JEREMIA 50:21 - BUKUIT NE TILIIL Sireet ne Dutero Kanon

²¹ Togoste emetap Merataim, obargei, obargei ak nganasanooto, ak piik che menyei Pekod: par ak ing'em igeesu iyotennywa, mwaei Kamuktaindet ne Toroor, ak iyai ko uu tugul che kaang'atiin.

Bukuit Ne Tilil

²¹ Togoste emetap Merataim, obargei, obargei ak nganasanooto, ak piik che menyei Pekod: par ak ing'em igeesu iyotennywa, mwaei Kamuktaindet ne Toroor, ak iyai ko uu tugul che kaang'atiin.

BUKUIT NE TILIL

²¹ Togoste emetab Merataim, obarge, obarge ak nganasanato, ak bik che menyei Pekod: bar ak ing’em igesu iyotenywa, mwaei Jehovah, ak iyai ko u tugul che kaang’atin.

JEREMIA 50:21 Referencias Cruzadas

2 SAMUEL 16:11

Yeityo koleenji `Daudi Abisai, kobooto otwogikyik tugul, “Ngot ko cheeng'ei saboondanyu weeriinnyu ne ki punu poortanyu, ko tam nee anyun Benjaminindoni. Omete ineegei, ak ongochubis, ngot ko kagong'at `Kamuktaindet ne Toroor ineendet koyai ko uu nooto.

2 LAITORINIK 18:25

Ara anyun, kanyo koma kimi ak Kamuktaindet ne Toroor anyo abar oli, ang'em? Koleenjo Kamuktaindet ne Toroor, “Togoste par emoni, ak ing'em.”

2 ATEPTAP PEETUUSYEK 36:23

kamwa ko uu ni Cyrus laitoryatap Persia, kole, “Ki koono Kamuktaindet ne Toroor, Kamuktaindetap kipsengwet, laitornatosyek tugul che po ng'wony; ak king'ata ateekyi koot eng' Jerusalem, ne mi Judah. Ingotogosta age tugul eng' okweek che oo po piikyik tugul, ak ingotep Kamuktaindet ne Toroor Kamuktaindennyi kobooto chiichooto.”

ISAIAH 10:6

Ayooktoi kobargei ak pororyet ne ya, ak agoochini kobargei ak piik che anereekyini, si koluul ak koip parunenik, ak ketyech icheek ko uu ye kityechi ng'atateek eng' ooreet.

ISAIAH 44:28

ne mwaei agobo Cyrus kole, ineendet ko mestowondennyu, ak koyaei ineendet tuguuk tugul che achame: mwaei kogeny agobo Jerusalem kole, tuun kiteechei, ak komwachin Hekaluut koleenjin, Tuun kilumei lumeiyweguk.

ISAIAH 48:14

Oyumgei, okweek tugul, si ogas; ng'oo eng' icheek ne ki komwaita tuguuchuuto? Kigocham Kamuktaindet ne Toroor ineendet: yaei eng' Babilon kiit ne chamei, ak kotebee eunnyi Kaldeik.

ISAIAH 48:15

Anee, ee aneendet ne ki amwae; ee ki aguur ineendet: ki amutu, ak poorei ineendet eng' ooreennyi.

JEREMIA 34:22

Ogeero, ang'ate, mwaei Kamuktaindet ne Toroor, ak aweekyi icheek nganasani; ak kobargei ak nganasani, ak koluul, ak kobeel: ak ayai nganasoogap Judah koek surkwen, ole ma komenyei chii.

JEREMIA 48:10

Chuboot ineendet ne machuuljingei poisyetap Kamuktaindet ne Toroor, ak chuboot ineendet ne etee rotwennyi po chok korotiik.

JEREMIA 50:15

Owaage eng' komoswek tugul; kagochamdagei; kagoluulyo irimoikyik, kagoluulyo inatusyekyik: amu niito yaaktaetap mugetuut ne po Kamuktaindet ne Toroor; oyaakyi mugetuut; ko uu ye ki yai, oyachi ineendet ko uu nooto.

JEREMIA 50:3

Amu nyoonei pororyet eng' murot kaataam kobookyin, ne yaei emennyi koek karaatya, ama menyei chii olooto: kagomwei, kagoba tugul, chii ak tyony.

JEREMIA 50:9

Amu, ogeero, ang'eeti tuiyetap pororyosyek che eecheen che punu emetap murot kaataam kobookyi Babilon: ak kotet lugeet kotokyigei emonooto; kiluulei eng' olooto: uu kipchabonikwak che po chiito ne nyigan, ne mwogindet; ma mi ne weeksei puch.

EZEKIEL 23:23

Babilonik ak Kaldeik tugul, Pekod ak Soa ak Koa, kobooto piigap Assyria tugul: murenik che ki chamei, che ki kirwoogik ak pounik icheek tugul, pounik ak piik che taagunotiin, ki laanyei icheek tugul paraisisyek.

NG'ATUTIK 33:27

Meng'ateng'ung' Kamuktaindet ne po koigeny, ak kanabin eunek che po koigeny. Toortoi puunik eng' taing'ung'. Ineendet ne leen, ‘Ng'em icheeget.’

1 SAMUEL 15:3

Ui anyun nguno ibookyi Amelek ak ing'em igeesu tuguuk tugul che tinyei. Amat ibagaakte chii, ago par muren ak kwony, lakwa ak ne reryei, teta ak keechiiryet, tambeesyet ak sigiryet!”