JEREMIA 44:28 - BUKUIT NE TILIIL Sireet ne Dutero Kanon

²⁸ Ak koweigei icheek che chililee rotwetap chok komong' eng' emetap Misiri, kobwa Judah, che ng'ering'; ak konai tugul che ki kong'et che po Judah, che ki pa emetap Misiri koba kotebee olooto, kole ng'olyootap ng'oo ne isuldoi, nenyu anan nenywa.

Bukuit Ne Tilil

²⁸ Ak koweigei icheek che chililee rotwetap chok komong' eng' emetap Misiri, kobwa Judah, che ng'ering'; ak konai tugul che ki kong'et che po Judah, che ki pa emetap Misiri koba kotebee olooto, kole ng'olyootap ng'oo ne isuldoi, nenyu anan nenywa.

BUKUIT NE TILIL

²⁸ Ak koweeigei ichek che chilile rotwetab chok komong’ eng’ emetab Misri, kobwa Juda, che ng’ering’; ak konai tugul che kigong’et che bo Juda, che kiba emetab Misri koba kotebe oloto, kole ng’olyotab ng’o ne isuldoi, nenyu anan nenywa.

JEREMIA 44:28 Referencias Cruzadas

TIENWOGIKAL 33:11

Tonondos ruchinaigap Kamuktaindet ne Toroor koigeny, ak kabwaatutigap muguleldanyi eng' ibinwek tugul.

ISAIAH 10:19

Ng'ering'itu keetiik che ng'etu che po osnennyi, kot komuuch koiit lakwa.

ISAIAH 10:22

Agot nganda uu piiguk che po Israel ng'aniek che po nyanjet, koweeksei piik che ng'etu kityo eng' icheek. Kigeng'at kagesunet eng' icheek, ne ng'elyektoi eng' imanda.

JEREMIA 42:17

Igeitu nooto eng' piik tugul che tokyingei Misiri kobendi kotebee olooto; pegu eng' rotwetap chok ak eng' rubeet, ak eng' koroito: ak ma mi agot agenge eng' icheek ne ng'etu anan ne chilili eng' yaityet ne aipchini.

JEREMIA 44:13

Amu abire icheek che menyei emetap Misiri, ko uu ye ki abir Jerusalem, eng' rotwetap chok, ak eng' rubeet, ak eng' koroito;

JEREMIA 44:14

kot koma chilil anan kong'et agot agenge eng' che kiga ng'et che po Judah, che ki pa emetap Misiri, kotebee olooto, kole koweek kobwa emetap Judah, emet ne machei kole koweekyigei koba komeny: amu ma piitu ne weechigei kobatee ne chilili.

JEREMIA 44:29

Ak ni kaboorunet eng' okweek, mwaei Kamuktaindet ne Toroor, ale kabirok eng' olito, si onai ole isuldoi iman ng'aleekyuk koibwok yaityet:

JEREMIA 51:50

Oba okweek, che ki ochilile rotwetap chok, amotonon; obwaat Kamuktaindet ne Toroor omi ole loo, ak obwaat Jerusalem.

EZEKIEL 6:8

Ago atuuchi che ng'etu, si kobiit onyooru che chilildos eng' rotwetap chok eng' pororyosyek, ye kiseerak obe emotinwek.

SEKARIA 1:6

Ago tos ki ma ityi kwanisyekwok ng'aleekyuk ak ng'atuutikyuk che ki ang'at otwogikyuk maotik? Ak ki week icheek ak kole, “Ki koyaiywech Kamuktaindet ne Toroor ne po lugoosyek ko uu ye kiga ibwaat kole yaiywech ko uu ortinwekyok, ak ko uu poisyonikyok.”

KAITOSYEK 14:41

Ago ki leenji Musa, “Amu nee si obistoe ng'atuutyetap Kamuktaindet ne Toroor? Amu ma isuldoi ng'olyoot ngeyai ne uu nooto.

MATAYO 24:35

Siirtoi kipsengwet ak ng'wony, ago ma siirtoi ng'aleekyuk.