JEREMIA 50:11 - BUKUIT NE TILIIL Sireet ne Dutero Kanon

¹¹ Amu ogasigei, amu oboiboi, ee okweek che opookyini porotennyu, amu ourerendosi ko uu rooryat ne tyechei peek, ak oteei ko uu paraisisyek che kiimeen;

Bukuit Ne Tilil

¹¹ Amu ogasigei, amu oboiboi, ee okweek che opookyini porotennyu, amu ourerendosi ko uu rooryat ne tyechei peek, ak oteei ko uu paraisisyek che kiimeen;

BUKUIT NE TILIL

¹¹ Amu ogasige, amu oboiboi, ee okwek che obokyini borotennyu, amu ourerendosi ko u roriat ne tiechei bek, ak oteei ko u mbartanyisiek che kimen;

JEREMIA 50:11 Referencias Cruzadas

TIENWOGIKAL 22:12

Kagoyiema kiruugik che chaang'; kagoyiema kiruugik che koroomen che po Bashan.

KALEWANAIK 17:5

Age tugul ne chotei kibananiat ko chotei Yaindennyi, ineendet ne poiboitu ko kanyoor alage nyalilda koma kimetoi ama kibir.

ISAIAH 47:6

Ki anereekyi piikyuk, ki amurwon poortannyu, ak ki ande icheek eung'ung': ma iriiree agot kitigin; ki igesenji che ki koosegitu choging'ung' ne nyigiis miising'.

ISAIAH 47:8

Kas niito anyun, inyee ne ichame ureryosyek, ne imeng'iisyei, ameiiti kiy, ne imwae eng' muguleldang'ung' ile, Aneendet, ama mi age kobatena; matebye ko uu kwony ne ki kosiirtoe manong'otyot, ama pegunena lagok:

JEREMIA 12:14

Mwaei Kamuktaindet ne Toroor ng'aleechooto agobo piik tugul che kiptengeginik che po kokwennyu, che twaei poroteet ne ki agoochi piikyuk Israel konam kobunji, kole: “Ogeero, atutu icheek eng' emennywa ak atutu kootap Judah komong' eng' kwenunnywa.”

JEREMIA 46:20

Rooryat ne karaaran miising' Misiri; ago kagonyo ng'emisyet ne punu murot kaataam, kagonyo.

JEREMIA 46:21

Uu kogeny piikyik che kesirei che mi kwenunnyi moek che neryootiin; amu kagoweigei let ak icheek, kagomwei tugul, ma tononso: amu kanyonji icheek peetuutap nyalildanywa, peetuut ne kibirei.

JEREMIA 5:28

ki koneryo miising' ak iluu. Siirtootin icheek eng' poisyonigap sogornateet; ma irwoochi si kobesyechi eng' imanit ne ma tinyei sigiik, ama irwooksechin komyee che ponondos.

JEREMIA 5:8

Kiu icheek paraisisyek che kagobiyong'so karon, ki itei age tugul eng' mageet agobo osotyotap chiitap kokwennyi.

JEREMIA 50:17

Uu Israel keechiirek che ki koiyesta; ki koon ng'etuunyik ineendet: kisip koam ineendet laitoryatap Assyria; ak eng' let koiri kawekyik Nebukadresar, niito laitoryatap Babilon.

JEREMIA 50:27

Obar kirugikyik tugul; ochoorte koba ole kieng'se: Pwo! Icheek! Amu kagoit peetuunywa, peetuut ne ityin icheek pireet.

RIREKAB JEREMIA 1:21

Ki kogas icheek ole atigendoi; ma mi chii ne igoigoa. Ki kogas puunikyuk tugul agobo nyalildanyu; poiboi icheek amu ki iyai ko uu nooto. Tuun iibu peetuut ne ki imwaite, si kegergeitu ak icheek.

EZEKIEL 35:15

Ko uu ye ki ibaibaitune poroteetap kootap Israel, amu kiguber, ayaun ko uu nooto: iguberi, ee, inyee tulweetap Seir, ak Edom komugul, komosato tugul; si konai icheek kole aa Kamuktaindet ne Toroor.

EZEKIEL 36:5

mwaei anyun Kiptaiyat Kamuktaindet ne Toroor kole: Ki amwa iman eng' maatap ng'etkondanyu agobo pororyosyek che ng'etunotiin, ak agobo Edom tugul, che kiityigei emennyu kole kobunji eng' poiboiyetap mugulelwekwak tugul, eng' koroomnatetap saboondo, si kogoito keluul:

HOSEA 10:11

Ephraim ko rooryat ne ki kineet, ne chamei kobor peek; ago ki asiirte eng' kaatinnyi ne karaaran: aganapchini Ephraim chiito ne laanyei; ibatisyei Judah, pirei Jakobo tindinyekyik.

AMOS 4:1

Ogas ng'olyoondoni, okweek tuugap Bashan, che miitei tulweetap Samaria, che sastoe kibananook, che tyekyin ng'wony che ma tinyei kiy, che leenjin kiptainikwak, “Oibu, kee!”

OBADIA 1:12

Ago amat igeer peetuutap ng'eetap kamenng'ung' eng' peetuutap tiritindanyi, amebaibaitu eng' lagogap Judah eng' peetuutap ng'emisyennywa; anan ing'alaal eng' menoteet eng' peetuutap pichiindo.

HABAKUK 1:15

Name icheek tugul kateet ne uu kombet, name icheek regereiywondennyi ne kiname njireenik, ak koyumji regereiywondennyi ne oo: paibaitu anyun ak kogaskei.

SEKARIA 14:12

Ak piitu koroitap ng'wony ne pire `Kamuktaindet ne Toroor piik tugul che ki pargei ak Jerusalem: nundos poorwekwak kota kotonondos, ak konunio konyekwak eng' kelongonikwak, ak konunio ng'elyebwekwak eng' kutusweekwak.

NG'ATUTIK 32:15

Ago kiner Jesurun, ak kotyaris, kiner, kinyigiisitu ak koakwait eng' amitwogik. Yeityo kobagaakta anyun Kamuktaindet ne ki yai icheeget, ak kosas Rwandetap ne yetunennyi.