JEREMIA 50:19 - BUKUIT NE TILIIL Sireet ne Dutero Kanon

¹⁹ Ak aweech Israel kogeny konyo ole agetye, ak koyagisye Karmel ak Bashan, ak kobiyo saboondanyi eng' tuloonoogap Ephraim ak eng' Gilead.

Bukuit Ne Tilil

¹⁹ Ak aweech Israel kogeny konyo ole agetye, ak koyagisye Karmel ak Bashan, ak kobiyo saboondanyi eng' tuloonoogap Ephraim ak eng' Gilead.

BUKUIT NE TILIL

¹⁹ Ak aweech Israel kogeny konyo ole agetye, ak koyagisie Karmel ak Basan, ak kobiyo sobondanyi eng’ tulonokab Epraim ak eng’ Gilead.

JEREMIA 50:19 Referencias Cruzadas

EZRAH 2:1

Chu anyun ko piigap emonooto che kiga togos kobunu ole kiga kiluulji, che kiga iluul Nebukadnezar laitoryatap Babilon koba Babilon; che kiweegis koba Jerusalem ak Judah, kwo chii tugul nganasennyi.

TYENDO NE SIIREI TUGUL 6:5

Keer oliin, amu kagotertera konyeguk. Uu suumeeguk akweetap ng'oroorek, che ruitos eng' tegeiyatap Gilead.

ISAIAH 33:9

Riirei emet ak konyaluli; ililani Lebanon ak koresei, uu Saron surkwen, ak poregei sok Bashan ak Karmel.

ISAIAH 35:2

Yiei miising', ak kobaibait eng' poiboiyet ak eng' tyendo; kigoochin toroornatetap Lebanon, telunatetap Karmel ak Saron. Keerei icheek toroornatetap Kamuktaindet ne Toroor, telunatetap Kamuktaindennyo.

JEREMIA 23:3

Ak ayum che ki ng'et che po akweennyu komong' eng' emotinwek tugul ole kigaonji, ak amutu kogeny kobwa piusyekwak; ak koiiyo kotesagis.

JEREMIA 3:18

Eng' peetuusyechooto, ko tuun pendoti kootap Judah ak kootap Israel, tuun pwoonei tuwai komong' eng' emet ne po murot kaataam kobwa emet ne ki agoochi kwanisyekwok kobunji.

JEREMIA 30:10

Meiywei anyun, ee Jakobo otwogindennyu, mwaei Kamuktaindet ne Toroor; ametoptoben, ee Israel: amu asaruun eng' ole loo, kobooto iyoteng'ung', komong' eng' emet ne kiga kiluulji; ak koweek Jakobo, ak kosiis, ak komuuny, ama komi chii ne imui ineendet.

JEREMIA 30:18

Mwaei Kamuktaindet ne Toroor kole, ogeero, awale kogeny luuleetap emaisyegap Jakobo, ak ariiree meng'otosyekyik; ak keteech nganaseet karaitanyi, ak kotebi kootap laitoryat ko uu yeginye.

JEREMIA 30:7

Pwo eng' peetuunooto, peetuut ne oo ne ma mi ne kergei: peetuutap nyalilda eng' Jakobo; nga kisaru eng' nyalilato.

JEREMIA 31:14

Ak abae akwaindo saboonwegap tisiik kobiyong'so, ak kobiyo piikyuk myeeindonyu, mwaei Kamuktaindet ne Toroor.

JEREMIA 31:25

Amu kaabai kobiyo saboondo ne ng'etat, ak kaanyiit saboondo age tugul ne arageni.

JEREMIA 31:6

Amu piitu peetuut ye ititendos riibiik eng' tuloonook che po Ephraim: kole, “Ong'eetyee, keebe Zion kootap Kiptaiyat Kamuktaindennyo.”

JEREMIA 32:37

Ogeero, ayumi icheek komong' eng' emotinwek tugul che kigaonji icheek amu nereegekyuk, ak eng' nereegekyuk che ng'woneen, ak eng' nereegek che eecheen, ak amutu icheek kogeny kobwa olito, ak agoochi komeny eng' chametapkei.

JEREMIA 46:27

Ago meiywei, ee Jakobo otwogindennyu, anan iaragen, ee Israel; amu, keero, asaruun eng' ole loo, ak asaru iyoteng'ung' eng' emet ne ki kiluulji; ak koweek Jakobo, ak komuuny ak kotebee kaalyeet, ama mi chii ne imui.

JEREMIA 50:6

Uu piikyuk keechiirek che petyotiin: ki ibeet mestowekwak icheek, ki imaas eng' tuloonook: ki koombeniot kong'etee tulweet ne oo agoi ne ming'in, kigoutye oldanywa ole imuung'ee.

EZEKIEL 11:17

Mwaa anyun ile, Mwaei Kiptaiyat Kamuktaindet ne Toroor kole: Ayumok omang'une pororyosyek, ak ayumok omang'une emotinwek ole ki oyestoochi, ak agoonok emetap Israel.

EZEKIEL 36:24

Amu amutwok omang'une pororyosyek, ak ayumak omong'u eng' emotinwek tugul, ak amutwak obwa emeng'wong'.

EZEKIEL 36:33

Mwaei Kiptaiyat Kamuktaindet ne Toroor kole: Agoochini kemeny nganasook kogeny, ak keteech karatwek, eng' peetuut ne aundawok tengekwogikwok tugul.

EZEKIEL 38:8

Kibwonjinin ko kagosiirto peetuusyek che chaang': iite eng' kenyiisyek che po let emet ne ki kiweegune rotwetap chok, ne ki kiweech eng' pororyosyek che chaang', eng' tuloonoogap Israel, ne kiga koguber peetuusyek che chaang': ago ki kiweech komong' eng' pororyosyek ak komeng'iis tugul eng' chametapkei.

EZEKIEL 47:18

Ak egu Jordan kiwotetap kong'asiis, kwenutap Hauran ak Damasko ak Gilead, ak emetap Israel; okwaa kobooch kiwotetap murot kaataam agoi nyanjet ne mi kong'asiis. Egu niito komostap kong'asiis.

MIKAH 7:14

Iyage piiguk eng' kiroktong'ung', akweetap poroteng'ung', che meng'iisyei icheegei, eng' timiin ne mi kwenutap Karmel: ingoagetyo eng' Bashan ak Gilead, ko uu peetuusyek che po keny.

MIKAH 7:18

Ng'oo Kamuktaindet ne uu inyee, ne nyochin kaat piik amu tengekto, ak kosiirtoe pistoetap piik che ki ng'et che po porotennyi? Mateptoi nereegekyik agoi, amu paibaitune rireenet.

SEKARIA 10:10

Amutu icheek kogeny komang'une emetap Misiri, ak ayum icheek komong' eng' Assyria; ak amutu icheek kobwa emetap Gilead ak Lebanon; ama piitu ole yamei icheek.

KAITOSYEK 32:1

Ki tinyei akwotisyek che chaang' miising' lagogap Reuben ak lagogap Gad. Ye kingo keer emetap Jaser ak emetap Gilead kole emet ne nyoljin akwotisyek,

KAITOSYEK 32:4

emonooto ki par Kamuktaindet ne Toroor eng' taitap tuiyetap Israel, ko emet ne nyoljin akwotisyek, ak tinyei otwogiguk akwotisyek.

JOSHUA 17:15

Ak ki leenji Joshua icheek, “Ngot ko ii pororyet ne oo, itogoste iwe timiin ak ibatyigei oldo eng' emetap Perisik ak ne po Repaik, amu mariich emetap tuloonook ne po Ephraim eng' inyee.”