul che po lugeet, ingotogos.

AMOS 3:6

Tos kiguutei iryageet eng' nganaseet, ama iyweis piik? Tos nyoonjin yaityet nganaseet, ama iyookyi Kamuktaindet ne Toroor?

SEKARIA 14:2

Amu tuun ayumi pororyosyek tugul kobookyi Jerusalem kobargei; ak kenam nganaseet ak keluul kooriik, ak kesuup kwonyiik: ak kimut kebebertap nganaseet koek luulenik, ama ki parei piik che kang'et eng' nganaseet.

KIRUOGIK 6:5

Amu ki pwa kotogos ak tuukwak ak emaisyekwak, ak ki mong' ko uu chereng'enyinik eng' chaang'indo; ki ma ko iitoksei icheek ak tambeesikwak; ak ki pwa kong'em emet.