JEREMIA 49:1 - BUKUIT NE TILIIL Sireet ne Dutero Kanon

¹ Ng'aleegap lagogap Ammon: Mwaei Kamuktaindet ne Toroor kole: Tos ma tinyei Israel weeriik? Ma tinyei ne namei tuguukyik? Amu nee anyun si konam Malkam Gad kobunji, ak komeny piikyik nganasookyik?

Bukuit Ne Tilil

¹ Ng'aleegap lagogap Ammon: Mwaei Kamuktaindet ne Toroor kole: Tos ma tinyei Israel weeriik? Ma tinyei ne namei tuguukyik? Amu nee anyun si konam Malkam Gad kobunji, ak komeny piikyik nganasookyik?

BUKUIT NE TILIL

¹ Ng’alekab lagokab Amon: Mwaei Jehovah ko u ni kole: Tos matinyei Israel werik? Matinyei ne namei tugukyik? Amu nee anyun si konam Malkam Gad kobunji, ak komeny bikyik nganasokyik?

JEREMIA 49:1 Referencias Cruzadas

TAUNET 19:38

Ki sich `chepto ne ming'in agine weeriit, ak kiguure kainennyi Ben-Ami. Ineendet ko kwandap Amonik agoi ra.

2 LAITORINIK 10:33

kong'etee Jordan komostap kong'asiis, emet tugul ne po Gilead, Gadik, Reubenik ak ne po Manasik. Kong'eete Aroer ne mi ole po atebweetap Arnon, chooto ko Gilead ak Bashan.

2 LAITORINIK 24:2

Ki iyookyi `Kamuktaindet ne Toroor ineendet lugosyegap Kaldeik, piigap Syria, Moabik, ak che po lagogap Ammon. Ki iyookto icheek koba kobar Judah, ko uu ng'olyootap Kamuktaindet ne Toroor ne ki mwa eng' otwogikyik maotik.

2 ATEPTAP PEETUUSYEK 20:1

Kingo pata niito, kobwa kobargei ak Jehoshaphat piigap Moab ak piigap Ammon, ak alak eng' Amonik.

2 ATEPTAP PEETUUSYEK 20:23

Amu kitononso lagogap Ammon ak Moab kobargei ak che ki menyei tulweetap Seir, kobar kogees ak kong'em. Ye kingo kagogees che ki menyei Seir, kotoret chii tugul kobar chiito ne kami tuwai.

NEEMIA 2:19

Ago kingo kas Sanbalat Horonindet, ak Tobia otwogindet ne Amonindet, ak Gesem Arabuindet, kororechech, kochotech ak kosasech ak kole, “Nee kii oyae? Ongeleljini laitoryat?”

NEEMIA 4:7

Ago kingo kas Sanbalat, Tobia, Arabuuk ak Amonik kobooto Asdodik kole wendi tai teekseet ne keteechei irimoigap Jerusalem che kiga kobutok ak kole kityemei ole kiga koundur, konereekso miising'.

TIENWOGIKAL 83:7

Gebal, ak Ammon, ak Amelek; Philistia, kobooto icheek che menyei Tyro:

TIENWOGIKAL 9:6

Ki igeskei kobetito puunik koek karatwek koigeny; ki ing'em nganasookwak, ki kogeskei kabwaatet ne kibwaatee icheeget.

JEREMIA 12:14

Mwaei Kamuktaindet ne Toroor ng'aleechooto agobo piik tugul che kiptengeginik che po kokwennyu, che twaei poroteet ne ki agoochi piikyuk Israel konam kobunji, kole: “Ogeero, atutu icheek eng' emennywa ak atutu kootap Judah komong' eng' kwenunnywa.”

JEREMIA 25:21

Edom, Moab, ak lagogap Ammon;

JEREMIA 25:9

ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.

JEREMIA 27:3

yeityo iyookyi laitoryatap Edom, ak laitoryatap Moab, ak laitoryatap lagogap Ammon, ak laitoryatap Tyro, ak laitoryatap Sidon, koip piik che kiyooktoi che pwoonei Jerusalem kap Zedekiah laitoryatap Judah:

JEREMIA 48:1

Ng'aleegap Moab: Mwaei Kamuktaindet ne Toroor ne po lugoosyek, Kamuktaindetap Israel, kole: Pwo eng' Nebo! Amu kagoek karaatya; kagiteweer Kiriataim, kageluul: kagiteweer Miskap, kagebut.

JEREMIA 49:23

Ng'aleegap Damasko. Kagolilan Hamath, ak Arpad; amu kogogas ng'aleek che yaach, kogotanuiso: mi arageneet nyanjet; ma imuuchi kosiis.

JEREMIA 49:28

Ng'aleegap Kedar ak che po pounatosyegap Hasor, che ki par Nebukadresar laitoryatap Babilon. Mwaei Kamuktaindet ne Toroor kole: Ong'eetyee, otogoste Kedar, ak oluul lagogap kong'asiis.

JEREMIA 49:7

Ng'aleegap Edom: Mwaei Kamuktaindet ne Toroor ne po lugoosyek ko uu ni, kole: Tos ma komi utaatyet eng' Teman? Tos ki kobet kirwooget eng' che ng'oomen? Tos ki kobek ng'omnatennywa?

EZEKIEL 21:25

Ee inyee ne ya, ne ki kiguotenin ne po meet, pounindetap Israel, ne kagonyo peetuunnyi, eng' peetuusyegap yaityet ne po let;

EZEKIEL 25:1

Ki nyoonjo ng'olyootap Kamuktaindet ne Toroor, koleenjo,

SEPANIA 1:5

ak icheek che ilasu tuguuk tugul che po kipsengwet, eng' kooriik parak; kobooto icheeget che ilasu, che iyasyechin Kamuktaindet ne Toroor, ak koyastos eng' kainetap Malkam;

KAITOSYEK 1:24

Eng' ooreetap Gad, ko ki kiit murenik tugul kobooch che po kenyiisyek tiptem ak kwo tai, tugul che ki imuuchi koba lugeet kosupkei ak kainaikwak, agenge agenge, ko uu ibinwekwak, ortinwekwak ak ko uu kooriigap kwanisyekwak.

NG'ATUTIK 2:19

ak ye iriikte ole neegitee lagogap Amonik, ko meiim anan omoiye kiy ak pichooto, amu ma koonin emetap lagogap Amonik kobunjiin, amu ki agoochi lagogap Lot kobunji.’ ”

NG'ATUTIK 23:3

“Amat komanda ole mi tuiyetap Kamuktaindet ne Toroor Amonindet anan Moabindet. Agot agoi eng' ibinda ne po taman, ko mat komanda ole mi tuiyetap Kamuktaindet ne Toroor age tugul eng' tilyonutikwak agoi koigeny.

NG'ATUTIK 23:4

Amu ki ma torogunenok icheek magatiinik ak peek ye ki omangune Misiri, ago ki al Balaam weeriitap Beor konyo eng' Petor ne mi Mesopotamia nyoo kochupin.