JEREMIA 4:31 - BUKUIT NE TILIIL Sireet ne Dutero Kanon

³¹ Amu ki agas waagaat ne uu ne po kwondo ne machei kosich taaitanyi, kutitap cheptap Zion ne isyenyi, ne iitoi eunekyik ak komwaei koleen, pwo eng' anee! Amu tanui saboondanyu eng' taitap rumiik.

Bukuit Ne Tilil

³¹ Amu ki agas waagaat ne uu ne po kwondo ne machei kosich taaitanyi, kutitap cheptap Zion ne isyenyi, ne iitoi eunekyik ak komwaei koleen, pwo eng' anee! Amu tanui saboondanyu eng' taitap rumiik.

BUKUIT NE TILIL

³¹ Amu kiagas waagat ne u ne bo kwondo ne machei kosich taitanyi, kutitab cheptab Sion, ne isienyi, ne iitoi eunekyik, komwaei kole, Bwa eng’ ane! Amu tanui sobondanyu eng’ taitab rumik.

JEREMIA 4:31 Referencias Cruzadas

TAUNET 27:46

Koleenji anyun `Rebeka Isak, “Ageere kaimetapkei peetuusyechu amu tiibiigap Het. Ngot kotun Jakobo chepto eng' tiibiigap Het che uu tipchu po emoni, kotilei nee saboondanyu?”

Kitabuutap JOB 10:1

Aweche sabeennyu; amwaitoi kang'unyng'unyennyu, amasise; ang'alaali eng' ng'wanindap saboondanyu.

TIENWOGIKAL 120:5

Pwo we, anee amu ki aegu ononio eng' Meshek, amu amenye kwenutap emaisyegap Kedar!

ISAIAH 1:15

Ye oiite eunekwok, aung'enok konyekyuk. Agot ye osaa eng' saautik che chaang', koma kase; nyiitaat eunekwok korotiik.

ISAIAH 13:8

ak kotoptobenso. Namei icheek ng'waninwek ak aragenosyek; nyooru ng'wanindo ko uu kwondo ne amei moet. Ak kokwong'ee `age age; ak koigei togoochikwak togoochigap liplibenetap maat.

ISAIAH 21:3

Kanyi anyun arageneet suennyu; kanama ng'waninwek, ko uu ng'waninwegap kwondo ne machei kosigiis. Ama kot koma muuchi agasta, Aarageni kot koma muuchi ageerto.

ISAIAH 26:17

Ko uu kwondo ne tamono, ne kagoriik peetuusyek che chute ko, ye mi eng' ng'wanindo ak koriirei; ki kiuu nooto agacheek eng' taing'ung', ee Kamuktaindet ne Toroor.

ISAIAH 42:14

Ki asiis keny; kimayai kiy, ak aratkei: awaache anyun nguno ko uu kwondo ne machei kosigiis; asiiru ak asyenyi.

ISAIAH 6:5

Ki ale anyun, “Pwo eng' anee! Kaawong'uge, amu aa chii ne tinyei kutit ne ng'waan, ak ki meng'iisyei ak piik che ng'woneen kutusweek; amu kaageer Laitoryat, Kamuktaindet ne Toroor ne po lugoosyek.”

JEREMIA 10:19

Pwo eng' anee, amu ng'wanindanyu! Ng'waan kaguotenennyu. Ago ki amwa ale, “Aragenennyu iman niito, ak kanyool amuita.”

JEREMIA 13:21

Tos mwaei nee ye tuun inde ineendet choronoguk koboun, ak ko inyee ne ki ineeti icheek? Tos manamin ng'waninwek, ko uu kwondo ne machei kosigiis?

JEREMIA 14:18

Ngot ale awo mbar, ageere che ki kebare rotwetap chok! Ak ngot ale awo nganaseet, ageere ale miitei che nyaluldos amu rubeet! Amu pendoti eng' emet maotik ak tisiik ama tinyei naet.”

JEREMIA 15:18

Amu nee si kobunji agoi ng'wanindanyu, ama inyaaksei moennyu ne ma kimuuchi kinya? Tos iegu eng' anee iman kereruut ne iberberisyei, ko uu peek che teng'dos?”

JEREMIA 18:21

Igoite anyun lagokwak, kobar rubeet, ak igoite icheek kobar rotwetap chok; ak ingobetyi lagok osotikwak, ak koek mosoogik; ak ingobar meet murenikwak, ak ingobar rotwetap chok neranikwak eng' lugeet.

JEREMIA 22:23

Ee inyee ne imenye Lebanon, ne iteeche kesweng'ung' eng' taragonik, iegu chii ne kiriirchin miising' ye kabwonjin ng'waninwek, ng'wanindo ne uu ne po kwondo ne machei kosigiis!

JEREMIA 30:6

Oteep anyun, si onai ngo tinyei mureno ng'wanindo ne po sigisyet: amu nee anyun si ageere muren age tugul konamei suennyi, ko uu kwondo ne machei kosigiis, ak kowalogis togoochik tugul eng' arageneet?

JEREMIA 45:2

Mwaun Kamuktaindet ne Toroor, Kamuktaindetap Israel, inyee ee Baruk, ko uu ni kole:

JEREMIA 48:41

Kageluul Keryot, ak kageche irimoikyik, ak koigei mugulelwegap piik che nyigoonen che po Moab, eng' peetuunooto, muguleldap kwondo ne tinyei ng'wanindo ye machei kosigiis.

JEREMIA 49:22

Ogeero, togosu ineendet ak kotirireni ko uu kipsiichit, ak kouito kebebaikyik kotokyi Bosra: ak koigei eng' peetuunooto mugulelwegap piik che nyigoonen che po Edom, muguleldap kwondo ne tinyei ng'wanindo ye machei kosigiis.

JEREMIA 49:24

Kogonyalul Damasko, kawelelgei komwei, kanam ineendet potanet: kanam ineendet pichiindo ak aragenosyek, ko uu kwondo ye machei kosigiis.

JEREMIA 50:43

Ki kogas laitoryatap Babilon kalasunennywa, ak nyaluldos eunekyik: kanam ineendet pichiindo, ak ng'wanindo ko uu ne po kwondo ne machei kosigiis.

JEREMIA 6:2

Agot nga karaaran ak ko ng'arng'ar cheptap Zion, ang'eme aistoi ineendet.

RIREKAB JEREMIA 1:17

Iitoi Zion eunekyik; ago ma mi chii ne igoigoi ineendet. Ki kong'at Kamuktaindet ne Toroor agobo Jakobo, kole egu puunikyik piik che menyei komoswekyik. Mi Jerusalem kwenunnywa ko uu kiit ne murwoon.

RIREKAB JEREMIA 1:20

Keero, ee Kamuktaindet ne Toroor, amu ami pichiindo, anyalili moennyu kawalak muguleldanyu; amu kaangelel miising'. Rebisyei rotwetap chok eng' ole po saang', eng' ko oriit komi ne uu meet.

RIREKAB JEREMIA 2:21

Ruitos ng'wony murenik ak poisyek eng' ortinwek; kagebar pergeinikyuk ak neranikyuk eng' rotwetap chok; Ki ibar icheek eng' peetuutap nereegeguk, ki ibar ama iriiree.

HOSEA 13:13

Pwaanjin ineendet aragenosyek che po kwondo ne machei kosigiis: ineendet ko weeriit ne ma ng'oom; amu kait peetuut ne ma nyoljin kota kotebee moo.

MIKAH 4:10

Ingonamin ng'wanindo, ak igimu, ee cheptap Zion, ko uu kwondo ne machei kosigiis: amu imandoi anyun nguno eng' nganaseet ak imeny mbar, ak iwe agoi Babilon; kisaruun eng' olooto; ityaachin Kamuktaindet ne Toroor eng' olooto eng' eutap puuniguk.

MIKAH 4:9

Amu nee anyun si iwaach? Tos metinye laitoryat, tos ki kobet chiing'ung' ne po kapkirwook, kot konamin ng'waninwek che uu che po kwondo ne machei kosigiis?

MIKAH 7:1

Pwo eng' anee! Amu aa uu yo kagiyum logoegap kemei, aa uu turoonik che po sabibuk, ma mi logoek che irurugotin che kimuuchi keam; machei saboondanyu tongoaniatap mogoywet.

MATAYO 21:5

“Omwachi cheptap Zion, Keero, nyoonjinin Laitoryandeng'ung', tala, ak kobunu sigiryet, ak moitap sigiryet, parnotyot.”

1 KORINTOEK 9:16

Amu ngaamde logoiywek che myach, koma tinye kiy ne alasunegei; amu kanyool ayai ko uu nooto; Pwo eng' anee ngot koma amde logoiywek che myach.

1 THESSALONIKEK 5:3

Ye mwaei icheek koleen, Kaalyeet ak chametapkei, koche anyun icheek ng'emisyet, ko uu ye ityin ng'wanindo kobogoryot ne machei kosigiis; ago ma koi chililso.