JEREMIA 4:26 - BUKUIT NE TILIIL Sireet ne Dutero Kanon

²⁶ Ki ageer, ak kiga koek surkwen mbareet ne kirurei, ak kiga kiluul nganasookyik eng' taitap Kamuktaindet ne Toroor, ak eng' taitap nereegekyik che ng'woneen.

Bukuit Ne Tilil

²⁶ Ki ageer, ak kiga koek surkwen mbareet ne kirurei, ak kiga kiluul nganasookyik eng' taitap Kamuktaindet ne Toroor, ak eng' taitap nereegekyik che ng'woneen.

BUKUIT NE TILIL

²⁶ Kiageer, ak ogeero, kiek ong’atet mbaret ne kirurei, ak kiga kiluul nganasokyik eng’ taitab Jehovah, ak eng’ taitab neregekyik che ng’wonen.

JEREMIA 4:26 Referencias Cruzadas

TIENWOGIKAL 107:34

Walei emet ne iyiot koek surkwen ne po muunyuk, amu sogornatetap icheeget che menyei olooto.

TIENWOGIKAL 76:7

Kanyool kiywein inyeendet, inyee; Ak ng'oo ne imuuchi kotonon eng' taing'ung' ko kenereech?

JEREMIA 12:13

Ki kool `icheek nganuuk ak kagoges katook; kibirtogei ama kelji kiy. Ililandos icheek amu logoekwak, ak amu nereegek che ng'woneen che po Kamuktaindet ne Toroor.

JEREMIA 12:4

Iteei emet kot kotyanit, ak korestos sogegap emet komugul agoi au? Amu sogornatetap piik che menyei olooto, ko ki koges kei anyun ak ki kobek tyong'ik ak toriitik. Amu ki le icheek, “Ma keerei ineendet kagesunennyo.”

JEREMIA 25:11

Ak koek karaatya emoni komugul, ak kwong'eet; ak koot pororyosyechu laitoryatap Babilon kenyiisyek tamanwogik tisap.

JEREMIA 7:34

Agoochini anyun kosiis tuugeetap poiboiyet ak ne po kagasetapkei, ne po sandet ak ne po murereet, eng' nganasoogap Judah ak ortinwegap Jerusalem, amu egu emet karaatya.

JEREMIA 9:10

Amu ariire ak atei agobo tuloonook, ak amosiseni agobo ole agete tuguuk eng' surkwen, amu kagolalyo, kot koma kobunei chii; ama komuuchi kogas piik kautetap tuuga; kogomwei toriitigap parak ak tyong'ik.

RIREKAB JEREMIA 2:7

Ki kotiimda Kiptaiyat kaptisisyennyi, ak ki kometo oldanyi ne tiliil. Ki konde eutap puunyoot irimoigap kooriikyik che po laitorinik. Ki kobolyo eng' kootap Kamuktaindet ne Toroor, ko uu eng' peetuutap tuiyet ne ki king'at.

ATEPTAP LAWIK 26:31

Ayae nganasookwok koek karotwek, ak ayai oldinwekwok che tiliileen koek kipkuberet, ma achame kong'ucha anyinyindap nyamdutikwok.

MIKAH 3:12

Kibati anyun Zion agobo okweek ko uu ye kibati mbareet, ak koek Jerusalem karurugutik, ak koigei tulweetap koot komoswek che torooreen che po timiin.

SEPANIA 1:18

Ama imuuchi fedhaisyekwak anan thahabusyekwak kosar icheek eng' peetuutap nereegegap Kamuktaindet ne Toroor; ago kibeelei emet komugul eng' maatap ng'etkondanyi: igeesu, ee, igeesu eng' kamuiset icheek tugul che menyei emet.