JEREMIA 44:7 - BUKUIT NE TILIIL Sireet ne Dutero Kanon

⁷ Mwaei anyun Kamuktaindet ne po Toroornatet ne po lugoosyek, Kamuktaindetap Israel, kole: Amu nee si oyachi saboonwekwok yaityoni oo, si kobiit kigeesunenok muren ak kwony, lakwa ak ne reryei, komong' eng' Judah, si ma ng'etwok agot agenge;

Bukuit Ne Tilil

⁷ Mwaei anyun Kamuktaindet ne po Toroornatet ne po lugoosyek, Kamuktaindetap Israel, kole: Amu nee si oyachi saboonwekwok yaityoni oo, si kobiit kigeesunenok muren ak kwony, lakwa ak ne reryei, komong' eng' Judah, si ma ng'etwok agot agenge;

BUKUIT NE TILIL

⁷ Mwaei anyun Jehovah Kamuktaindet ne bo lugosiek, Kamuktaindetab Israel, ko u ni kole: Amu nee si oyachi sobonwekwok yaitioni o, si kobiit kigesunenok muren ak kwony, lakwa ak ne reriei, komong’ eng’ Juda, si mang’etwok agot agenge;

JEREMIA 44:7 Referencias Cruzadas

KALEWANAIK 1:18

Ribistos chuuto kotumdoi korotiikwak, unyegei kosapchin saboonwekwak.

KALEWANAIK 15:32

Ineendet ne eesyoi katigonet ko kasas saboondanyi, ago ineendet ne epchin iit kereetap kong' konyooru kaguiyet.

KALEWANAIK 5:22

Namei `kiptengekyot yaitwogikyik, ak keratee ineendet poroonigap tengektanyi.

KALEWANAIK 8:36

Ago ineendet ne ma nyoorwo kong'emei saboondanyi; chamei meet tugul che wecho.”

JEREMIA 25:6

amosubote kamuktaik che teer, oot ak olasu icheek, amotacha eng' poisyonigap eunekwok; si ma yaiywok ne ya.

JEREMIA 25:7

Ago ki ma ogasa kora, mwaei Kamuktaindet ne Toroor; si kobiit otacha eng' poisyonigap eunekwok, si oipchinegei ng'wanindo.

JEREMIA 26:19

Tos kita kobar Hezekiah laitoryatap Judah ak Judah tugul ineendet? Tos ki ma iywei Kamuktaindet ne Toroor ak kogaigai Kamuktaindet ne Toroor, kot kowal Kamuktaindet ne Toroor kabwaatutikyik eng' yaityet ne kiga komwa agobo icheek? Ngot keyai ko uu nooto, ko kagiipchi saboonwekyok yaityet ne oo.

JEREMIA 3:24

Ago kiit ne po kalilanet ko kigoam poisyonigap kwanisyekyok kobooch ming'inatennyo, kobooto keechiirekwak, akwotisyekwak, weeriikwak ak tiibiikwak.

JEREMIA 38:17

Ki leenji anyun Jeremiah Zedekiah, mwaei Kamuktaindet ne Toroor, Kamuktaindet ne Toroor ne po lugoosyek, Kamuktaindet ne Toroor ne po Israel, kole: Ngot igoochigei eunegap pounigap laitoryatap Babilon, isabe, ama kibeelei nganasani; ak isap kobooto koong'ung'.

JEREMIA 42:20

Amu ki oyachi kaberberisyet saboonwekwok; amu ki oyookto awo ye mi Kamuktaindet ne Toroor Kamuktaindeng'wong', ole, Saiywech Kamuktaindet ne Toroor, Kamuktaindennyo; ak imwaiwech ko uu tugul che mwaei Kamuktaindet ne Toroor, Kamuktaindennyo, si keyai:

JEREMIA 44:14

kot koma chilil anan kong'et agot agenge eng' che kiga ng'et che po Judah, che ki pa emetap Misiri, kotebee olooto, kole koweek kobwa emetap Judah, emet ne machei kole koweekyigei koba komeny: amu ma piitu ne weechigei kobatee ne chilili.

JEREMIA 44:8

amu otagena poisyonigap eunekwok, obeeljini nyamdutik kamuktaik eng' emetap Misiri, ole ki obe otebee; si kobiit kigeswok, ak oegu che kisasei ak che kichotei eng' pororyosyek tugul che po ng'wony?

JEREMIA 51:22

ak atonatoni eng' inyee chepkichutitap lugeet kobooto chiito ne laanyei; ak atonatoni eng' inyee muren ak kwony; ak atonatoni eng' inyee poiyo ak neran; ak atonatoni eng' inyee muren ak kobogoryo;

JEREMIA 7:19

Tos tachei ng'oo pichooto konereech? Tos anee? Mwaei Kamuktaindet ne Toroor. Tos matachegei icheegei, si kogoochigei kalilanet eng' togoochikwak?

JEREMIA 9:21

Amu kagonyo meet tirisyokyok, kagochut kooriikyok che po laitorinik, si koges lagok eng' saang', ak koges neranik eng' ortinwek.

RIREKAB JEREMIA 2:11

Ibwandos konyekyuk amu peegap kong', nyalili moennyu. Ki koroong'jigei ng'wony koitonyu, amu ng'emisyetap piikyuk; amu tanuitos lagok ak che reryei eng' ortinwegap nganaseet.

RIREKAB JEREMIA 2:22

Ki iguur puunikyuk eng' komosta age tugul, ko uu eng' peetuutap tuiyet ne ki king'at. Eng' peetuutap nereegegap Kamuktaindet ne Toroor koma piit chii ne ki chilil anan ne ki ng'et. Icheeget che ki aname ak ariibe kobooch ko mengech ko ki koges punyondennyu.

EZEKIEL 33:11

Mwachi icheek ileenji, ko uu ye asabe, mwaei Kiptaiyat Kamuktaindet ne Toroor, koma paibaitune meetap kiptengekyot; ago abaibai ngo week kiptengekyot kometo ooreennyi, ak kosap: oweege, oweege, omete ortinwekwok che yaach; amu nee si obegu, ee kootap Israel?

EZEKIEL 9:6

obar ogesu poiyo, muren, chepto, ak lagok che mengeechen, ak kwonyiik: ago amat ooriikyi chii age tugul ne ki king'ooch; ak otaune oldanyu ne tiliil. Kitaune anyun poisyek che ki mi taitap koot.

HABAKUK 2:10

Ki ichop teweernateet agobo koong'ung', ye kingi par che chaang', ak ki iyachi tengekto saboondang'ung'.

KAITOSYEK 16:38

Ara agobo tereenigap kiptengeginik che kogorwookyigei icheegei kot kobek, ko ingitaany anyun kolebelitu si ketuge kaptisisyet, amu ki igoito tuguuchooto eng' taitap Kamuktaindet ne Toroor, ara tiliileen anyun amu nooto. Si koek chooto kaboorunet eng' piigap Israel.”

NG'ATUTIK 32:25

Eng' ole po saang', korebisyei rotwetap chok, ak eng' ko, kobiitu kamuiset; Parei muren ak pergeiyat, Ne chuchuni ak chiito ne po kalwalek.”

JOSHUA 6:21

Kibaree rotwetap chok tugul che ki mi nganaseet kogees: murenik ak kwonyiik, ne ming'in ak ne oos, tany, keechiir ak sigiryo.

KIRUOGIK 21:11

Kiit ne obendi oyae ko ni; obare ogesu muren age tugul ak kwony age tugul ne ki koruiyo ak muren.”

1 SAMUEL 15:3

Ui anyun nguno ibookyi Amelek ak ing'em igeesu tuguuk tugul che tinyei. Amat ibagaakte chii, ago par muren ak kwony, lakwa ak ne reryei, teta ak keechiiryet, tambeesyet ak sigiryet!”

1 SAMUEL 22:19

Ki par kora Nob nganaseetap tisiik eng' rotwetap chok; murenik ak kwonyiik, lagok ak che reryei, ak tuuga kobooto sigiroik ak keechiirek.