JEREMIA 5:15 - BUKUIT NE TILIIL Sireet ne Dutero Kanon

¹⁵ Ee kootap Israel, mwaei Kamuktaindet ne Toroor, amutwok pororyet ne punu ole loo, pororyet ne kiim, pororyet ne po keny miising', pororyet ne mongen kutinnyi, amoguitosi kiit ne mwaei.

Bukuit Ne Tilil

¹⁵ Ee kootap Israel, mwaei Kamuktaindet ne Toroor, amutwok pororyet ne punu ole loo, pororyet ne kiim, pororyet ne po keny miising', pororyet ne mongen kutinnyi, amoguitosi kiit ne mwaei.

BUKUIT NE TILIL

¹⁵ Ogeero, amutwok bororiet ne bunu ole loo, ee gotab Israel, mwaei Jehovah: bororiet ne kim, bororiet ne bo keny mising’, bororiet ne mengen kutinnyi, ameguitosi kit ne mwaei.

JEREMIA 5:15 Referencias Cruzadas

TAUNET 11:7

Ongebe, kechoortegei anyun ak kitoiye kutusweekwak si mata kogasyin icheegei eng' ng'alaalet!”

TIENWOGIKAL 81:5

Ki ng'at niito koek paornateet eng' Joseph, ye kingo manda eng' emetap Misiri, ole ki agase kutit ne ma anai.

ISAIAH 28:11

Ago ng'alaaljin iman pichu eng' kutusweegap toek ak eng' kutit age;

ISAIAH 29:3

Amu amuutin komoswek tugul, ak ayiemenen teeksosyek che kooen, ak ateech irimoik si kebarge.

ISAIAH 29:6

nyoonjin Kamuktaindet ne Toroor ne po lugoosyek ineendet eng' tuleet, eng' potaneetap ng'wony ak polateet ne oo ak kipchurchuryet, kobooto usoonet ne oo, ak liplibenetap maat ne peelsei.

ISAIAH 33:19

Megeere piik che koroomen, piik che paroen mookwekwak che memuuchi iguiye, piik che ng'alaali kutit ne too ne memuuchi iguiye.

ISAIAH 39:3

Ki nyo anyun `maotyot Isaiah kaplaitoryat Hezekiah, ak koteebe koleenji, kale nee pichu? Kobunu ano kobwanei oling'ung'? Ak ki le Hezekiah, Kabwa olinnyu kobunu emet ne loo, emetap Babilon.

ISAIAH 5:26

Ak konamji ineendet parak songolyet koboorchi pororyo ne loo, ak koititenji icheek kobwa eng' ole poochin ng'wony, ak kobwa korwou, kochogu.

ISAIAH 5:7

Mbareetap sabibuk ne po Kamuktaindet ne Toroor ne po lugoosyek ko kootap Israel, ak keetinnyi ne iboiboi ineendet ko piigap Judah. Ki igen kirwooget, ago ki keer tumdaetap korotiik; ki igen imanda, ago ki kas riirek.

JEREMIA 1:15

Keero, aguure ortinwek tugul che po pounatosyegap murot kaataam, mwaei Kamuktaindet ne Toroor, ak kobwa ak konde age tugul ng'echerennyi ne po laitornatet ye kimandoe eng' ormariichogap Jerusalem, ak kotokyigei irimoikyik tugul ak kotokyigei nganasook tugul che po Judah.

JEREMIA 2:26

Ko uu ye ililani choriindet ko kaginyoor, ko uu nooto ililani kootap Israel. Ililoni icheeget, laitorinikwak ak pounikwak, tisiikwak ak maotikwak,

JEREMIA 25:9

ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.

JEREMIA 4:16

Omwachi pororyosyek, obarastachi Jerusalem, oleenji, ibogu piik che ng'eete emet ne loo, ak imuui nganasoogap Judah.

JEREMIA 5:11

Ee, kootap Israel ak kootap Judah, koma kotinyei kayaneet, mwaei Kamuktaindet ne Toroor.

JEREMIA 6:22

Mwaei kora Kamuktaindet ne Toroor kole, “Punu piik emet ne mi murot kaataam; king'eeti pororyet ne oo ne punu komoswek che looen che po ng'wony.

JEREMIA 9:26

Misiri, Judah, Edom, ak lagogap Ammon, kobooto Moab ak tugul che piori metowekwak, che menyei surkwen. Amu ma imuratanotiin pororyosyek tugul ama imuratanotiin mugulelwegap koot tugul ne po Israel.”

EZEKIEL 18:31

Omete pistaosyekwok tugul che ki kogoonok obistoe; ak ochopchigei muguleldo ne leel ak sabeet ne leel: amu nee si obegu, ee kootap Israel?

AMOS 6:14

Mwaei Kamuktaindet ne Toroor, Kamuktaindet ne po lugoosyek, kole, “Ee, kootap Israel, nai ni ile, ang'eeti pororyet si obargei, ak konyaliilak kobooch ole kibunei kebendi Lebo-hamath agoi kereruut ne po Arabah.”

HABAKUK 3:16

Ki agas, ak kitilgei moennyu, ki potan kutinnyu eng' cheonooto. Ki nunio kawekyuk ak ki abotan eng' ole ki ami: Ki agen eng' siisinetapkei agobo peetuutap nyalilda, ne nyoonei koityin piik che ki ibookyo.

1 KORINTOEK 14:21

Ki kisir eng' Ng'atuutyet keele, “Eng' piik che po kutusweek alak, ak eng' kutusweegap toek, ang'alaaljini pichu, agot ngo uu nooto koma kasa icheek, mwaei Kiptaiyat.”

NG'ATUTIK 28:33

“Amei pororyet ne mengen logoegap emeng'ung' ak poisyoniguk tugul. Kinyaliilin ak ketyekyinin ng'wony kotugul,

NG'ATUTIK 28:49

“Imutun Kamuktaindet ne Toroor pororyet ne punu ole loo eng' tabandap ng'wony ne megase ng'aleekwak konyo ko uu ye tirireni kipsiichit inyoo koboryenen