JEREMIA 42:2 - BUKUIT NE TILIIL Sireet ne Dutero Kanon

² ak koleenji maotyot Jeremiah, Kisoomin keele, kaswech soomennyo, ak saiywech Kamuktaindet ne Toroor Kamuktaindeng'ung', acheek tugul che ki king'etu; amu ki king'etu piik che ng'ering' eng' piik che chaang', ko uu ye igeerech:

Bukuit Ne Tilil

² ak koleenji maotyot Jeremiah, Kisoomin keele, kaswech soomennyo, ak saiywech Kamuktaindet ne Toroor Kamuktaindeng'ung', acheek tugul che ki king'etu; amu ki king'etu piik che ng'ering' eng' piik che chaang', ko uu ye igeerech:

BUKUIT NE TILIL

² ak kolenji maotiot Jeremia, Kisomin kele, kaswech somennyo, ak saiywech Jehovah Kamuktaindeng’ung’, achek tugul che kiging’etu; amu kiging’etu bik che ng’ering’ eng’ bik che chang’, ko u ye igeerech:

JEREMIA 42:2 Referencias Cruzadas

1 LAITORINIK 13:6

Ki wolji `laitoryat chiitap Kamuktaindet koleenji, “Igaigai Kamuktaindet ne Toroor Kamuktaindeng'ung' ak isaiywa, si koweek eunnyu kogeny kosap.” Ak ki sa `chiitap Kamuktaindet ne po Toroornatet, ak ki week eutap laitoryat kogeny kosap ak koigei kiit ne ka uu eng' tai.

TIENWOGIKAL 119:170

Ingonyo taing'ung' soomennyu; sarwo ko uu ng'olyoondeng'ung'.

KOMONG'U 8:28

Kowol kole Pharaoh, “Agoonok obe pandang'wong' si kobiit ogoochi tiseiywot Kamuktaindet ne Toroor Kamuktaindeng'wong' eng' surkwen. Ago mat obe anyun ole loo miising', ak osaaiywo agane.”

KOMONG'U 9:28

Osaa Kamuktaindet ne Toroor amu kagoyam tuleennyi ak koik; agoonok anee obe, amat ogagei.”

ISAIAH 1:15

Ye oiite eunekwok, aung'enok konyekyuk. Agot ye osaa eng' saautik che chaang', koma kase; nyiitaat eunekwok korotiik.

ISAIAH 1:9

Nda ki ma pagaakwech Kamuktaindet ne Toroor ne po lugoosyek ng'etunenik che ng'ering' miising', ta kiga kiwoongwech ko uu Sodom ak Gomorah.

ISAIAH 37:4

Abeere imuuchi kogas Kamuktaindet ne Toroor Kamuktaindeng'ung' ng'aleegap Rabsake, ne kagoyok laitoryatap Assyria kiptaiyandennyi, konyo kochot kamuktaindet ne sabei, ak koger kong' ng'aleek che kagas Kamuktaindet ne Toroor Kamuktaindeng'ung': ara anyun saa agobo piik che ng'etunotiin.

ISAIAH 42:20

Igeere tuguuk che chaang', ago meguitosi; yaatatin itiikyik, ago ma kasei.

JEREMIA 15:11

Ki mwa Kamuktaindet ne Toroor kole, agimiitin iman agobo kiit ne myee. Eng' iman agoochini puunyoot kogaigain eng' peetuutap yaityet ak eng' peetuutap usiisyet.

JEREMIA 2:27

che leenjin subenet, “Ii abba.” Ak koleenji koita, “Ki isicha.” Amu ki kotuktocha patai, ama tokyagei. Ago mwaei eng' peetuutap nyalildanywa kole “Ng'eet ak isarwech!”

JEREMIA 21:2

asoomin ale, teebwech eng' Kamuktaindet ne Toroor; amu ibookyinech Nebukadresar laitoryatap Babilon: tamangap koyaiywech Kamuktaindet ne Toroor ko uu poisyonikyik tugul che kikwong'ee, si kobiit kwo koistoeneigei.

JEREMIA 36:7

Tamangap komwaita soomutikwak eng' taitap Kamuktaindet ne Toroor, ak koweek chii age tugul kometo ooreennyi ne ya, amu eecheen nereegek kobooto nereegek che ng'woneen che ki komwa Kamuktaindet ne Toroor agobo pichu.

JEREMIA 37:20

Asaain anyun, ee kiptaiyandennyu laitoryat, ale, kaswa soomennyu; asaain ale ameweekyo kootap Jonathan siriindet, si ma meechi olooto.

JEREMIA 37:3

Ak ki iyookto Zedekiah laitoryat Jeukal weeriitap Selemya, ak Zephaniah weeriitap Maaseia tisiindet, koba kapmaotyot Jeremiah, koleenji saiywech anyun Kamuktaindet ne Toroor, Kamuktaindennyo.

JEREMIA 38:14

Ki iyookto anyun Zedekiah laitoryat kimut maotyot Jeremiah, kwo ole mi ineendet agoi ole kimandoe ne po somok ne ki mi kootap Kamuktaindet ne Toroor: ak ki mwachi laitoryat Jeremiah koleenji, amache ateebenen kiy; ameung'ena kiy.

JEREMIA 40:15

Kong'alaalji anyun eng' ung'oot, Johanan weeriitap Karea Gedalia eng' Mispa, koleenji, kaigai, ichamwo awo abar Ishmael weeriitap Netania, ama naei chii: amu nee anyun si kobarin, si koyesta Yahudik tugul che ki koyumjingei, ak kobek che ki ng'et che po Judah?

JEREMIA 42:20

Amu ki oyachi kaberberisyet saboonwekwok; amu ki oyookto awo ye mi Kamuktaindet ne Toroor Kamuktaindeng'wong', ole, Saiywech Kamuktaindet ne Toroor, Kamuktaindennyo; ak imwaiwech ko uu tugul che mwaei Kamuktaindet ne Toroor, Kamuktaindennyo, si keyai:

RIREKAB JEREMIA 1:1

Kalya si koguber nganaseet ne ki nyiitaat piik! Amu nee si kotebi ko uu kwony ne ki kosiirtoe manong'otyot, nganaseet ne ki oo eng' pororyosyek! Ineendet ne ki cheptap laitoryat eng' emotinwek, ko kagoek anyun otwogindet.

EZEKIEL 12:16

Ago atuuchi piik che ng'ering' eng' icheek kochililee rotwetap chok, ak rubeet, ak koroito; si kobiit kobarta tuguukwak tugul che kiwechei eng' pororyosyek ole tuun pendi; si konai kole aa Kamuktaindet ne Toroor.

HOSEA 8:10

Ee, agot nganda alei eng' pororyosyek, ayumi anyun icheek; ak kotoi kong'ering'itu amu nyigiisindap lautyet ne ki igoochi icheek `laitorinik ak pounik.

ATEPTAP LAWIK 26:22

Ayoogu tyong'ik che po timiin kobwa kwenung'wong', che pwoonei korebenok lagokwok ak kobar tuukwok; ak koyaak ong'ering'itu ak koek kipkuberet ortinwekwok.

AMOS 7:2

Ak ye kingo kagoam susweek kogees eng' emet, ale anyun, “Ee Kiptaiyat Kamuktaindet ne Toroor, asaain ale, nyochi kaat. Tonondoi ano Jakobo? Ming'in inee miising'!”

MATAYO 24:22

Ak nda ma kiga keetil konwagitu peetuusyechooto, ta ma ki saru chii; ago kitilei peetuusyechooto agobo che lewenotin.

POISYONIGAP CHE KIYOKTOI 8:24

Ak ki wol Simion kole, “Osaiywa Kiptaiyat, si ma pwanjo agot agenge tuguuk che kaomwaiwo.”

NG'ATUTIK 28:62

Si ong'etu che ng'ering' eng' che ki aechin chaang'indang'wong' ak kecheigap kipsengwet. Amu ki ma iepchi iit kutitap Kamuktaindet ne Toroor Kamuktaindeng'ung'.

NG'ATUTIK 28:63

Ko uu ye ki paibait Kamuktaindet ne Toroor eng' okweek koyaiywok ne myee ak kotesak, ko uu nooto ko poiboitu Kamuktaindet ne Toroor eng' okweek kolusak, kowong'wok ak kitutok eng' emet ne iwendi iname kobunjiin.

NG'ATUTIK 4:27

Iiyestaak Kamuktaindet ne Toroor oyomu pororyosyek ak ong'etu che ng'ering' eng' pororyosyek ole imutok Kamuktaindet ne Toroor.

JAKOBO 5:16

Ong'aang'jige anyun kachiliilutikwok okweegei, ak osachinigei okweegei, si kobiit kisaabok. Toretisyei miising' saaetap chiito ne po imanda ngo saa eng' kagiiletapkei.

1 SAMUEL 12:19

Koleenji `piik tugul Samuel, “Saa igaigai Kamuktaindet ne Toroor Kamuktaindeng'ung' agobo otwogiguk si ma kibegu, amu kogetesyi tengekwogikyok tugul yaityoni, kesoomjigei laitoryat.”

1 SAMUEL 12:23

Eng' anee, ko ingolooit ayachi tengek Kamuktaindet ne Toroor, ak abagaakte asaiywok; atesetai aneetook eng' ooreet ne myee ak ne nyolu.

1 SAMUEL 7:8

Ki leenji `piigap Israel Samuel, “Amebagaakte iriirchi Kamuktaindet ne Toroor, Kamuktaindennyo agobo acheek, si kosarwech eng' eunegap Philistiik.”