JEREMIA 51:13 - BUKUIT NE TILIIL Sireet ne Dutero Kanon

¹³ Ee, inyee ne menyei peek che chaang', ne chaang' miising' konoraiguk, kait kagesuneng'ung' karagendoetap mageng'ung'.

Bukuit Ne Tilil

¹³ Ee, inyee ne menyei peek che chaang', ne chaang' miising' konoraiguk, kait kagesuneng'ung' karagendoetap mageng'ung'.

BUKUIT NE TILIL

¹³ Ee, inye ne menyei beek che chang’, ne chang’ mising’ konoraiguk, kait kagesuneng’ung’ karogendoetab mageng’ung’.

JEREMIA 51:13 Referencias Cruzadas

TAUNET 6:13

Ak ki leenji `Kamuktaindet Noah, “Kaabegechi agees piik tugul, amu oo puunyoondit ak ng'emisyet eng' ng'wony amu icheek. Ko uu nooto anyun, ang'eme icheek kobooto ng'wony komugul.

TIENWOGIKAL 137:1

Eng' ngeguutap ainoosyegap Babilon, ko ki kitebee olooto ak ki kiriirtosi, ye kingi pwaati Zion.

ISAIAH 43:14

Mwaei Kamuktaindet ne Toroor, katyagindeng'wong', Ineendet ne Tiliil ne po Israel, ko uu ni, kole: Ki ayookte ng'olyoot kwo Babilon agobo okweek, ak achooru icheek tugul ko uu che mweoti, chooto po Kaldeik, eng' melisyek che poiboitune.

ISAIAH 45:3

ak agoonin konoraigap mesundeito, ak mogornatosyek che ung'ootiin che po komoswegap ung'oot, si kobiit inai ile aa Kamuktaindet ne Toroor ne ki aguurin eng' kaineng'ung', Kamuktaindetap Israel.

ISAIAH 57:17

Amu ki anereech agobo tengektap kasennyi ne po myat, ak abir ineendet, ki auny togeennyu ak anereech: ak kites komaasak eng' ooreetap muguleldanyi.

JEREMIA 17:11

Ko uu taiywet ne igeenyi aarek che ma chechiik, uu nooto ne nyooru mogornatosyek ama eng' iman; petos kota kosabei ineendet, ak koek ineendet eng' kagesunennyi chiito ne perber.

JEREMIA 50:27

Obar kirugikyik tugul; ochoorte koba ole kieng'se: Pwo! Icheek! Amu kagoit peetuunywa, peetuut ne ityin icheek pireet.

JEREMIA 50:31

Keero, aboryenen, inyeendet ne ii menotyo, mwaei Kiptaiyat Kamuktaindet ne Toroor ne po lugoosyek: amu kait peetuung'ung', peetuut ne aityinin pireet.

JEREMIA 50:37

Mi rotwetap chok paragutap paraisisyekwak, ak eng' kariisyekwak che po lugeet, ak eng' paragutap piik tugul che kiburuchkei che mi kobooto ineendet, ak koigei icheek kwonyiik: mi rotwetap chok paragutap konoraikyik, ak kerep chooto.

JEREMIA 51:36

Mwaei anyun Kamuktaindet ne Toroor kole, keero, ang'alaaldoun, ayaaktoun mugetuut; ak ayaam nyanjennyi, ak agoochi koteeny kondametunnyi ne po peek.

RIREKAB JEREMIA 4:18

Ki cheeng' kakwautikyok, kot ko ki mata kimuuchi keebe eng' ortinwekyok. Kagesunennyo ko ki riik, peetuusyekyok ko ki kiiti amu ki kagoit let nenyo.

AMOS 8:2

Ak ki leenjo, “Amos, igeere nee?” Ak ki aleenji, “Ageere kitongetap logoek che po kemeut.” Ki leenjo anyun Kamuktaindet ne Toroor, kanyonji kagesunet piikyuk Israel; ma abune kogeny ole mi icheek.

1 PETERO 4:7

Ago kagoriik kagesunetap tuguuk tugul; nooto anyun oegu che oriibegei, ak oriipse eng' saaet:

2 PETERO 2:3

Ak kocheeng'jingei poroteet eng' okweek eng' ng'aleegap ng'aalseet amu kasennywa ne po myat: che ma igaegei kirwoogennywa kobooch keny, ama ruei ng'emisyennywa.

NG'ANG'UTYET 17:1

Ki nyo age eng' malaikaisyechooto tisap che ki tinyei taabook tisap, ak konyo kong'alaalwo, kole, “Nyoo yu, si aboorun kirwoogetap chepkugoniot ne oo ne tebee peek che chaang';

NG'ANG'UTYET 17:15

Ak ki leenjo, “Peechu kegeere, che katebee chepkugoniot, ko piik, tuiyosyek, pororyosyek ak kutusweek.

NG'ANG'UTYET 18:19

Ak kolakyin temburyek metowekwak, ak kowaachei, koriirtos ak koteeitos, koleen, “Pwo! Pwo! Wee nganasani oo, ole ki egune mogore piik tugul che ki tinyei melisyekwak eng' nyanjet amu ooindap kamanuutyennyi! Amu kait ng'emisyennyi eng' sait agenge.