JEREMIA 44:3 - BUKUIT NE TILIIL Sireet ne Dutero Kanon

³ amu yaityennywa ne ki koyai kotacha anereech, amu ki pa kobeel nyamdutik, koot kamuktaik che ki ma kongen, icheeget, anan okweek, anan kwanisyekwok.

Bukuit Ne Tilil

³ amu yaityennywa ne ki koyai kotacha anereech, amu ki pa kobeel nyamdutik, koot kamuktaik che ki ma kongen, icheeget, anan okweek, anan kwanisyekwok.

BUKUIT NE TILIL

³ amu yaitienywa ne kigoyai kotacha anerech, amu kiba kobeel nyamdutik, koot cheptalelisiek che kima kongen, icheget, anan okwek, anan kwanisiekwok.

JEREMIA 44:3 Referencias Cruzadas

NEEMIA 9:33

Ago ii po iman eng' tuguuk tugul che ki kobwanjech, amu ki iyai ne po iman, ago ki keyai ne ya:

ISAIAH 3:8

Amu kogong'emak Jerusalem, ak kogobut Judah; amu ki ingelelji Kamuktaindet ne Toroor eng' ng'elyebwekwak ak eng' poisyonikwak, koesyoi kimni toroornatennyi.

JEREMIA 11:17

Amu kagomwa Kamuktaindet ne Toroor ne po lugoosyek, ne kiminin, yaityet agobo inyee, amu yaityetap kootap Israel ak ne po kootap Judah, che ki koyachigei kotacha anereech amu ki igoochi Baal nyamdutik.

JEREMIA 16:10

Ak ye tuun iboorchi pichu ng'aleechuuto tugul, ak koleenjin, Amu nee si komwa Kamuktaindet ne Toroor yaityoni oo agobo acheek? Anan nee yaityennyo? Anan nee tengektonyo ne kigeyachi Kamuktaindet ne Toroor, Kamuktaindennyo?

JEREMIA 22:9

Kowol anyun kole, amu kimeto kayomisetap Kamuktaindet ne Toroor Kamuktaindennywa, ak kolas kanamonik che teer, ak koot.

JEREMIA 29:19

amu ma kas ng'aleekyuk, mwaei Kamuktaindet ne Toroor, che ki ayooktochine icheek otwogikyuk maotik, ang'eete karon miising' ak ayookte icheek; ago ma ocham ogas, mwaei Kamuktaindet ne Toroor.

JEREMIA 32:30

Amu ki koyai piigap Israel ak lagogap Judah ne ya eng' tainnyu kobooch ming'inatennywa: amu ki kotacha piigap Israel anereech eng' poisyonigap eunekwak, mwaei Kamuktaindet ne Toroor.

JEREMIA 44:23

Amu ki obeel nyamdutik, ak amu ki oyachi Kamuktaindet ne Toroor tengekto, ama ogas iit kutitap Kamuktaindet ne Toroor, anan obendate ng'atuutikyik, anan kayomisutikyik, anan paornatosyekyik; konyonjok anyun yaityoni ko uu ye uu rani.

JEREMIA 44:8

amu otagena poisyonigap eunekwok, obeeljini nyamdutik kamuktaik eng' emetap Misiri, ole ki obe otebee; si kobiit kigeswok, ak oegu che kisasei ak che kichotei eng' pororyosyek tugul che po ng'wony?

JEREMIA 5:19

Ak ye tuun teep piik kole, “Amu nee si koyaiywech Kamuktaindet ne Toroor Kamuktaindennyo tuguuchuuto tugul?” Ileenji anyun, “Ko uu ye ki ometa ak oot kanamonik che teer eng' emeng'wong', oote ko uu nooto toek eng' emet ne ma neng'wong'.”

JEREMIA 5:29

Tos manyone abire icheeget agobo tuguuchuuto? Mwaei Kamuktaindet ne Toroor, tos mayaaktochinigei mugetuut eng' pororyet ne uu ni?

JEREMIA 7:19

Tos tachei ng'oo pichooto konereech? Tos anee? Mwaei Kamuktaindet ne Toroor. Tos matachegei icheegei, si kogoochigei kalilanet eng' togoochikwak?

RIREKAB JEREMIA 1:8

Ki koyai Jerusalem tengekto ne ya miising'; kogoek anyun kiit ne murwoon amu nooto. Sasei ineendet tugul che ki konyiti ineendet, amu ki kogeer aach ngorinnyi. Ee, tigeni, ak koweechigei let.

RIREKAB JEREMIA 4:13

Ki piit ko uu niito amu tengekwogigap maotikyik, ak yaitwogigap tisiikyik, che kitumda korotiigap piik che po iman eng' kwenunnyi.

EZEKIEL 9:9

Koleenjo anyun, Oo kot tengektap kootap Israel ak ne po Judah, kanyi emoni korotiik, ak kanyi nganasani kamaaset ne po kirwoogutik: amu mwaei kole ki kometo Kamuktaindet ne Toroor emoni, ama keerei Kamuktaindet ne Toroor.

NG'ATUTIK 13:6

“Ngo kaigain eng' ung'oot ng'eetap kamenng'ung' anan weeriing'ung' anan cheptong'ung' anan osotyondeng'ung' ne ichame anan chorweng'ung' ne ichame ko uu ye ichame saboondang'ung' koleenjin, ‘Ngebe keoot kanamonik alak’ che ki ma ingen inyee anan kwanisyeguk,

NG'ATUTIK 29:25

Kole anyun piik, ‘Amu ki pagaakta kayomisetap Kamuktaindet ne Toroor, Kamuktaindetap kwanisyekwak ne ki yai kobooto icheek ye ki imutu komong' eng' emetap Misiri.

NG'ATUTIK 29:26

Ki pa koot kanamonik ak kogutung'ji che ki ma kongen ak che ki ma chamji ineendet.

NG'ATUTIK 32:17

Ki eng'ji tiseiywek oik, che ma Kamuktaindet, kamuktaik che ki ma kongen, che ki piitu let, Che ki ma koywei kwanisyekwok.

HEBRANIK 3:16

Amu ng'oo che kitagis ye kingo kas? Tos ma icheek tugul che ki mang'une Misiri eng' Musa?