JEREMIA 49:37 - BUKUIT NE TILIIL Sireet ne Dutero Kanon

³⁷ Ak agoochi Elam koaragen eng' taitap puunikwak, ak eng' taitap icheeget che cheeng'ei saboonwekwak: ak aipchi icheek yaityet, nereegekyuk che ng'woneen, mwaei Kamuktaindet ne Toroor; ak ayookte rotwetap chok koosup icheek, kot ageesu:

Bukuit Ne Tilil

³⁷ Ak agoochi Elam koaragen eng' taitap puunikwak, ak eng' taitap icheeget che cheeng'ei saboonwekwak: ak aipchi icheek yaityet, nereegekyuk che ng'woneen, mwaei Kamuktaindet ne Toroor; ak ayookte rotwetap chok koosup icheek, kot ageesu:

BUKUIT NE TILIL

³⁷ Ak agochi Elam koarogen eng’ taitab bunikwak, ak eng’ taitab icheget che cheng’ei sobonwekwak: ak aipchi ichek yaitiet, neregekyuk che ng’wonen, mwaei Jehovah; ak ayokte rotwetab chok kosub ichek, kot agesu:

JEREMIA 49:37 Referencias Cruzadas

JEREMIA 30:24

Ma weeksei nereegek che ng'woneen che po Kamuktaindet ne Toroor agoi koyai kogees, agoi koyai magutigap muguleldanyi kosulda: oguitosi ng'olyoondoniito eng' peetuusyek che po let.

JEREMIA 48:2

Ma komi kalasunetap Moab; Ki kochop yaityet eng' Hesbon agobo emonooto, ne mwaei koleen, Nyoo kigeesu si ma koegu pororyet kogeny. Agot inyee, ee Madmen, kigoonin isiis; onin rotwetap chok.

JEREMIA 48:39

Kitepto ano si koyie! Iteitoi ano icheek! Katepto ano si kotukta patai Moab eng' kalilanet! Egu anyun Moab ne kirorechin ak koek ne kwong'ee icheek tugul che mi tabanwekyik.

JEREMIA 49:22

Ogeero, togosu ineendet ak kotirireni ko uu kipsiichit, ak kouito kebebaikyik kotokyi Bosra: ak koigei eng' peetuunooto mugulelwegap piik che nyigoonen che po Edom, muguleldap kwondo ne tinyei ng'wanindo ye machei kosigiis.

JEREMIA 49:24

Kogonyalul Damasko, kawelelgei komwei, kanam ineendet potanet: kanam ineendet pichiindo ak aragenosyek, ko uu kwondo ye machei kosigiis.

JEREMIA 49:29

Luulei emaisyekwak ak akwotisyekwak che po keechiirek; ak koluul angookwak kobunji, ak tereenikwak tugul, ak tambeesikwak: ak kowaakyi, koleenji, mi kamuiset komosta age tugul.

JEREMIA 49:38

ak alum ng'echerennyu ne po laitornatet eng' Elam, ak ang'em eng' olooto laitoryat ak pounik, mwaei Kamuktaindet ne Toroor.

JEREMIA 49:5

Ogeero, aibun kaiyweisyet, mwaei Kiptaiyat Kamuktaindet ne Toroor ne po lugoosyek, eng' icheek tugul che mi tabanweguk; ak keonak, komanda chii age tugul, ama piitu chii ne iyumi ineendet ne ombenoti.

JEREMIA 50:36

Mi rotwetap chok paragutap piik che ichaugei, si koberberitu: mi rotwetap chok paragutap piikyik che nyigoonen, ak koaragenso icheek.

JEREMIA 6:19

Ogas okweek ng'wony, aipchini pichu yaityet, kosupkei ak logoegap kabwaatutikwak, amu ma epchi iit ng'aleekyuk, ak ki koeesyo ng'atuutikyuk.

JEREMIA 9:15

Mwaei anyun Kamuktaindet ne Toroor ne po lugoosyek, Kamuktaindetap Israel, kole, “Abae pichuuto ng'wonet ak anage icheek peek che po kipsegetetyet koe.

JEREMIA 9:16

Ak ayestochi icheek pororyosyek, che ki ma nai icheek anan kwanisyekwak. Ayooktoi rotwetap chok koosup icheek, kot ageesu.”

EZEKIEL 12:14

Ak aiyeste koba usoonet age tugul, piik tugul che miitei komoswekyik kotoret ineendet, ak lugosyekyik tugul; ak ang'usu rotwetap chok asube icheek.

EZEKIEL 32:23

che ki kinde kereeriisyekwak komoswek che po oriit che po keriinget, ak mi kweanennyi komoswek tugul che po kererinnyi: ki kibar tugul, ki kibare rotwetap chok, che ki yai kamuiset eng' emetap piik che saptos.

EZEKIEL 5:12

Meei kebeberta agenge eng' somok eng' inyee eng' koroito, ak kigeesu icheek eng' rubeet eng' kwenung'ung'; ak kobek eng' rotwetap chok kebeberta agenge eng' somok, eng' komosweguk tugul; ak aseer kebeberta agenge eng' somok koba koriswek tugul, ak ang'usu rotwetap chok koosup icheek.

EZEKIEL 5:2

Ak ibeel kebeberta agenge eng' somok eng' kwenutap nganaseet, ye kagosulda peetuusyegap yiemet; ak iip kebeberta age eng' somok ak irarate iep kotuiyo eng' rotwonooto po chok; ak iseerte kebeberta agenge eng' somok koip usoonet, ak ang'usu rotwetap chok asube icheek.

ATEPTAP LAWIK 26:33

Ak aiyestochok pororyosyek alak, ak ang'usu rotwetap chok kosubok. Koguber anyun emeng'wong', ak koek karotwek nganasookwok.