JEREMIA 48:15 - BUKUIT NE TILIIL Sireet ne Dutero Kanon

¹⁵ Kigong'emak Moab, ki kotogosta icheek nganasookyik, kigoba parisyet murenikyik che ki kilewen, mwaei Laitoryat, ne kainennyi ko Kamuktaindet ne Toroor ne po lugoosyek.

Bukuit Ne Tilil

¹⁵ Kigong'emak Moab, ki kotogosta icheek nganasookyik, kigoba parisyet murenikyik che ki kilewen, mwaei Laitoryat, ne kainennyi ko Kamuktaindet ne Toroor ne po lugoosyek.

BUKUIT NE TILIL

¹⁵ Kigong’emak Moab, kigotogosta ichek nganasokyik, kigoba barisiet murenikyik che kigilewen, mwaei Laitoriat, ne kainennyi ko Jehovah ne bo lugosiek.

JEREMIA 48:15 Referencias Cruzadas

TIENWOGIKAL 47:2

Amu po kwong'et Kamuktaindet ne Toroor, Inee Ne Toroor Miising'; Ineendet ko Laitoryat ne oo ne pou ng'wony komugul.

JEREMIA 46:18

Mwaei Laitoryat ne kainennyi ko Kamuktaindet ne Toroor ne po lugoosyek, kole, Ko uu ye asabe, nyoonei iman ineendet ko uu Tabor eng' tuloonook, ak ko uu Karmel eng' ole neegitee nyanjet.

JEREMIA 48:4

Kageng'em Moab; kagoriiryo lagokyik kot kegas.

JEREMIA 50:27

Obar kirugikyik tugul; ochoorte koba ole kieng'se: Pwo! Icheek! Amu kagoit peetuunywa, peetuut ne ityin icheek pireet.

JEREMIA 50:34

Kiim katyagindennywa; kainennyi ko Kamuktaindet ne Toroor ne po lugoosyek: ng'alaaldochin ineendet icheek komyee, si kobiit kogoochi kamuung'et ng'wony, ak koim piik che menyei Babilon.

JEREMIA 51:40

Amutu icheek ko uu aaregap keechiir che pendi ole kieng'see, ko uu mengichik kobooto kwesik.

JEREMIA 51:57

Ak agoochini kobogityo pounikyik ak murenikyik che ng'oomen, kobooto kirwoogikyik ak kiptainikyik, ak murenikyik che nyigoonen; ak koruiyo rwondo ne po agoi, ama kogosu, mwaei Laitoryat ne kainennyi ko Kamuktaindet ne Toroor ne po lugoosyek.

AMOS 4:10

Ki ayookwok koroito ko uu ni ki po Misiri; ki abar murenikwok eng' rotwetap chok, ak ki akweri paraisisyekwok; ak ki ayai pulatetap nganaseng'wong' kotogos kot koit seruunekwok; ago tomo oweekyage, mwaei Kamuktaindet ne Toroor.

SEKARIA 14:9

Ak koek Kamuktaindet ne Toroor laitoryatap ng'wony komugul: egu agenge Kamuktaindet ne Toroor eng' peetuunooto, ak koek agenge kainennyi.

MALAKI 1:14

Ago chuboot kaberberindet, ne tinyei mengit eng' akweennyi, ak koarorto, yeityo koeng'ji Kiptaiyat kiit ne tinyei perutyet. Amu Aa Laitoryat ne oo, ak kiywei kainennyu eng' pororyosyek mwaei Kamuktaindet ne Toroor ne po lugoosyek.

JAKOBO 5:4

Ogeero, poldos melekwegap kiboitiinik che kigesei mbareenikwok, che ki onamdegei: ak ki kochut iitiigap Kiptaiyatap Lugoosyek riiregap icheek che kigesei.

NG'ANG'UTYET 19:16

Ak kotinyei eng' ngoryennyi ak eng' kubestanyi kainet ne ki kisir kole, “Laitoryat ne po Laitorinik ak Kiptaiyat ne po Kiptainik.”