JEREMIA 42:10 - BUKUIT NE TILIIL Sireet ne Dutero Kanon

¹⁰ Ngot kota omeny emoni, ateechok anyun, ama abutok, ak aminak, ama atutok: amu kaawal kabwaatutikyuk eng' yaityet ne koayaiywok.

Bukuit Ne Tilil

¹⁰ Ngot kota omeny emoni, ateechok anyun, ama abutok, ak aminak, ama atutok: amu kaawal kabwaatutikyuk eng' yaityet ne koayaiywok.

BUKUIT NE TILIL

¹⁰ Ngot ko ta omeny emoni, ateechok anyun, ama abutok, ak aminak, ama atutok: amu kaawal kabwatutikyuk eng’ yaitiet ne koayaiywok.

JEREMIA 42:10 Referencias Cruzadas

2 SAMUEL 24:16

Ye kingo tokyi malaikaiyat eunnyi Jerusalem kole kobar, kowal Kamuktaindet ne Toroor kabwaatutikyik agobo yaityonooto ak koleenji malaikaiyandonooto kibarei piik, “Kagoyam, ingosiis eung'ung'.” Ki mi malaikaiyatap Kamuktaindet ne Toroor ole neegitee rwanyut ne kiboorsee ne po Arauna Jebusindet.

TIENWOGIKAL 102:16

Teechei `Kamuktaindet ne Toroor Zion, taagu inee eng' toroornatennyi.

TIENWOGIKAL 106:45

Ak ki ibwaat kayomisennyi ne kigayomisyi icheek, ak ki riiree icheek ko uu chaang'indap rireenosyekyik.

TIENWOGIKAL 37:3

Imang'u Kamuktaindet ne Toroor ak iyai ne myee; meng'iisye eng' emet, ak isup imanda.

TIENWOGIKAL 69:35

Amu saru Kamuktaindet Zion, ak koteech nganasoogap Judah; Ak komeny icheek olooto, kobunji.

KOMONG'U 32:14

Ki wol anyun `Kamuktaindet ne Toroor kabwaatutikyik agobo yaityonooto ki kamwa kole yachin piikyik.

JEREMIA 24:6

Amu ageere icheek si kotep eng' myeeindo, ak amutu kogeny kobwa emoni: ak ateech icheek, ak ma abute; amiine, ama atutu.

JEREMIA 26:19

Tos kita kobar Hezekiah laitoryatap Judah ak Judah tugul ineendet? Tos ki ma iywei Kamuktaindet ne Toroor ak kogaigai Kamuktaindet ne Toroor, kot kowal Kamuktaindet ne Toroor kabwaatutikyik eng' yaityet ne kiga komwa agobo icheek? Ngot keyai ko uu nooto, ko kagiipchi saboonwekyok yaityet ne oo.

JEREMIA 27:11

Ago pororyet ne kase iit laitoryatap Babilon, ak koot ineendet, abagaaktoi pororyonooto kong'et eng' emennywa, mwaei Kamuktaindet ne Toroor; ak kobat emonooto, ak komeny olooto.

JEREMIA 31:28

Ak ko uu ye ki ariip icheek si kobiit atut ak agabui ak ang'em, ak anyaliil, ariibe anyun icheek ko uu nooto si kobiit ateech ak amin, mwaei Kamuktaindet ne Toroor.

JEREMIA 33:7

Ak agoochi Judah ak Israel koweek eng' ole kiga kiluulji, ak ateech icheek ko uu eng' tai.

JEREMIA 43:4

Ma kas iit anyun kutitap Kamuktaindet ne Toroor Johanan weeriitap Karea, ak kiptainik tugul che po lugoosyek, ak piik tugul, si kobiit komeny emetap Judah.

EZEKIEL 36:36

Konai anyun pororyosyek che ng'etunotiin eng' komoswekwok, kole, koateeche anee Kamuktaindet ne Toroor komoswechuuto kiga kobutok, ak agool ole kiga koguber: kamwae anee Kamuktaindet ne Toroor, ak ayae.

HOSEA 11:8

Amuktoi ano ameteen, inyee Ephraim? Amuktoi ano asaruun, inyee Israel? Amuktoi ano ayain iige Adma? Amuktoi ano ayain iige Seboim? Kagowalak muguleldanyu, kagorira moo.

JOEL 2:13

ak ogereer mugulelwekwok, amogereer ngoroikwok, ak oweekyigei Kamuktaindet ne Toroor Kamuktaindeng'wong': amu tinyei myeeindo ineendet ak ko nyiitaat rireenet, ma sip konereechi, ak tinyei rireenet ne oo, ak kowalei kabwaatutikyik eng' yaityet.

AMOS 7:3

Ki wal Kamuktaindet ne Toroor kabwaatutikyik agobo niito; kole “Ma piitu ko uu nooto,” mwaei Kamuktaindet ne Toroor.

AMOS 7:6

Ki wal Kamuktaindet ne Toroor kabwaatutikyik agobo niito; “Ma piitu niito agine,” mwaei Kiptaiyat Kamuktaindet ne Toroor.

JONAH 3:10

Kingo keer Kamuktaindet poisyonikwak, kole kaweek icheek kometo ooreenywa ne ya; kowal Kamuktaindet kabwaatutikyik agobo yaityet ne ki kamwa kole yachin icheek; ak mata koyai.

JONAH 3:4

Ak ki toi Jona kochut nganaseet eng' pandap peetuut agenge, ak kiititen kole, “Tomo peetuusyek artamu si keng'em Nineveh!”

JONAH 4:2

Ki sa Kamuktaindet ne Toroor kole, “Asaain, ee Kamuktaindet ne Toroor, tos ma ng'olyoondoniito ne ki kamwa ye kingo ta ami emennyu? Ki amwei anyun achakte awe Tarsis amu niito. Ki angen ale ii Kamuktaindet ne po myeeindo ak ne nyiitaat rireenet, ne ma sip konereechi ak kotinyei rireenet ne oo, ak iwale kabwaatutiguk agobo yaityet.

POISYONIGAP CHE KIYOKTOI 15:16

‘Ye ibata tuguuchu aweege, ak ateech kogeny kootap Daudi ne ki koluul; ak ateech kogeny komoswek che ki koluulyo, ak alum kotonon,

NG'ATUTIK 32:36

Eng' iman ko irwookyinechin `Kamuktaindet ne Toroor piikyik, ak koriir moo agobo otwogikyik, ye keer kole kagowandagei kimnateennywa, Ama mi ne kong'et ne rataat anan ne ma rataat.

KIRUOGIK 2:18

Kingo ng'eetyi `Kamuktaindet ne Toroor kirwoogik, ko ki mi Kamuktaindet ne Toroor kobooto kirwoogindet, ak kosar icheek eng' eunegap puunikwak eng' peetuusyek tugul che po kirwoogindonooto. Ki riiree Kamuktaindet ne Toroor eng' tigenennywa ak eng' icheek che ki inyalili ak koimi.