JEREMIA 51:25 - BUKUIT NE TILIIL Sireet ne Dutero Kanon

²⁵ Keero, aboryenen, ee inyee tulweet ne ing'emisyei, mwaei Kamuktaindet ne Toroor, ne ng'emei ng'wony komugul: ak achuul eunnyu atokyin, ak amilden eng' rwandosyek, ak ayain iegu tulweet ne ki kolal.

Bukuit Ne Tilil

²⁵ Keero, aboryenen, ee inyee tulweet ne ing'emisyei, mwaei Kamuktaindet ne Toroor, ne ng'emei ng'wony komugul: ak achuul eunnyu atokyin, ak amilden eng' rwandosyek, ak ayain iegu tulweet ne ki kolal.

BUKUIT NE TILIL

²⁵ Keero, aborienen, ee inye tulwet ne ing’emisiei, mwaei Jehovah, ne ng’emei ng’ony komugul: ak achuul eunnyu atokyin, ak amilden eng’ ruandosiek, ak ayain iegu tulwet ne kigolal.

JEREMIA 51:25 Referencias Cruzadas

TAUNET 11:4

Yeityo komwachigei kole, “Obwa keteekyigei nganaseet ak keteech koot ne kooi ne togostoi parak, ne itei kimonjogunnyi parak kipsengwet, si keyaigei keegu che taagunotiin, si mata keyeste eng' ng'wony komugul.”

TIENWOGIKAL 138:7

Agot ngabunoti kwenutap nyalilda, ko inyee ne iriiba; iitoi eung'ung' igirindoe nereegegap puunikyuk; ak sarwo eung'ung' ne po tai.

ISAIAH 13:2

Olumde penderet eng' tulweet ne churat, owaakyi, onde parak eunekwok ye ong'usei koba komoswek tuwai, si kobiit komandae ormariichogap piik che taagunotiin.

JEREMIA 25:12

Ak ye kagobata kenyiisyek tamanwogik tisabu, abir anyun laitoryatap Babilon, ak pororyonooto, mwaei Kamuktaindet ne Toroor, amu yaityennywa, ak emetap Kaldeik; ak ayai koek karaatya agoi.

JEREMIA 25:9

ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.

JEREMIA 50:25

Kogoyat Kamuktaindet ne Toroor ole konoree kariikyik che po lugeet, ak kogonem kariigap nereegekyik: amu tinyei Kiptaiyat Kamuktaindet ne Toroor ne po lugoosyek, poisyet ne yaei eng' emetap Kaldeik.

JEREMIA 50:31

Keero, aboryenen, inyeendet ne ii menotyo, mwaei Kiptaiyat Kamuktaindet ne Toroor ne po lugoosyek: amu kait peetuung'ung', peetuut ne aityinin pireet.

JEREMIA 51:53

Agot nda togosta Babilon agoi kipsengwet, ak agot nda ng'oot toroorindap kimnateennyi, ko ui tugul kobunnywa piik che luulei ineendet, mwaei Kamuktaindet ne Toroor.

JEREMIA 51:58

Mwaei Kamuktaindet ne Toroor ne po lugoosyek kole: Kigabui irimoik che tebeesen che po Babilon kigeesu, ak kebeel ormariichokyik che kooen; ak kobirtogei piik puch, ak kobirtogei pororyosyek amu maat; ak kong'eetyo.

JEREMIA 51:7

Ki kigombetap thahabu Babilon eng' eutap Kamuktaindet ne Toroor, ne ki igoochi ng'wony komugul kobogit: ki koee pororyosyek divaikyik; amei anyun iywek pororyosyek amu nooto.

SEKARIA 4:7

Ii ng'oo, ee tulwooni oo? Iegu warenget eng' taitap Zerubabel: ak inemu koita ne po parak kowaaktos koleen, Myeeindo, myeeindo, ingotebee paragunnyi.”

2 PETERO 3:10

Ago tuun nyoonei peetuutap Kiptaiyat ko uu choriin; ne siirtoe kipsengwet eng' cheet ne oo, ak kochootyo tuguuk tugul che ki kiyae ng'wony ak parak eng' maat ne koroom, ak kolal ng'wonyut ak poisyonik che mi.

NG'ANG'UTYET 8:8

Ki kuut malaikaiyatap aeng', ak ki kiwiirchi nyanjet kiit ne uu tulweet ne oo kolalei; ak ki ek korotiik kebeberta agenge eng' somok ne po nyanjet.